মীখা 4:9 - Chakma Bible

⁹ কিত্তে তুই ইক্কিনে জোরে জোরে কানর্? তুই কি রাজা নেই? তর্ সল্লা দিয়্যেবো কি মুরি যেইয়্যে? সেনত্তে কি পুয়ো ফুদোইদ্যে দুঘ্ পেইয়্যে মিলে ধোক্ক্যেন তরে পীড়ে ধোজ্যে?

মীখা 4:9 Iomraidhean Croise

যিশাইয় 13:8

তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

যিশাইয় 21:3

মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিশাইয় 26:17

পিদিলী মিলে পুয়ো পুদেবার্ অক্তত্ যেধোক্ক্যেন্ পিড়েই কিয়্যে মজরন্ আর রঅ ছাড়ন্, ও লগেপ্রভু, আমিয়ো তঅ মুজুঙোত্ সেধোক্ক্যেন্ ওইয়্যেই।

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 4:21

কয়দিন মরে যুদ্ধোর্ বাবতা চাহ্ পুরিবো আর শুনো পুরিবো শিঙের রঅ?

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 48:41

তার বেক্ শঅরানি অধিকার গুরিনে ঘরানি গজক্ গরা অবঅ। সেদিন্যে মোয়াব যোদ্ধাগুনোর মনত্ পুয়ো পুদেয়্যে মিলের্ পীড়ে উদেদে মনান ধোক্ক্যেন অবঅ।

যিরমিয় 50:43

বাবিল রাজা তারা পৌইদ্যেনে হবর্ শুন্যে আর তা আঢ্‌‌‌‌‌তান লুলো ওইনে দুলি পোজ্যে। পুয়ো ফুদোইদ্যে মিলে ধোক্ক্যেন অমকদ পীড়েই তারে ধোজ্যে।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

হোশেয় 10:3

তারা সেক্কে হামাক্কায় কবাক্, “আমি লগেপ্রভুরে ন-দোরেই বিলি আমার কনঅ রাজা নেই। মাত্তর্ রাজা থেলেয়ো তে আমাত্তে কি গুরি পারিদো?”

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

মীখা 5:3

সে সময়ান ন-এজানা সং লগেপ্রভু ইস্রায়েলানরে ছাড়িনে থেবঅ। পুয়ো-অদে পীড়েই তা পুয়ো-ছাগুন জর্ম দিবার পরেদি সেই শাজন্‌গুরিয়্যেবোর যে ভেইয়ুনে বন্দীদজাত্ আগন্ তারা ইস্রায়েলীয়গুনো লগে মিজেবাত্তে ফিরি এবাক্।

যোহন 16:21

পুয়ো ফুদেবার্ অক্তত্ মিলেগুনে দুঘ্ পান্, কিয়া তা অক্তবো ওইয়্যেগি। মাত্তর্ পুয়ো ফুদেবার্ পরেদি জগদত্ এক্কো নুয়ো মানুচ্‌ এজানায় হুজীয়ে তার্ আর সেই দুঘো কধাগান্ মনত্ ন-থায়।

ফগদাং পেইয়্যে 12:2

তে পিদিলি এলঅ আর পুয়ো ফুদোদে রঅ ছাড়ের্।