মীখা 5:9 - Chakma Bible

⁹ যাকোব মানুচ্চুনে শত্রুগুনো উগুরে জিদিবাক্ আর তারার্ বেক শত্রুগুন ভস্ত ওই যেবাক্।

মীখা 5:9 Iomraidhean Croise

গীতসংহিতা 10:12

ও লগেপ্রভু, উঠ্; ও গোজেন, তঅ আঢ্‌তান বাবেই দে, দুঘি মানুচ্চুনোরে ভুলি ন-যেচ্।

গীতসংহিতা 106:26

সেনত্তে তে তারা পৌইদ্যেনে শমক্ খেলঅ- তে ধূল্যেচর-চাগালাত্ তারারে শেজ্ গুরি দিবো,

গীতসংহিতা 21:8

তঅ আঢ্‌তানে তর্ বেক্ শত্রুগুনোরে ধুরিবো; যিগুনে তরে ঘিনান্ তর্ ডেন্ আঢ্‌তানে তারারে ধুরিবো।

যিশাইয় 1:25

মুই তঅ বিরুদ্ধে মঅ আঢ্‌তানি তুলিম্। ধাতু ধোক্ক্যেন গুরি মুই ক্ষার্‌লোই তঅ খাদ্‌তান নিগিলেম আর তর্ বেক ভেজালানি দূর্ গুরি দিম্।

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 33:10

লগেপ্রভু কোইয়্যেদে, “এবেরা মুই উদিম্, এবার্ মুই সর্মানিত্ ওম্, এবেরা মর্ বাঈনীগান ফগদাং অবঅ।

যিশাইয় 37:36

সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 9:10

মুই ইফ্রয়িমর রথ আর যিরূশালেমর যুদ্ধোর্ ঘোড়া বেক্কুন্ ভস্ত গুরিম আর যুদ্ধোর্ ধনুগানি ভাঙি ফেলা অবঅ। তে জাদ্‌‌‌‌‌‌‌তুনো ইধু শান্তি ফগদাং গুরিবো। তার শাজন সাগরত্তুন্ সাগর্ সং, ইউফ্রেটিস গাঙত্তুন্ পিত্‌‌‌‌থিমীর শেজ্ দুযি সং চলিবো।

লূকে লেখ্যে গম্ হবর্ 19:27

মঅ শত্রুগুনে যিগুনে ন-চান্ মুই রাজা অং, তারারে ইধু আন্ আর মঅ মুজুঙোত্ মারে ফেলা।’ ”

১ করিন্হীয় 15:25

গোজেনে যেদক্ বিলোন সং খ্রীষ্টর্ বেক্‌ শত্রুগুনোরে তার্ টেঙ তলাত্ ন থবঅ সেদক্ বিলোন সং খ্রীষ্টর্ রাজাগিরি গরা পরিবো।