মীখা 7:6 - Chakma Bible

⁶ কিত্যে পুয়ো বাব্‌পোরে ঈচ্ গুরিবো, ঝিবো মা বিরুদ্ধে আর পুদোবৌবো শুড়ী বিরুদ্ধে উদিবো। এক্কো মান্‌জ্যর নিজো গিরি মানুচ্চুনে তার্ শত্রু অবাক্।

মীখা 7:6 Iomraidhean Croise

পত্থম 49:4

মাত্তর্‌ তুই যেন গঙার পানি ধোক্ক্যেন, সেনত্তে তর্‌ সে অজল্ জাগায়ান্ আর ন-থেবঅ। মঅ মোক্কো ইধু যেইনে তুই মঅ বিচ্ছোনানত্ ফি বাজেই দুয়োচ্।

২ শমূয়েল 16:11

দায়ূদে সেক্কে অবীশয় আর তার বেক্‌ কামগুরিয়্যেগুনোরে কলঅ, “মঅ নিজোর পূঅবো যেক্কে মঅ পরাণান নিবাত্তে চেট্ট্যা গরের্‌ সেক্কে বিন্যামীন-গুট্টির এ মানুচ্চো দঅ আরঅ বেশ্‌ গুরিনে সিয়েন্‌ গুরিবো। তে যিয়েনি গোজ্যে তারে সিয়েনি গুরিবাত্তে দে; গেইল্ দিবাত্তে দে, কিত্যে লগেপ্রভু তারে সিয়েনি গুরিবাত্তে কোইয়্যে।

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

গম্ উপদেজ্ 30:11

এবাবোত্যে বোউত্ মানুচ্ আগন্ যিগুনে এধোক্ক্যেন্- তারা বাবরে অভিশাব্ দুয়োন আর মাবোর্ মংগল ন-চান্,

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিশাইয় 9:19

বেগত্তুন্ খেমতাবলা লগেপ্রভুর অমকদ রাগে দেজ্‌‌‌চান জুলি যেবঅ, আর মানুচ্চুন্ আগুনোত্তে দার্‌বো গাজ ধোক্ক্যেন অবাক্। কনজনে তা ভেইবোরেয়ো দোয়্যে ন-গুরিবো।‌‌

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 9:4

তারা পত্তিজনে সমাজ্যেগুনোত্তুন্ উজিয়ার ওক্ আর নিজো ভেইয়ুনোরে বিশ্বেজ্ ন-গোরোক্, কিত্তে পত্তি ভেইয়্যে ঠগান্ আর পত্তি সমাজ্যেই ইংসে গরন।

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

ওবদিয় 1:7

তর্ বেক সমাজ্যেগুনো-রেজ্যগানিত্ তর্ ধেই যেইয়্যে মানুচ্চুনোরে তারা দুযিত্ সোমেবাত্তে ন-দিবে। তঅ সমাজ্যেগুনে তরে ঠোগেবাক্ আর তরে ভিরেবাক্, যিগুনে তঅ হানা খান্ তারা তত্যেই ফাল্ ফাদিবাক্ মাত্তর্ তুই কিচ্চু বুঝি ন-পারিবে।”

মথি লেখ্যে গম্ হবর্ 10:21

ভেই ভেইয়োরে আর বাবে পুয়োরে মারে ফেলেবাত্তে ধুরি দিবো। পুয়ো-ছাগুনে মা-বাব বিরুদ্ধে থিয়্যেইনে তারারে খুন্ গোরেবাক্।

মথি লেখ্যে গম্ হবর্ 26:23

জোবত্ তে তারারে কলঅ, “যে মঅ সমারে পিলেবোত্ আঢ্‌তান দের্ তেয়ই মরে ধুরি দিবো।

লূকে লেখ্যে গম্ হবর্ 12:53

তারা এবাবোত্যেগুরি ভাগ্ ওই যেবাক্-বাবে পুয়ো বিরুদ্ধে আর পুয়ো বাব বিরুদ্ধে মা ঝিবো বিরুদ্ধে আর ঝিবো মা বিরুদ্ধে, শুড়িবো বৌ বিরুদ্ধে আর বৌরে শুড়ি বিরুদ্ধে।”

লূকে লেখ্যে গম্ হবর্ 21:16

তমার্ মা-বাবে, তমার্ ভেইয়ুনে আর তমার্ ইত্ত্য-কুদুম্মোগুনে, তমার্ সমাজ্জ্যেগুনে তমারে ধুরিবাক্; আর কয়েকজনে তমারে ধুরিনে মারেয়ো ফেলেবাক্।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’