মীখা 5:3 - Chakma Bible

³ সে সময়ান ন-এজানা সং লগেপ্রভু ইস্রায়েলানরে ছাড়িনে থেবঅ। পুয়ো-অদে পীড়েই তা পুয়ো-ছাগুন জর্ম দিবার পরেদি সেই শাজন্‌গুরিয়্যেবোর যে ভেইয়ুনে বন্দীদজাত্ আগন্ তারা ইস্রায়েলীয়গুনো লগে মিজেবাত্তে ফিরি এবাক্।

মীখা 5:3 Iomraidhean Croise

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

২ বংশধর 30:7

তুমি তমা পূরোণি মানুচ্‌ আর ইস্রায়েলীয় ভেইয়ুনো ধোক্ক্যেন ন-অবা। তারা তারার্‌ পূরোণি মানুচ্চুনোর্‌ গোজেন লগেপ্রভু উগুরে অবিশ্বেজি ওইয়োন্‌ বিলিনে তে তারারে অমকদ সাজা দিলো। তুমি দঅ সিয়েনি দেগর্‌।

গীতসংহিতা 67:3

ও গোজেন, জাদ্‌তুনে তর্ বাঈনী গোরোদোক্; বেক জাদ্‌তুনে সিয়েন গোরোদোক্।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

হোশেয় 11:8

“ইফ্রয়িম, মুই কেধোক্ক্যেন্ গুরি তরে ছাড়ি যেইম? ইস্রায়েল, মুই কেধোক্ক্যেন গুরি তরে অন্য আঢত্ তুলি দিম? কিবাবোত্যেগুরি মুই তরে অদ্‌মার আর সবোয়িম ধোক্ক্যেন ভস্ত গুরিম? তত্তেই মঅ মনান্ পাগল্ অর্; মর্ বেক্ দোয়্যেগান জাগি উঠ্যে।

হোশেয় 2:14

পরেদি মুই তারে মিদে কধা কোইনে ধূল্যেচর-চাগালাত্ নেযেম আর তা সমারে কোচ্‌পানার কধা কোম।‌‌

হোশেয় 2:9

সেনত্তে মর্ শোজ্য পাগিলে আর নূয়ো আংগুর-রস বানেলে মুই সিয়েন নেযেম। তার্ লাংটাগান ঢাগিবাত্তে মর্ সেই উলো কাবড়ান আর নাইলন্ কাবড়ান্ মুই ফিরেই নেযেম।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

মীখা 4:7

মুই আঢুড়ুনোরে বাজেই রাগেম আর ধাবেই দিয়্যে মানুচ্চুনোরে গুরিম এক্কো দরমর জাদ্। মুই লগেপ্রভু সেদিন্যেত্তুন্ ধুরি উমরত্যে সিয়োন মুড়োবোত্ তারা উগুরে রাজাগিরি গুরিম।

মীখা 5:7

ভালোক্ জাদ ভিদিরে যাকোবর্ বাঁজি থেইয়্যে মানুচ্চুন অবাক্ লগেপ্রভুত্তুন্ এচ্চ্যে শিরো পানি ধোক্ক্যেন, ঘাস উগুরে ঝড় পড়েদে ধোক্ক্যেন যিয়েনি মান্‌‌‌জ্যর উগুম ন-পড়ে বা সিয়েনি উগুরে নির্ভর ন-গরে।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

মীখা 6:14

তুমি হেলে ঈল্ ন-অবঅ; তমা পেদত্ পেট্ পরা থেবঅ। তুমি পযাপিরানি এক জাগাত্তুন্ অন্য জাগাত্ নেযেবা মাত্তর্ কিচ্ছু রোক্ষ্যে গুরি ন-পারিবা, কিত্যেই তুমি যুনি বা কিজু রোক্ষ্যে গরঅ সালে সিয়েনি মুই যুদ্ধো আনিনে ভস্ত গুরিম।

মীখা 7:13

পিত্‌‌‌থিমীত্ বজত্তি গুরিয়্যেগুনোর পাজিগানির কারনে পিত্‌‌‌থিমীগান মানুচ্ নেইয়্যে অবাক্।

সখরিয় 10:6

“মুই যিহূদার মানুচ্চুনোরে বোলী বানেম্ আর যোষেফর, অত্তাৎ ইস্রায়েলর মানুচ্চুনোরে উদ্ধোর গুরিম। মুই তারারে ফিরেই আনিম, কিত্যেই তারা উগুরে মর্ দোয়্যে-মেয়্যে আঘে। সেক্কে তারা এমন অবাক্ যেন মুই তারারে এলাফেলা ন-গরং, কিত্যেই মুই তারার গোজেন লগেপ্রভু; মুই তারার্ ডাগনিলোই শমক্ দিম।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।