মীখা 7:12 - Chakma Bible

¹² সে অক্তত্ আসিরিয়া আর মিসর শঅরানিত্তুন্ মানুচ্চুনে তইধু এবাক্; এন্ কি, মিসরত্তুন্ ইউফ্রেটিস গাঙ্, এক সাগরত্তুন্ আর এক সাগর আহ্ এক মুড়োত্তুন্ আর এক মুড়ো সং মানুচ্চুন এবাক্।

মীখা 7:12 Iomraidhean Croise

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিরমিয় 23:3

যেদক্কানি দেজত্ মুই মঅ পালর্ ভেড়াগুনোরে ধাবেই দুয়োং সিয়োত্তুন মুই নিজেই তারার বাদবাগিগুনোরে তারার বামত্ ফিরেই আনিম; সিয়েনত্ তারার বংশ বাড়িবাক্ আর সোংখ্যেদি বাড়িবাক্।

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিরমিয় 46:27

“ও মর্ চাগর যাকোব, ন-দোরেচ্; ও ইস্রায়েল, আজা নেইয়্যে ন-ওচ্। মুই দূর্ দেজত্তুন্, বন্দী থেইয়্যে দেজত্তুন্ তরে আর তঅ বংশধরুনোরে ঘেচ্চেকগুরি উদ্ধোর্ গুরিম। যাকোবে আরঅ সুগে-শান্দিয়্যে আর গমেডালে থেবঅ, কনজনে তারে দর্ ন-দেগেবাক্।

যিহিষ্কেল 29:21

“সেদিন্যে মুই ইস্রায়েল জাদরে খেমতাবলা গুরিম আর তারা ভিদিরে কধা কবাত্তে তর্ মুয়োন খুলি দিম। সেক্কে তারা হবর্ পেবাক্, মুয়ই লগেপ্রভু।”

হোশেয় 11:11

মিসরত্তুন্ পেগো ধোক্ক্যেন, আসিরিয়াত্তুন্ কঅ ধোক্ক্যেন তারা গির্‌‌‌গিরাদে গির্‌‌‌গিরাদে এবাক্। মুই তারার্ ঘরত্ তারারে বোজেই দিম। মুই লগেপ্রভু এ কধাগান কঙর্।”