মীখা 6:8 - Chakma Bible

⁸ ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

মীখা 6:8 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 5:22

মথূশেলহর জর্মানার পরেদি তিনশ বজর সং গোজেন লগে হনোকর উদো-লোলি এলঅ। এ ভিদিরে তার আরঅ ঝি-পুয়ো ওইয়োন্।

২ বংশধর 30:11

তো আশের, মনঃশি আর সবূলূন-গুট্টির কিজু মানুচ্‌ নিজোর্‌ আওজ্ মজিম্‌ যিরূশালেমত্‌ গেলাক্‌।

২ বংশধর 32:26

সেক্কে হিষ্কিয় তা মনর্‌ বাড়্‌বো গরানার্ কধানি বুঝি পারিনে নিজোরে তলে গুরিলো আর যিরূশালেম মানুচ্চুনেয়ো সেধোক্ক্যেন গুরিলাক্‌। সেনত্তে হিষ্কিয়োর সময়োত্‌ লগেপ্রভুর রাগ্‌কান তারা উগুরে লামি ন-এলঅ।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

২ বংশধর 33:23

মাত্তর্‌ তা বাপ্পো মনঃশি ধোক্ক্যেন তে লগেপ্রভুর মুজুঙোত্‌ নিজোরে চিগোন্‌ ন-গরে; তে পাপ্‌ গরা ধুরিলো।

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

নহিমিয় 9:13

তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

গীতসংহিতা 101:1

মুই তর্ অমকদ কোচ্‌পানা আর দোল্‌বিচেরর্ গীদ্ গেম্; ও লগেপ্রভু, মুই তঅ নাঙে নাঙ্ গিনেদে গীদ্ গেম্।

গীতসংহিতা 112:4

যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 37:26

গোজেন ভক্তগুনে আমিঝে দোয়্যেলু অন্ আর উদোর্ দুয়োন্; তারার্ বংশধরুনে আশিদবাদ্ পেবাক্।

গীতসংহিতা 73:28

মাত্তর্ গোজেন সমারে থানা মত্তে মংগল; প্রভু লগেপ্রভুরে মুই মর্ আশ্রয়র জাগা বানেয়োং, যেন তার কামর কধানি মুই ফগদাং গুরি পারং।

গম্ উপদেজ্ 21:3

লগেপ্রভু ইদু য়েমান-উৎসর্ব গরানাত্তুন্ ঠিগ্ আর গম্ কাম গরানা আরঅ দোল্।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিরমিয় 22:16

তে দুঘী আর অভাবীগুনোর তপ্পে নেযেদ বিলি বেক্কানি গমে চলিদো। লগেপ্রভুরে হবর্ পানা মানে এ কামানি গরানা।

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

যিহিষ্কেল 33:14

যুনি মুই এক্কো পাজি মান্‌‌‌‌জ্যরে কং, তুই ঘেচ্চেকগুরি মুরিবে, মাত্তর্ তে পরেদি তা পাপত্তুন্ ফিরিনে ন্যায় আর ঠিগ্ কাম গরে,

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

হোশেয় 12:6

ইক্কিনে ও যাকোব-বংশর মানুচ্চুন, তমা গোজেন ইধু তুমি ফিরি এজঅ; তুমি বিশ্বেজ্ আর ন্যায়বিচের্ রোক্ষ্যে গর্ আর নিত্য তমা গোজেনরে বাজ্জেই থাগঅ।

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

আমোষ 5:24

তাত্তুন্ বরং ন্যায়বিচের্ গাঙ ধোক্ক্যেন আর সততা উমরর্ বেঈ যেইয়্যে গঙার্ পানি ধোক্ক্যেন বেঈ যোক্।

মীখা 6:9

জ্ঞানী মানুচ্চুনে লগেপ্রভুরে ভোক্তিগুরিনে দরান্। উই শুনো, লগেপ্রভু শঅর মানুচ্চুনোরে ডাগের্। তে কত্তে, “তুমি সাজা দিবার লুদিক্কো ইন্দি আর যিবে সিবেরে নেযেয়্যে তাইন্দি মনযোগ দুয়ো।

সফনিয় 2:3

ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

মথি লেখ্যে গম্ হবর্ 5:7

যিগুনে দোয়্যেলু তারা বর্‍‍‍পেইয়্যে, কিয়া তারা দোয়্যে পেবাক্।

লূকে লেখ্যে গম্ হবর্ 10:42

মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

লূকে লেখ্যে গম্ হবর্ 11:42

ফরীশীগুন তমাত্যে কত্তমান্ দর্‌গরেপারা! তুমি গোজেনরে পুদিনা, তেজ্‌‌পাদা আর নানান্ বাবোত্যে শাগ্-পাদর্ দশ ভাগর্ এক ভাগ্ দি থাগঅ, মাত্তর্ ন্যায়বিচের্ আর গোজেন উগুরে কোচ্‌‌পানা ইন্দি মনযোগ্ ন-দুয়ো। আগ ইয়েনি পালানা লগে লগে যেরেদিনিয়ো পালানা তমার্ উচিত।

লূকে লেখ্যে গম্ হবর্ 12:14

যীশু তারে কলঅ, “বিচের্ গুরিবার্ বা তমা ভিদিরে সম্বোত্তি ভাগ্ গুরি দিবার্ অধিকার মরে কন্না দিয়্যে?”

লূকে লেখ্যে গম্ হবর্ 6:36

তমা বাপ্পো যেবাবোত্যে দোয়্যেলু তুমিয়ো সেবাবোত্যে দোয়্যেলু অ।

রোমীয় 7:16

যিয়েন ন-চাং সিয়েনই যেক্কে মুই গরং সেক্কে মুই ইয়েনই স্বীগের্ গরং যে, রীদি-সুদোম গম্।

রোমীয় 9:20

সিয়েনর্ জোবত্ মুই কোম্‌বে, তুই মানুচ্‌; গোজেনর্ কধানি উগুরে কধা কবার্ তুই কন্না? কনঅ মান্‌জ্যে যুনি এক্কান্ জিনিচ্‌ বানায় সালে সেই বানেইয়্যে জিনিচ্চানে কি তারে পুযোর্ গুরি পারে, “কিত্ত্যে মরে এবাবোত্যে বানেলে?”

১ করিন্হীয় 7:16

মিলেবো, তুই কেধোক্ক্যেন গুরি কোই পারচ্ যে, তঅ নেক্কোরে তুই উদ্ধোর্ গুরি ন-পারিবে? মরত্তো, তুই কেধোক্ক্যেন গুরি কোই পারচ্ যে, তঅ মোক্কোরে তুই উদ্ধোর্ গুরি ন-পারিবে?

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

দ্বি’লম্বর বিররণ 27:10

তুমি তার বাধ্য ওইনে চলিবা। এচ্চ্যে মুই যেদক্কানি উগুম আর সুদোম তমারে দুয়োঙর্‌ সিয়েনি তুমি পালেবা।”

দ্বি’লম্বর বিররণ 30:15

চঅ্‌, এচ্চ্যে মুই তমা মুজুঙোত্‌ যিয়েনি তুলি ধরঙর্‌ সিয়েনি অলঅ জীংকানি বা মংগল বা মরণ আর অমংগল।

কলসীয় 3:12

ইয়েনত্যে গোজেনে যিগুনোরে বেঈ লোইনে নিজোত্যে জুদো গুরি থোইয়্যে তার্ সেই কোচ্‌‌পেইয়্যে মানুচ্‌ ইজেবে তুমি মনেদি মেয়্যে, দোয়্যে, নম্রতা, নরম-খাচ্চ্যত্ আর ধৈজ্জ্য দিইনে নিজোরে সাজঅ।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

যাকোব 2:20

হায় ভুলো! কাম্ বাদে বিশ্বেজ্‌চান যে ফল-নেইয়্যে সিয়েনর প্রমাণান্ কি তুই চাজ্?

যিহোশূয় 24:14

সে পরেন্দি যিহোশূয় কলঅ, “ইক্কিনে তুমি খাটি মন্‌দোই বিশ্বেজ্ গুরিনে লগেপ্রভুরে ভোক্তি গরঅ আর তারে সেবা গরঅ। তমার পূরোণিমানুচ্চুনে ইউফ্রেটিস গাঙর্‌ উইপারত্‌ আর মিসর দেজত্‌ যিদুক্কুন দেব-দেবেদার পূজো গুরিদাক্‌ সিগুন্‌ তুমি দূর গুরি দিইনে লগেপ্রভুরে সেবা গরঅ।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।