মীখা 7:5 - Chakma Bible

⁵ কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,

মীখা 7:5 Iomraidhean Croise

গীতসংহিতা 141:3

ও লগেপ্রভু, মর্ মুয়োন উগুরে তুই চুগিদার বজা, মঅ ঠুট্‌তোর দরান্ তুই চুগি দে।

গীতসংহিতা 38:14

যে ন-শুনে আর যিবের মুয়োত্ কনঅ আবিত্তি নেই, মুই তা ধোক্ক্যেন্ ওইয়োং।

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

যিরমিয় 9:3

লগেপ্রভু কোইয়্যেদে, “তারা মিজে সেল্ মারিবাত্তে তারার ধনু ধোক্ক্যেন জিলানরে যুক্কোল্ রাগেয়োন; দেজত্ সত্য উগুরে মিজেগান জিদি যেইয়্যে। তারা পাপ উগুরে পাপ গরা ধোজ্যন্। তারা মরে তারার গোজেন বিলিনে স্বিগের্ ন-গরন।

যিরমিয় 9:4

তারা পত্তিজনে সমাজ্যেগুনোত্তুন্ উজিয়ার ওক্ আর নিজো ভেইয়ুনোরে বিশ্বেজ্ ন-গোরোক্, কিত্তে পত্তি ভেইয়্যে ঠগান্ আর পত্তি সমাজ্যেই ইংসে গরন।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

বিচের গুরিয়্যেগুন 14:17

পরবর্ সাপ্তাবোর শেজ্ দিন্নো সং তা মোক্কো তাইদু কানাকুদি গুরিলো। যেরেন্দি সাত দিনোত্‌ শিম্‌শোনে তা মোক্কোরে সিয়েন কলঅ, কিত্তেই ইয়েনত্তে তে তারে অমহদ তোস্যে লাগেইয়্যে। তা মোক্কো সেক্কে সে ভানাগানর জোব্‌পান তা মানুচ্চুনোরে কোই দিলো।