মার্ক 1:11 - Chakma Bible

¹¹ সে অক্তত্ স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পেইয়্যে পুয়ো, তঅ উগুরে মুই অমকদ হুজি।”

মার্ক 1:11 Iomraidhean Croise

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

মথি লেখ্যে গম্ হবর্ 12:18

চঅ, মঅ চাগর্ যিবেরে মুই বেঈ লোইয়োং। ইবেয়ই মর্ কোচ্‌পেইয়্যে মানুচ্ যিবে উগুরে মুই হুজি। মুই তা উগুরে মঅ আত্মাগান্ দিম, আর তে অযিহূদীগুনো ইধু ন্যায়বিচের ফগদাং গুরিবো।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

মার্ক 1:10

পানিত্তুন্ উদি এজানার্ লগে লগে যীশু দেগিলোদে, আগাজ্‌চান ফাদি যেইয়্যে আর পবিত্র আত্মা কোদোর ধোক্ক্যেন্ ওইনে তা উগুরে লামি এলঅ।

মার্ক 9:7

সে পরেদি এক্কান মেঘ এইনে তারারে ছাবালোই নাঢি ফেলেল, আর সে মেঘ্‌‌কানত্তুন্ এ কধাগান শুনো গেলঅ, “ইবে মর্ কোচ্‌‌পেইয়্যে পুয়ো, তুমি ইবে কধা শুনো।”

লূকে লেখ্যে গম্ হবর্ 3:22

সে অক্তত্ পবিত্র আত্মা কোদোর ধোক্ক্যেন্ গুরি তা উগুরে লামি এলঅ, আর স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পানার্ পুয়ো, তঅ উগুরে মুই অমকদ হুজি।”

লূকে লেখ্যে গম্ হবর্ 9:35

সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ পুয়ো যিবেরে মুই বেঈ লোইয়োং; তুমি ইবে কধা শুনো।”

যোহন 1:34

মুই সিয়েন্ দেক্ক্যং আর সাক্ষ্য দোঙর্, ইবেই গোজেনর্ পুয়োবো।”

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 5:37

সে বাপ্পো, যে মরে পাধেয়্যে, তে নিজে মঅ পৌইদ্যেনে সাক্ষ্য দিয়্যে। তুমি কনদিন্অ তা রবুয়ো ন-শুনো, চেঙেরায়ো ন-দেগঅ।

যোহন 6:69

আমি বিশ্বেজ্ গোজ্যেই আর হবর্ পেইয়্যেই যে, তুয়ই গোজেনর্ সেই পবিত্র মানুচ্চো।”

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।