মীখা 6:16 - Chakma Bible

¹⁶ তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

মীখা 6:16 Iomraidhean Croise

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 9:8

এ তবনা-ঘরান্‌ ইক্কিনে দাঙর্‌ অলেয়ো সেক্কে যিগুনে তা কুরেন্দি যেবাক্‌ তারা আমক্‌ ওই উদিবাক্‌ আর ঈচ্ গুরিনে কবাক্, ‘হিত্তেই লগেপ্রভু এ দেজ্‌ছান্‌ আর এ তবনা-ঘরান উগুরে এধোক্কেন্‌ গুরিলো?’

২ রাজাবলী 16:3

তে ইস্রায়েলর রাজাগুনো ধোক্ক্যেন চলিদো; এন্‌ কি, লগেপ্রভু যিদুক্কুন্‌ জাদরে ইস্রায়েলীয়গুনোর মুজুঙেত্তুন্‌ দূর্ গুরি দিয়্যে তারা জঘন্য কামানি ধোক্ক্যেন তেয়ো তা পুয়োবোরে আগুনোত্‌ পড়িনে উৎসর্ব গুরিলো।

২ রাজাবলী 21:3

তা বাপ্পো হিষ্কিয় পূজোর্ যেদক্কানি অজল্‌ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্‌ তারাগুনোরে পূজো আর সেবা গুরিদো।

২ বংশধর 22:4

অহসিয় আহাব বংশর মানুচ্চুনো ধোক্ক্যেন লগেপ্রভুর চোগেদি যিয়েনি ভান্ন্যেই সিয়েনি গুরিদো, কিত্তে তা বাপ্পোর্‌ মরাণার পরেন্দি সে বংশর মানুচ্চুনে তারে সল্লা দিদাক্‌। সিয়েনত্তে তার্‌ পতন ওইয়্যে।

২ বংশধর 34:25

তারা মরে ছাড়িনে দেব্‌-দেবেদাগুনোর্‌ নাঙে আগর্‌বাট্টি্‌ জ্বালেয়োন্‌ আর তারার্‌ আদে বানেয়্যে বেক্‌ মূত্তিগুন্দোই মরে মনান্‌ জাগুলুক্‌ গুরি দুয়োন্‌। সেনত্তেই এ জাগায়ানর্‌ উগুরে মর্‌ রাগ্‌কান মুই ঢালি দিম্‌ আর সে রাগর্‌ আগুনান্‌ মারা ন-যেবঅ।’

গীতসংহিতা 1:1

বর্ পেইয়্যে সেই মানুচ্চো, যে পাজিগুনোর সল্লা মজিম্ ন-আঢে, পাপীগুনোর পধেদি ন-থায়, ঠাট্টা-ঈচ্ গুরিয়্যেগুনোর্ আড্ডাত্ ন-বজে;

গীতসংহিতা 44:13

পাড়াল্যে জাদ্‌‌তুনোর ইদু তুই আমারে ইংসে-নিন্দে গরা হেইয়্যে বানেয়োচ্; চেরোকিত্তে মানুচ্চুনোর ইদু আজি-তামাজার মানুচ্ বানেয়োচ্।

গীতসংহিতা 44:14

অন্য জাদ্‌‌তুনোর ইদু তুই আমা নাঙানি ঘিনাইদে ধোক্ক্যেন্ ভাষা গোজ্যস্; মানুচ্চুনে আমারে দেগিনে মাঢাবো লাড়ান্।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

যিরমিয় 19:8

মুই এ শঅরানরে ভস্ত গুরিম আর ঈচ্ গরেদে ধোক্ক্যেন গুরিম; যিগুনে সিয়েন ইন্দি যেবাক্ তারা বেক্কুনে তার বেক আঘাত্‌তানি দোরেবাক্ আর ঈচ্ গুরিবাক্।‌‌

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

যিরমিয় 51:51

“তুমি কোইয়ো, ‘আমা পৌইদ্যেনে ঈচ্ গরানার কধা শুন্ন্যেই বিলিনে আমি অসর্মান ওইয়্যেই। লাজে আমা মুয়োনি নাঢা যেইয়্যে, কিত্তে লগেপ্রভুর ঘরর্ সুদ্ধো-সাংগ জাগানিত্ বিদেশীগুনে সোম্মোন্।’

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

আবিলেচ্ 5:1

ও লগেপ্রভু, আমা উগুরে যিয়েনি ঘোট্যে সিয়েনি ইদোত্ তুলি চাহ্; তুই রিনি চাহ্, আমা অগমানানি চাহ্।

যিহিষ্কেল 39:26

যেক্কে তারা তারার্ দেজত্ গমেডালে বজত্তি গুরিবাক্ আর কনজনে তারারে দর্‌‌বুক ন-দেগেবাক্ সেক্কে মঅ উগুরে অবিশ্বেজর্ কারনে তারার্ লাজ কধা তারা ভুলি যেবাক্।

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

হোশেয় 12:14

মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্‌‌‌সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।

হোশেয় 5:11

ইফ্রয়িমে নিজোর্ আওজে বাজে জিনিজো পিজেদি যেইয়্যে বিলিনে তে অত্যেচারিত ওইয়্যে আর বিচেরত্ তারে টেঙ পাদালোই মাড়া ওইয়্যে।

মীখা 2:6

তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”

মীখা 6:13

সেনত্তে মুই তমারে পাপত্তে অমকদগুরি সাজা দিম্ আর তমারে ভস্ত গুরিম।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।