মীখা 7:2 - Chakma Bible

² দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

মীখা 7:2 Iomraidhean Croise

গীতসংহিতা 10:9

তে আন্দলত্তুন্ সিংহ ধোক্ক্যেন্ গুরি হাফ্ দি থায়; দুঘি মানুচ্চোরে ধুরিবাত্তে তে সিয়েন গরে, জালত্ ফেলেইনে তে তারে ধরে।

গীতসংহিতা 12:1

ও লগেপ্রভু, রোক্ষ্যে গর্, তর্ ভক্তগুনে আর্ নেই; বিশ্বেজি মানুচ্ মান্‌‌জ্য ভিদিরেত্তুন্ উদি যেয়োন্দোই।

গীতসংহিতা 12:2

মানুচ্ মান্‌জ্য ইদু মিজে কধা কন্; তারা কধা কন্দে ঠোগেয়্যে ঠুট্টোই আর ছলনা-ভরা মন্দোই।

গীতসংহিতা 57:6

তারা মর্ আঢিবার পদ্‌তানথ্ জাল পাত্যন্; অত্যেচারে মুই ভাঙি পোজ্যং; তারা মঅ পদ্‌তানথ্ গাদ্ খুজ্যন্, মাত্তর্ তারা নিজে সিয়েনত্ পোজ্যন।

গম্ উপদেজ্ 1:11

ধোজ্য, কনজনে কলঅ, “আমা লগে এজঅ, খুন গুরিবাত্তে যেই আমি হাপ্ দি থেই, কনঅ নিদ্দুযি মান্‌জ্যরে ধুরিবাত্তে পোল্ল্যেই থেই।

গম্ উপদেজ্ 12:6

পাজি মানুচ্চুনে লো জোড়েবাত্তে উৎ পাদি থেবার কধা কন্, মাত্তর্ ন্যায়বলাগুনে রোক্ষ্যে গুরিবার কধা কন্।

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিশাইয় 57:1

গম্ মানুচ্চুনে যে ভস্ত ওই যাদন্ সিন্দি কনজনে মনান্ ন-দুয়োন। গোজেন ভক্ত মানুচ্চুনোরে নেযা অর্, মাত্তর্ কনজনে বুঝি ন-পারদন্, ভান্ন্যেয় আঢত্তুন্ রোক্ষ্যে গুরিবাত্তে তারারে নেযা অর্।

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিশাইয় 9:19

বেগত্তুন্ খেমতাবলা লগেপ্রভুর অমকদ রাগে দেজ্‌‌‌চান জুলি যেবঅ, আর মানুচ্চুন্ আগুনোত্তে দার্‌বো গাজ ধোক্ক্যেন অবাক্। কনজনে তা ভেইবোরেয়ো দোয়্যে ন-গুরিবো।‌‌

যিরমিয় 16:16

“মাত্তর্ ইক্কিনে মুই বোউত্ জাল্যেরে ডাগিনে পাদেম্ আর তারা তারার মাছ ধোক্ক্যেন ধুরিবাক্। সে পরেদি মুই বোউত্ শিগেরিরে ডাগিনে পাদেম্ আর তারা পত্তিজনে দাঙর্ আর চিগোন মুড়ো আর পাত্তর ফাদাত্তুন্ তারা শিগের্ গুরি আনিবাক্।

যিরমিয় 5:16

তারা জদবদে সেল্ মারন; তারা বেক্কুনে দরমর যোদ্ধা।

যিরমিয় 5:26

মঅ মানুচ্চুনো ভিদিরে এন্ পাজি মানুচ্ আগন যিগুনে পেগ্ শিগেরি ধোক্ক্যেন উৎ পাদিনে থান; তারা ফাল্ পাদিনে মানুচ্ ধরন।

যিরমিয় 8:6

মুই মন দি শুন্যং, তারা ঠিগ্ কধা ন-কন। পাজিগানিত্তুন মনান ফিরেইনে কনজনে ন-কন্দে, হায়, মুই কি গুরিলুং! ঘোড়া যেবাবোত্যেগুরি দাবা যেইনে যুদ্ধোত্ যায় সেবাবোত্যেগুরি পত্তি জনে যার্ যার্ পধেদি চলন্।

আবিলেচ্ 4:18

মান্‌জ্যে আমাত্তেই হাফ্ দি থেদাক্, সেনত্তে আমি আমা মেলা জাগানিত্ আঢি ন-পারিদোং। আমা শেজ কাল কায়-কুরে এলঅ, আমা দিনুন্ ফুরেই যেইয়্যে, কিত্যে আমার শেজ সময়ান্ লুম্মেগি।

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

যিহিষ্কেল 24:6

প্রভু লগেপ্রভু আরঅ কোইয়্যেদে, অভিশাব্ পোরোক্, সেই লো ঝোরেয়্যে শঅরান্! সিয়েন যেন এক্কো পিলে যিবেত্ কজরা কুড়্ ওইয়্যে, যিবে কাজা ন-যায়। য়েরানি বেঈ বেঈ ন-নিইনে দমাগুন্ এক্কো এক্কো গুরি নিগিলা।

হোশেয় 5:1

লগেপ্রভু কত্তে, ও ধর্মগুরুগুন, তুমি এ কধানি শুনো। ও ইস্রায়েল মানুচ্চুন, মনযোগ দুয়ো। ও রাজবংশ, কান্ পাদঅ। এ রায়য়ান্ তমা বিরুদ্ধে দিয়্যে অর্, কিত্যে তুমি মিসপাত্ ফাল ধোক্ক্যেন আর তাবোরত্ মিলি দিয়্যে জাল ধোক্ক্যেন ওইয়ো।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

মীখা 2:8

এচ্চ্যে মঅ মানুচ্চুনে শত্রু ধোক্ক্যেন ওই উঠ্যন্। যুদ্ধোত্তুন্ ফিরি এচ্চ্যে মানুচ্চুনো ধোক্ক্যেন যিগুনে নিচিদে গুরি পধেদি আঢন্ তারা কিয়্যেনিত্তুন্ তুমি কাবড়ানি খুলি নেযর্।

মীখা 3:10

তুমি লোলোই সিয়োনানরে, অন্যেয়লোই যিরূশালেমানরে তুল্য।

মীখা 3:2

তুমি দঅ গম্ কামানিরে ঈচ্ গুরিনে ভান্ন্যেই কামানিরে গম্‌‌‌‌‌পঅ; তুমি মঅ মানুচ্চুনোর কিয়্যেনিত্তুন্ চামাড়া আর আড়ত্তুন্ য়েরানি সোরেই নেযর্;

সখরিয় 11:6

দেজ মানুচ্চুনো উগুরে মুই আর দোয়্যে ন-গুরিম; মুই পত্তিজনরে তার পাড়াল্যে আর রাজা আঢত্ তুলি দিম। তারা দেজ্‌‌চানরে ভস্ত গুরিবাক্ আর তারা আঢত্তুন্ মুই কাররে উদ্ধোর্ ন-গুরিম।”

প্রেরিত্‌ 24:9

এই বেক্‌ কধানি যে সত্য সিয়েনত্ যিহূদীগুনেয়ো হাম্ খেলাক্।

১ শমূয়েল 24:11

ও মর্‌ বাবা, এই চাহ্, মঅ আঢত্‌ তর্‌ পোজাগর্‌ এক্কান কট্টা। মুয়ই তর্‌ পোজাগত্তুন্‌ এ কট্টাগান কাবি নেযেয়োং মাত্তর্‌ তরে মারেই ন-ফেলাং। সালে তুই এবেরা বুঝি পারিলে আর হবর্‌ পেলে, তর্‌ উগুরে কনঅ অন্যেয় বা উল্লোমীর্ মনভাব মর্‌ মনত্‌ নেই। মুই তর্‌ বিরুদ্ধে কনঅ পাপ ন-গরং, মাত্তর্‌ তুই মরে মারে ফেলেবাত্তে উৎ পাদিনে আগচ্‌।

১ শমূয়েল 26:20

মাত্তর্‌ তইদু মর্‌ এই কোজোলী, লগেপ্রভু নেই এধোক্ক্যেন দূরোর্‌ কনঅ জাগাত্‌ যেনে মর্‌ লো ঝরা ন-পড়ে। মান্‌জ্যে মুড়োমুড়িত্‌ যেবাবোত্যেগুরি তিতির পেখ্‌ ধুরিবাত্তে যান্‌ ইস্রায়েলীয়গুনোর রাজাবো সেবাবোত্যেগুরি এক্কো পুক্‌ তোগেবাত্যে নিগিলি এচ্চ্যে।”