মীখা 6:7 - Chakma Bible

⁷ লগেপ্রভু কি আজার্ আজার্ ভেড়া বা দশ আজার গাঙ্ ভরা জলপাই তেল্লোই হুজি অবে? মর্ অন্যেয়ত্তে কি মুই মর্ পত্তম পুয়োবো, মর্ পাপত্তে মঅ কিয়্যের্ ফল উৎসর্ব গুরিম?

মীখা 6:7 Iomraidhean Croise

২ রাজাবলী 16:3

তে ইস্রায়েলর রাজাগুনো ধোক্ক্যেন চলিদো; এন্‌ কি, লগেপ্রভু যিদুক্কুন্‌ জাদরে ইস্রায়েলীয়গুনোর মুজুঙেত্তুন্‌ দূর্ গুরি দিয়্যে তারা জঘন্য কামানি ধোক্ক্যেন তেয়ো তা পুয়োবোরে আগুনোত্‌ পড়িনে উৎসর্ব গুরিলো।

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

২ রাজাবলী 23:10

অন্য কনজনে যেনে মোলক দেবেদা নাঙে নিজোর পুয়ো বা ঝিগুনোরে আগুনোত্‌ পুড়িনে উৎসর্ব গুরি ন-পারে সেনত্তে যোশিয় বেন্‌-হিন্নোম কলগর্‌ তোফৎ নাঙে পূজো জাগায়ান্‌ অসিজি গুরি দিলো।

২ রাজাবলী 3:27

সেক্কে তে তার্‌ পত্তম্‌ পূয়োবো, যে তার্‌ পরেন্দি রাজা অবঅ তারে নেযেইনে শঅরর্‌ দেবাল উগুরে ডালি দিইনে আগুনোত্‌ পড়িনে উৎসর্ব গুরিলো। ইস্রায়েল উগুরে অমকদ রাগ্‌ অলঅ, সেনত্তে ইস্রায়েলীয়গুনে সিয়েনত্তুন্‌ আদি যেইনে নিজো দেজত্‌ ফিরি গেলাক্‌।

ইয়োব 29:6

মর্ জিংকানি-পথ্‌তান্ সুগেই এলঅ, আর মত্তেই সিলোত্তুন্ জলপাই-তেলর গঙার্ বদহ্।

গীতসংহিতা 50:9

তর্ গোরু লুরোর্ কনঅ বলদর্ মর্ দরকার নেই, তর্ ছাগল লুরোর্ ছাগল্‌অ নয়;

গীতসংহিতা 51:16

য়েমান্-উৎসর্বত্তে দঅ তুই হুজি ন-অচ্, অলে মুই সিয়েন গুরিদুং; পুজ্যে-উৎসর্বত্তেয়ো তুই হুজি ন-অচ্।

গীতসংহিতা 51:18

তর্ মংগলর্ আওজ্‌সোই তুই সিয়োনরে ভালেদি গর্; তুই যিরূশালেমর দেবালান তুলিবার কামান চালেই যাহ্।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 21:3

লগেপ্রভু ইদু য়েমান-উৎসর্ব গরানাত্তুন্ ঠিগ্ আর গম্ কাম গরানা আরঅ দোল্।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 40:16

আগুন জ্বালেবাত্তে লেবাননর্ গাজ্ আর পুজ্যে উৎসর্বত্তে লেবাননর্ য়েমানুন্ যগাজ্যে নয়।

যিরমিয় 19:5

তারা বাল দেবেদা ইধু উৎসর্ব ইজেবে তারার পুয়ো-ছাগুনোরে আগুনোত্ পুড়িবাত্তে বাল দেবেদার পূজোর্ অজল্ জাগা বানেয়োন, মাত্তর্ মুই সিয়েন গুরিবাত্তে উগুম ন-দুয়োং বা ন-কং আর সিয়েন মর্ মনত্‌অ ন-এজে।‌

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌

যিহিষ্কেল 23:37

তারা বেভিচের্ গোজ্যন আর তারা আঢত্ লো আঘে। তারার্ মূত্তিগুন পূজো গুরিনে তারা বেভিচের্ গোজ্যন; এমন্ কি, মত্তে জর্ম দিয়্যে ঝি-পুয়োগুনোরে তারা মূত্তিগুনোর হানা ইজেবে আগুনোত্ পুড়িনে উৎসর্ব গোজ্যন্।

হোশেয় 5:6

তারার্ ভেড়া আর গোরু পাল নিইনে লগেপ্রভু ইধু গেলে তারা তারে ন-পান্; তারাত্তুন্ তে নিজোরে সোরেই নেযেয়্যে।

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

লেবীয় 20:1

পরেদি লগেপ্রভু মোশিরে ইস্রায়েলীয়গুনোরে এ কধাগান্‌ কবাত্তে কোইয়েদে, কনঅ ইস্রায়েলীয় বা ইস্রায়েলীয়গুনো ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি মোলক দেবেদা ইদু তার্‌ কনঅ পূঅ বা ঝিবোরে উৎসর্ব গরে সালে সে মানুচ্চোরে মারে ফেলা পুরিবো। দেজর্‌ মানুচ্চুনে যেন তারে পাত্তর্‌লোই ঢলা মারন।

আমোষ 5:22

তুমি মঅ নাঙে পুজ্যে-উৎসর্ব আর শোজ্য-উৎসর্ব গুরিলেয়ো মুই সিগুন গুজি ন-লোম্। যুনিয়ো তুমি পক্তামক্তা য়েমান্দোই উদোলোলি-উৎসর্বর অনুষ্ঠান গরঅ তো সিয়েন ইন্দি মুই রিনিয়ো ন-চেইম্।

ফিলীমন 1:12

যা ওক্‌, মুই তারে তইধু ফিরেইনে পাধাঙর্; তে মর্ পরাণ ধোক্ক্যেন কোচ্‌পেইয়্যে।

বিচের গুরিয়্যেগুন 11:39

দ্বিমাস বিদি যানার পরেন্দি তে তার বাবঅ ইদু ফিরি এলঅ। যিপ্তহ লগেপ্রভুর ইদু যিয়েনি তবনা গোজ্যে তে তার ঝিবো উগুরে সিয়েনই গুরিলো। ঝিবো গাবুজ্যে অক্তত্‌ মুরি গেলঅ। এ ঘটনাগানত্তুন্‌ ইস্রায়েলীয়গুনো ভিদিরে এক্কান্‌ সুধোম্‌ চালু ওই গেলঅ।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।