মীখা 5:7 - Chakma Bible

⁷ ভালোক্ জাদ ভিদিরে যাকোবর্ বাঁজি থেইয়্যে মানুচ্চুন অবাক্ লগেপ্রভুত্তুন্ এচ্চ্যে শিরো পানি ধোক্ক্যেন, ঘাস উগুরে ঝড় পড়েদে ধোক্ক্যেন যিয়েনি মান্‌‌‌জ্যর উগুম ন-পড়ে বা সিয়েনি উগুরে নির্ভর ন-গরে।

মীখা 5:7 Iomraidhean Croise

২ শমূয়েল 17:12

সেক্কে যিয়োদোই তে থেদঅ সাৎ সিয়োদোই আমি তারে আক্রমণ গুরিবোং আর মাদিত্‌ শিরোপানি পড়েদে ধোক্ক্যেন্ গুরি আমি তা উগুরে পড়িবোং। তে বা তা মানুচ্চুনোরে কাররে আমি বাঁজেই ন-রাগেবং।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 72:6

ঘাস কাবি নেযেয়্যে ভূইয়ো উগুরে ঝড় পড়িলে যেধোক্ক্যেন অয় তে যেন সেধোক্ক্যেন অয়; তে যেন মাদি ভিস্যে ঝড়নাল ধোক্ক্যেন অয়।

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 55:10

ঝড় আর তুষারানি আগাজত্তুন্ লামি এজে আর পিত্‌থিমীগানরে পানি দান ন-গুরিনে সিদু ফিরি ন-যায়, বরং সিয়েনত্ ফুল আর গুলোগুলি ধরায় আর যে বীজ্ ফেলায় তাত্তে শোজ্য আর যে হায় তাত্তে হানা দান গরে।‍‌‌‍‍‍‍‍‍

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিহিষ্কেল 14:22

তো সিদুগোর্ কয়েকজনে বাঁজিবাক্ আর তারারে নিগিলেনে আনা অবঅ। তারা তমা ইধু এবাক্, আর যেক্কে তুমি তারার্ ভান্ন্যেই খাচ্চ্যত্ আর কামানি দেগিবা সেক্কে যিরূশালেম উগুরে মর্ আন্যে দযাগান পৌইদ্যেনে তুমি সান্তনা পেবা।

যিহিষ্কেল 47:1

সে পরেদি তে মরে উবোসনা-ঘরত্ সোমেবার্ মুয়োনত্ তলাত্তুন পানি নিগিলিনে পূগেদি বেঈ যার্। উবোসনা-ঘরান পূগেদি মু এলঅ। সেই পানিগান উবোসনা-ঘরর্ দোগিণেদি তলাত্তুন্ পূজোবোর্ দোগিণেদি বেঈ যার্।

যিহিষ্কেল 5:5

মুই প্রভু লগেপ্রভু কঙর্, ইয়েন অলঅ যিরূশালেম। তারে মুই জাদ্‌‌তুনো সংমোধ্যে থিদেবর্ গোজ্যং; তা চেরোকিত্তে রোইয়্যেদে নানান্ দেজ্।

দানিয়েল 11:32

যিগুনে পবিত্র সুদোম অমান্য গুরিবাক্ বাজে কধা কন্ তে তারারে ভান্ন্যেই পধেদি নেযেব, মাত্তর্ যে মানুচ্চুনে তারার্ গোজেনরে হবর্ পান তারা খুব দরমর গুরি তারে মানা গুরিবাক্।

হোশেয় 14:5

মুই ইস্রায়েল ইধু শিরো পানি ধোক্ক্যেন ওম্; তে লিলি ফুলো ধোক্ক্যেন ফুদিবো। লেবানন এরস গাজ ধোক্ক্যেন তে তার্ শিঙোরানি তলেদি লামেই দিবো।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

যোয়েল 2:32

রোক্ষ্যে পেবাত্তে যে কনজনে লগেপ্রভুরে ডাগিলে তে রোক্ষ্যে পেবঅ, কিত্যে লগেপ্রভুর কধা মজিম সিয়োন মুড়োবোত্ আর যিরূশালেমত্ কয়েক্কো মানুচ্ রোক্ষ্যে পেবাক্। গোজেনে যিগুনোরে বেঈ নেযেয়্যে তারা সেই রোক্ষ্যে পেইয়্যে মানুচ্চুনো ভিদিরে থেবাক্।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

মীখা 2:12

লগেপ্রভু কত্তে, “ও যাকোব, মুই ঘেচ্চেক্‌গুরি তমারে বেক্কুনোরে এগত্তর্ গুরিম; মুই হামাক্কায় ইস্রায়েলর বাঁজি থেইয়্যে মানুচ্চুনোরে এগত্তর্ গুরিম। বস্রার ভেড়াগুনো ধোক্ক্যেন গুরি, ভেড়া ঘরত্ থেইয়্যে ভেড়া পাল ধোক্ক্যেন গুরি মুই তারারে এগত্তর্ গুরিম; দেজ্‌‌‌‌‌চান আরঅ মান্‌জ্যে ভুরি যেবাক্‌‌‌‌।”

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

মীখা 4:7

মুই আঢুড়ুনোরে বাজেই রাগেম আর ধাবেই দিয়্যে মানুচ্চুনোরে গুরিম এক্কো দরমর জাদ্। মুই লগেপ্রভু সেদিন্যেত্তুন্ ধুরি উমরত্যে সিয়োন মুড়োবোত্ তারা উগুরে রাজাগিরি গুরিম।

মীখা 5:3

সে সময়ান ন-এজানা সং লগেপ্রভু ইস্রায়েলানরে ছাড়িনে থেবঅ। পুয়ো-অদে পীড়েই তা পুয়ো-ছাগুন জর্ম দিবার পরেদি সেই শাজন্‌গুরিয়্যেবোর যে ভেইয়ুনে বন্দীদজাত্ আগন্ তারা ইস্রায়েলীয়গুনো লগে মিজেবাত্তে ফিরি এবাক্।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

সফনিয় 3:13

ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

সখরিয় 9:13

মুই যিহূদারে ধনু ধোক্ক্যেন্ আর ইফ্রয়িমরে সেল ধোক্ক্যেন বেবহার গুরিম। ও সিয়োন, মুই তঅ পুয়োগুনোরে গ্রীস দেজর্ পুয়োগুনো বিরুদ্ধে উত্তেজিত গুরিম আর তরে যুদ্ধোর্ লাম্বাছুরি ধোক্ক্যেন গুরিম।”

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

প্রেরিত্‌ 11:15

“পবিত্র আত্মাগান্ যেবাবোত্যেগুরি পত্তমে আমা উগুরে এচ্চ্যে মুই কধা কনা আরাম্ভ গরানার্ পরেদি ঠিগ্ সেবাবোত্যেগুরি তারা উগুরেয়ো এলঅ।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 16:9

রেদোত্ পৌলে এক্কান দর্শনত্ দেগিলো, ম্যাসিডোনিয়া রেজ্যর্ এক্কো মানুচ্‌ থিয়্যেইনে তারে কোজোলি গুরিনে কত্তে, “ম্যাসিডোনিয়াত্ এইনে আমারে সাহায্য গত্তি।”

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 10:20

সে পরেদি যিশাইয়র্ মাধ্যমে গোজেনে আরঅ জোর্ গুরিনে কোইয়্যেদে, “মুই তারা ইধু এলুং, মাত্তর্ তারা কনঅ সাহায্যত্তে মইধু ন-এজন্। মুই এ মানুচ্চুনোরে মইধু কোজোলী গুরিবার্ সুযোগ্ দুয়োং, মাত্তর্ তারা মইধু কনঅ কোজোলী ন-জানান্।”

রোমীয় 11:12

সালে দেগা যায়, যিহূদীগুনোর পাপর্ কারনে জগদ মানুচ্চুনোর্ বোউত্ লাভ অলঅ, অয়, তারার ক্ষতির্ কারনে অযিহূদীগুনোর্ বোউত্ লাভ অলঅ। সেনত্যে যিহূদীগুনো উগুরে গোজেনর্ পুরো আশিদ্‌বাদ্‌তান যেলক্কে লামি এবঅ, সেলক্কে তা সমারে আরঅ কত্তমান বেচ্‌ আশিদ্‌বাদ এবঅ।

রোমীয় 9:30

সালে আমি এ কধাগান্ কবংগে, অযিহূদীগুনে যুনিয়ো গোজেনর্ যগাজ্যে অবার্ চেট্ট্যায়ো ন-গরন্ তো তারার্ বিশ্বেজর্ মাধ্যমে তারা গোজেনর্ যগাজ্যে ওইয়োন্।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

দ্বি’লম্বর বিররণ 32:2

মর্‌ শিখ্যে পেইয়্যেগানি ঝড় ধোক্ক্যেন গুরি ঝুড়ি পোড়োক্, মর্‌ কধানি শিরোপানি ধোক্ক্যেন গুরি লামি এজোক্‌। আল্‌গা এক ফুদো ঝড় ধোক্ক্যেন গুরি সিয়েন নুয়ো ঘাস উগুরে ঝুড়ি পোড়োক্‌, আর গাজ-বাজঅ উগুরে জদবদে ঝড় ওইনে সিয়েন পোড়োক্‌।

বিচের গুরিয়্যেগুন 6:36

সেক্কে গিদিয়োনে গোজেনরে কলঅ, “চাহ্, মুই খামারত ভেড়াছাগলর কেশ্‌ রাগেয়োং। তর্‌ এগেম্ মজিম্ যুনি তুই মঅ্‌ আঢ্‌টানিলোই ইস্রায়েলীয়গুনোরে উদ্ধোর গুরিবে বিলিনে ঠিগ্‌ গুরি থাচ্‌ সালে বানা সে কেশছানির উগুরে শিরোপানি পড়ে আর বাদ্‌বাগি পুরো জাগায়ানিত্‌ শুগুনো থায়। সেক্কে মুই বুঝি পারিম্‌, তুই যেদোক্কেন্‌ কোইয়োচ্‌ সেধোক্কেন্‌ গুরি মঅ আত্‌টানিলোই তুই ইস্রায়েলীয়গুনোরে উদ্ধোর গুরিবে।”