মীখা 7:7 - Chakma Bible

⁷ মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

মীখা 7:7 Iomraidhean Croise

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

গীতসংহিতা 109:4

মঅ কোচ্‌পানার বদলে তারা মঅ বিরুদ্ধে শত্রুতা গরন্, মাত্তর্ মুই তবনা গুরি গুরি থাং।

গীতসংহিতা 130:5

মুই লগেপ্রভুরে বাজ্জেই আগং, মঅ মনানে তারে বাজ্জেই আঘে। মুই তা কধা উগুরে আজা রাগেয়োং।

গীতসংহিতা 25:5

তর্ সত্যলোই মরে পরিচালনা গর্ আর মরে শিক্ষ্যে দে, কিত্যে তুয়ই মর্ উদ্ধোর্‌‍গুরিয়্যে গোজেন; নিত্য তঅ উগুরে মুই আজা রাগাং।

গীতসংহিতা 37:7

লগেপ্রভুর মুজুঙোত্ শান্ত অ; ধৈর্য্য ধুরিনে তাত্তেই বাজ্জেই থাগঅ। নিজোর্ কামানি ফোলেবাত্তে যে মানুচ্চো তার্ পাজি সল্লাগান কামত্ লাগায়, সিয়েনত্তে তুই মনান্ যাগুলুগ্ ন-গুরিচ্।

গীতসংহিতা 38:15

ও লগেপ্রভু, মুই তইন্দি চেই আগং; ও প্রভু, মর্ গোজেন, মর্ জোব্‌‌পান তুয়ই দিবে;

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 65:2

ও তবনাগানি মানি লোইয়্যেবো, তইদু বেক্ মানুচ্চুন এজন্।

গীতসংহিতা 85:5

উমরত্যে কি তুই আমা উগুরে তর্ রাগ্‌কান অদে অদে রাগেবে? বংশর পর বংশ ধুরি কি তুই জদবদে গুরি বেজার্ ওই থেবে?

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 17:7

সেদিন্যে মান্‌জ্যে তারার গোজেন ইন্দি রিনি চেবাক্, ইস্রায়েলর সেই পবিত্র মান্‌জ্য ইন্দি চোগ্ ফিরেবাক্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

আবিলেচ্ 3:24

মুই মনে মনে কং, “লগেপ্রভু মর্ সোম্বোত্তি, সেনত্তে মুই তা উগুরে আজা রাগেম।”

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

হোশেয় 12:6

ইক্কিনে ও যাকোব-বংশর মানুচ্চুন, তমা গোজেন ইধু তুমি ফিরি এজঅ; তুমি বিশ্বেজ্ আর ন্যায়বিচের্ রোক্ষ্যে গর্ আর নিত্য তমা গোজেনরে বাজ্জেই থাগঅ।

যোয়েল 1:19

ও লগেপ্রভু, মুই তরে ডাগঙর্, কিত্যে চরি হেবার্ জাগায়ানি আগুনে গিলি ফেলেয়্যে আর আগুনো জিলে পুড়ি ফেলেয়্যে মাদর্ বেক গাজ্-বাজ্‌চুন।

হবক্‌‌‌‌কূক 2:1

মুই মর্ চুগিদার-জাগানত্ থিয়্যেম্, দেবাল উগুরে জাগা নেযেম্; তে মরে কি কবঅ আর মঅ আবিত্তিগানর্ কি জোব্ দিবো সিয়েনত্তে বাজ্জেই থেইম্।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

গণাণা 5:28

মাত্তর্‌ মিলেমানুচ্চো যুনি অসতী ন-ওইনে নির্দুজি ওই থায়্‌ সালে তারে যে দুষ্‌ দিয়া ওইয়্যে সিয়োত্তুন্‌ তে ছড়ান পেবঅ আর পুয়ো-ছার্‌ মা অবার্‌ খেমতা তার্‌ থেই যেবঅ।