মীখা 5:13 - Chakma Bible

¹³ তত্তুন্ মুই খুন্যে মূত্তিগুন আর তর্ পূজোর্ বেক খুদোগুন বর্‌বাদ গুরি ফেলেম; তর্ আঢে বানেয়্যে জিনিসচ্চোরে তুই আর পূজো ন-গুরিবে।

মীখা 5:13 Iomraidhean Croise

যিশাইয় 2:18

আর মুত্তিগুন্ এক্কুবারে ভস্ত ওই যেবাক্।

যিশাইয় 2:8

ইয়েনি বাদেয়ো তারা দেজ্‌ছান মুত্তিলোই ভরা। তারা আঢ্‌তোই বানেয়্যে জিনিজো ইদু তারা জু জু গরন্, তারা যিয়েনি আঙুল্লোই বানেয়োন সিয়েনি ইদু মাঢাবো নিগিরোন্।

যিশাইয় 27:9

ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

যিহিষ্কেল 37:23

তারার্ বেক মূত্তিগুন, মূত্তি বা তারার্ কনঅ বজং জিনিস্‌‌‌চোই তারা আর্ নিজোরে অসিজি ন-গুরিবাক্। তারার্ বেক পাপ আর ভান্ন্যেই পধেদি যানাত্তুন্ মুই তারারে রোক্ষ্যে গুরিম আর সিজি গুরিম। তারা মঅ মানুচ্ অবাক্ আর মুই তারার্ গোজেন ওম্।

যিহিষ্কেল 6:9

সেই বেক্ জাদ্‌তুনো ভিদিরেত্তুন্ তারা মঅ পৌইদ্যেনে এ কধাগান মনে গুরিবাক্ যে, তারার্ অবিশ্বেজি মনানি আর চোগ্‌কুন্দোই মরে কিবাবোত্যেগুরি দুঘ্ দুয়োন; সেই মনান্ মত্তুন্ সুরি যেইয়্যে আর সেই চোগ্‌কুনে তারার্ মূত্তিগুনোরে আওজ্ গুরি কামনা গত্তন্। তারার্ বেক ভান্ন্যেই আর জঘন্য কামানিত্তে তারা নিজেরে নিজে ঘিনেবাক্।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 14:8

ও ইফ্রয়িম, মূত্তিগুন লগে তর্ আর কনঅ সম্পর্ক নেই। মুয়ই তর্ তবনার্ জোব্‌‌‌‌‌পান দিম আর তর্ যত্তন্ নেযেম। মুয়ই তেল্‌‌‌‌‌তেল্যে বেরস গাজ ধোক্ক্যেন; তর্ ফলুন মত্তুন্ এজে।”

নহূম 1:14

ও নীনবী শঅরান, লগেপ্রভু তঅ পৌইদ্যেনে কত্তে, “তঅ নাঙান্ রোক্ষ্যে গুরিবাত্তে তইধু কনঅ মানুচ্ ন-থেবাক্। তঅ দেব-দেবেদাগুনোর্ মন্দিরোত্ যিদুক্কুন আরুগ্ আর মূত্তি আগন্ সিগুন মুই ভস্ত গুরি ফেলেম। তুই অপদাত্ত বিলি মুই তঅ গোরান্ যুক্কোল্ গুরিম।”

সফনিয় 1:4

“যিহূদার বিরুদ্ধে আর যিরূশালেমত্ বজত্তি গুরিয়্যে বেক্কুনো বিরুদ্ধে মুই মঅ আঢ্‌‌তানি তুলিম। মুই এ দেজত্তুন্ বাল দেবেদা পূজোর্ বেক্কানি আর মূত্তি পূজোগুরিয়্যে নানান্ পোজিশনর্ ধর্মগুরুগুনোরে শেজ্ গুরি ফেলেম।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।

বিচের গুরিয়্যেগুন 18:17

সে ধর্মগুরুবোয়ো সে ছয়শত মান্‌জ্যর লগে সিয়েনত্‌ থিয়েইয়্যে এলঅ। সেক্কে দেজ্‌ছানর্‌ হুদিশ্‌ যিগুনে লোই এচ্ছোন সে পাচজনেয়ো ভিদিরে সোমেইনে সীল্‌মাজ্যে মূত্তিবো, এফোদটো, দেবেদামূত্তিগুন আর ছাজিনে গোলেয়্যে আরুক্কোয়ো নেযেলাক্‌।