মীখা 4:3 - Chakma Bible

³ তে জাদ্‌তুুনো ভিদিরে বিচের্ গুরি দিবো আর দূরোর্ খেমতাবলা মানুচ্চুনো ভিদিরে মিলেমিলি গুরিবো। তারা তারার্ তলোয়ারানি ভাঙিনে নাঙল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

মীখা 4:3 Iomraidhean Croise

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

গীতসংহিতা 72:3

তার ন্যায় কামর মাধ্যমে মানুচ্চুনোত্যে মুড়ো-মুড়িয়্যে ভরা দেজ্‌‌চান্ ভালেদি ওইনে ভুরি উদোক্।

গীতসংহিতা 72:7

তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

গীতসংহিতা 82:8

ও গোজেন, তুই উঠ্, পিত্‌থিমীগানর্ বিচের গর্, কিত্তেই বেক জাদ্‌তুনে তঅ অধিকারত্ আগন্।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 25:3

সেনত্তে খেমতাবলা জাদ্‌তুনে তরে বাঈনী গুরিবাক‌্ আর চিৎগিলে নেইয়্যে জাদ্‌‌‌‌তুনোর শঅরানি তরে ভোক্তি গুরিনে দোরেবাক্।

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 60:12

যে জাদ্‌তো বা রেজ্যগানে তরে সেবা ন-গুরিবো সিয়েন ভস্ত অবঅ, ‌‌‌‌‌ সিয়েন পুরোপুরি ভস্ত ওই যেবঅ।

যিশাইয় 65:25

হোক্ক্যে বাঘে আর ভেড়া ছঅ এক সমারে হেবাক্, সিংহ গোরু ধোক্ক্যেন ঘাস হেবঅ আর সাপর্ হানা অবঅ ধূল্যে। সিগুনে মর্ সুদ্ধো-সাংগ মুড়োবোত্ কনঅ জাগাত্ কনঅ খেতি ন-গুরিবাক্ বা ভস্ত ন-গুরিবাক্।”

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

হোশেয় 2:20

মুই বিশ্বেজ্ গুরিনে সেই মিজেনাগান পাক্কা গুরিম আর সেক্কে তুই লগেপ্রভুরে গভীন গুরিনে জানি পারিবে।

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

মীখা 5:15

যে জাদ্‌‌‌‌‌‌‌‌তুনে মর্ বাধ্য ন-অন মুই অমকদ রাগে তারা উগুরে হেনা সুজিম।”

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

সখরিয় 8:20

“এমন সময় এবঅ যেক্কে বোউত্ জাদে আর বোউত্ শঅর আদাম্মেগুনে যিরূশালেমত্ এবাক্;

সখরিয় 9:10

মুই ইফ্রয়িমর রথ আর যিরূশালেমর যুদ্ধোর্ ঘোড়া বেক্কুন্ ভস্ত গুরিম আর যুদ্ধোর্ ধনুগানি ভাঙি ফেলা অবঅ। তে জাদ্‌‌‌‌‌‌‌তুনো ইধু শান্তি ফগদাং গুরিবো। তার শাজন সাগরত্তুন্ সাগর্ সং, ইউফ্রেটিস গাঙত্তুন্ পিত্‌‌‌‌থিমীর শেজ্ দুযি সং চলিবো।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”