মীখা 7:9 - Chakma Bible

⁹ ইক্কিনে আমি লগেপ্রভুর রাগ্‌কান বুওর্, কিত্যেই আমি তা বিরুদ্ধে পাপ গোজ্যেই, মাত্তর্ যেরেদি তে আমা তপ্পে কধা কোইনে আমা অধিকারানি থিদেবর্ গুরিবো। তে আমারে পহ্‌রত্ নিগিলেই আনিবো আর আমি তার্ ন্যায়বিচের্ দেগিবোং।

মীখা 7:9 Iomraidhean Croise

২ শমূয়েল 24:17

যে স্বর্গদূত্তো মানুচ্চুনোরে আঘাত্ গোজ্যে দায়ূদে তারে দেগিনে লগেপ্রভুরে কলঅ, “পাপ আর অন্যেয় মুই গোজ্যং। তারা দঅ ভেড়া ধোক্ক্যেন্‌। তারা কি গোজ্যন্? সেনত্তেই মরে আর মঅ বাব বংশবোরে তুই সাজা দিচ্‌।” দায়ূদে এক্কান ডালিপূজো বানেল।

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

ইয়োব 35:14

তুই কোইয়োচ্চে, তুই তারে ন-দেগচ্, তর্ মগদ্দমাগান তা মুজুঙোত্ আঘে, আর তুই তা বিচেরত্তে বাজ্জেই আগচ্।

গীতসংহিতা 119:154

মর্ তপ্পে ওইনে কধা কঅ, আর মুই যে নিদ্দুযি সিয়েন প্রমান গর্; তর্ এগেম্ মজিম মরে নুয়ো খেমতা দে।

গীতসংহিতা 37:6

তেয়ই তর্ ধার্মিকতাগানরে পহর্ ধোক্ক্যেন ফোট্‌‌ফোট্যে গুরিবো; তর্ ন্যায় কামানরে দিবুজ্যে রোদো ধোক্ক্যেন সাব্ গুরিবো।

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

গীতসংহিতা 7:6

ও লগেপ্রভু, অমকদ রাগ্ গুরিনে তুই উদিনে থিয়্যে, মঅ শত্রুগুনোর্ রাগর বিরুদ্ধে আত্ তুল্। মত্তেই তুই উঠ্, কিত্যে তর্ ন্যায়বিচেরর্ কধা তুই ফগদাং গোজ্যস্।

গীতসংহিতা 94:15

বিচেরর্ রায়য়ানি আরঅ ন্যায়বলা ওই উদিবো; যিগুনোর মনান্ দোল তারা বেক্কুনে সিয়েন মানি চলিবাক্।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 42:7

তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

যিরমিয় 10:19

হায়, মঅ আঘাত্‌‍তান গম্ অবার নয়! তো মুই নিজোরে কোইয়োংগে, “ইয়েন মর্ পীড়ে, মত্তুন সিয়েন সোজ্য গরা পুরিবো।” ‍

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিরমিয় 51:10

আমি যে লগেপ্রভুর নিজোর্ মানুচ্ তে সিয়েন দেগেই দিয়্যে, আমা গোজেন লগেপ্রভু যিয়েনি গোজ্যে এজঅ, আমি সিয়েনি সিয়োনত্ কোই।

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

১ শমূয়েল 24:15

লগেপ্রভুই যেনে বিচের্‌ গুরিনে মর্‌ আহ্‌ তর্‌ পৌইদ্যেনে রায় দে। তেয়ই যেনে মর্‌ কামানি দেগিনে মর্‌ পক্ষেন্দি থিয়্যেই আর তর্‌ আঢত্তুন্‌ মরে রোক্ষ্যে গরে।”

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।

১ শমূয়েল 26:10

জেদা লগেপ্রভুর নাঙে কঙর্, লগেপ্রভু নিজেই তারে সাজা দিবো। অয় তে এমনে মুরি যেবঅ, নয়দ যুদ্ধোত্‌ যেইনে শেজ্‌ ওই যেবঅ।

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”