মীখা 6:1 - Chakma Bible

¹ ও ইস্রায়েল, লগেপ্রভুর কধানি শুন। তে কত্তে, “ও মীখা, তুই থিয়্যেইনে মুড়ো-মুড়ি মুজুঙোত্ তঅ মাম্‌লাগান আজিল্ গর্‌‌‌‌‌‌‌‌; তর্ যিয়েনি কবার্ আঘে সিয়েনি মুড়োগুনে শুনোদোক্।”

মীখা 6:1 Iomraidhean Croise

গীতসংহিতা 50:1

খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

গীতসংহিতা 50:4

তা নিজো মানুচ্চুনোর বিচেরত্ এবাত্তে উগুরে আগাজ্‌ছানরে তে ডাগের্, আর ডাগেত্তে পিত্‌থিমীগানরে;

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 3:13

লগেপ্রভু আদালদত্ তা জাগায়ান্ নেযেয়্যে; তে নানান্ জাদরে বিচের গুরিবাত্তে থিয়েইয়্যে।

যিরমিয় 13:15

তুমি শুনো, মনযোগ দুয়ো, বাড়্‌বো ন-গোজ্য, কিত্তে লগেপ্রভু কধা কোইয়্যে।

যিরমিয় 22:29

ও দেজ্, দেজ্, দেজ্, লগেপ্রভুর কধানি শুন।

যিহিষ্কেল 36:1

পরেদি লগেপ্রভু মরে কলঅ, ও মান্‌‌‌‌জ্যর পুয়োবো, ইস্রায়েলর মুড়ো-মুড়ি ইধু আগাম্ কধা কঅ আর প্রভু লগেপ্রভুর এই কধানি তারারে শুনিবাত্তে কঅ, শত্রুবো তারা পৌইদ্যেনে কোইয়্যেদে, বাঃ! পুরোণ অজল্ জাগায়ানি আমা গজগত্ এচ্চ্যে।

যিহিষ্কেল 36:8

মাত্তর্ ও ইস্রায়েলর মুড়ো-মুড়িগুন্, তুমি তমার গাজ ডেলাগুন ছিদি দিইনে মর্ মানুচ্ ইস্রায়েলীয়গুনোরে বোউত্ গুলোগুলি দিবে, কিত্যে তারা যাদিমাদি ফিরি এবাক্।

যিহিষ্কেল 37:4

সেক্কে তে মরে সেই আড়ুনো ইধু এই আগাম্ কধানি কবাত্তে কলঅ, “ও শুগুনো বেক্ আড়ুন, তুমি লগেপ্রভুর কধানি শুনো।

আমোষ 3:1

ও ইস্রায়েলর মানুচ্চুন, তমা বিরুদ্ধে, অত্তাৎ লগেপ্রভু যিগুনোরে মিসরত্তুন্ নিগিলেই আন্যে সেই পুরো জাদ বিরুদ্ধে তে যিয়েনি কোইয়্যে সিয়েনি শুনো:

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।

মীখা 1:4

মুম্ যেবাবোত্যেগুরি আগুনোত্ গুলি যায়, খামা জাগানদি যেবাবোত্যেগুরি পানি গোজ্যে যায় সেবাবোত্যেগুরি তা টেঙ তলাত্ মুড়ো-মুড়িগুন ফাদি যেবঅ, কলগ্‌কানি ফাদি যেবঅ।

মীখা 5:15

যে জাদ্‌‌‌‌‌‌‌‌তুনে মর্ বাধ্য ন-অন মুই অমকদ রাগে তারা উগুরে হেনা সুজিম।”

মীখা 6:2

ও মুড়ো-মুড়িগুন, তুমি লগেপ্রভুর আবিত্তিগানি শুনো; ও পিত্‌‌‌‌‌‌‌‌‌‌থিমীর উমর খুদোগুন, তুমিয়ো শুনো। ইয়েনর কারনান্ তা মানুচ্চুনো বিরুদ্ধে লগেপ্রভুর কিজু কবার্ আঘে; তে ইস্রায়েল বিরুদ্ধে এক্কান মাম্‌‌‌‌‌‌‌‌‌‌‌লা দিয়্যে।

লূকে লেখ্যে গম্ হবর্ 19:40

যীশু তারারে কলঅ, “মুই তমারে কঙর্, ইগুনে যুনি জুরো গুরি থান্ সালে পাত্তরুনে জগার্ পারি উদিবাক্।”

দ্বি’লম্বর বিররণ 32:1

ও দাঙর্‌ আগাজ্‌, মর্‌ কধানি শুনিজ্‌; ও পিত্‌থিমীগান, মর্‌ মুয়োর কধানি শুন্‌।

দ্বি’লম্বর বিররণ 4:26

সে সময়ানত্তে মুই এচ্ছ্যে এ দিনোত্‌ আগাজ আর পিত্‌থিমীগান্‌ তমা বিরুদ্ধে সাক্ষী রাগেইনে কঙর্‌, তুমি যর্দন গাঙান্‌ পার্‌ ওইনে যে দেজ্‌ছান কারি লবাত্তে যর্‌ সে দেজত্‌ তুমি কয়েক দিনে শেজ্ ওই যেবা। তুমি সিদু ভালোক্‌ দিন সং বজত্তি গুরি ন-পারিবা, হামাক্কায় ভস্ত ওই যেবা।

১ শমূয়েল 12:7

সালে এবেরা তুমি যুক্কোল্ অ। লগেপ্রভু তমার আর তমার পুরোণি মানুচ্চুনোত্তে যেদক্কানি অন্যেয় কাম্‌ গোজ্যন্‌ মুই সেই বেক্কানি লগেপ্রভুর মুজুঙোত্‌ তমার দুষছানি দেগেই দিম।

১ শমূয়েল 15:16

শমূয়েলে সেক্কে শৌলরে কলঅ, “জুরো গুরি থাক্‌। কেল্যে রেদোত্‌ লগেপ্রভু মরে যিয়েনি কোইয়্যে সিয়েনি মুই তরে কং।” শৌল কলঅ, “কঅ সালেন্।”