মীখা 4:2 - Chakma Bible

² ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

মীখা 4:2 Iomraidhean Croise

গীতসংহিতা 110:2

তর্ রাজকীয় খেমতাগান লগেপ্রভু সিয়োনত্তুন্ ফগদাং গুরিবো; তে কবঅ, “তঅ শত্রুগুনো সংমধ্যেত্তুন্ তুই রাজাগিরি গর্।”

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।

গীতসংহিতা 119:171

মঅ মুয়োন্দি তরে নাঙ্ গিনি পারং, কিত্তে তুয়ই মরে তর্ সুদোমানি শিগেই দুয়োর্।

গীতসংহিতা 122:1

মান্‌জ্যে যেক্কে কলাক্ সেক্কে মুই হুজি অলুং, “আদঅ, আমি লগেপ্রভুর ঘরত্ যেই।”

গীতসংহিতা 25:12

কন্না সেই মানুচ্চো, যে লগেপ্রভুরে ভোক্তি গরে? কন্ পথ্‌তান্ তাত্তুন্ বেঈ নেযা পড়িবো সিয়েন তুই তারে দেগেই দিবে।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিরমিয় 31:6

এমন এক্কো দিন এবঅ যেক্কে ইফ্রয়িমর মুড়োবো উগুরে চুগিদারুনে রঅ ছাড়িনে কবাক্, ‘আঢ, আমি সিয়োনত্ আমা গোজেন লগেপ্রভু ইধু যেই।’ ”

যিরমিয় 42:3

তঅ গোজেন লগেপ্রভু ইধু তবনা গর্ যেনে তে আমারে কোইদে আমি কুদু যেবং আর কি গুরিবোং।”

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

সখরিয় 14:16

পরেদি সেই বেক্ জাদর্ বাঁজি থেইয়্যে মানুচ্চুনে সেই রাজাবোর্, অত্তাৎ বেগত্তুন্ খেমতাবলা লগেপ্রভুর উবোসনা গুরিবাত্তে আর চিগোন-ঘর পরব্ পালেবাত্তে পত্তি বজর্ যিরূশালেমত্ এবাক্।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

সখরিয় 9:10

মুই ইফ্রয়িমর রথ আর যিরূশালেমর যুদ্ধোর্ ঘোড়া বেক্কুন্ ভস্ত গুরিম আর যুদ্ধোর্ ধনুগানি ভাঙি ফেলা অবঅ। তে জাদ্‌‌‌‌‌‌‌তুনো ইধু শান্তি ফগদাং গুরিবো। তার শাজন সাগরত্তুন্ সাগর্ সং, ইউফ্রেটিস গাঙত্তুন্ পিত্‌‌‌‌থিমীর শেজ্ দুযি সং চলিবো।

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

যোহন 6:45

ভাববাদীগুনোর্ বোইবোত্ লেগা আঘে, ‘তারা বেক্কুনে গোজেনত্তুন্ শিক্ষ্যে পেবাক্।’ যে কেঅ বাবত্তুন্ শুনিনে শিক্ষ্যে পেইয়্যে তেয়ই মইধু এজে।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 13:42

পৌল আর বার্ণবা সমাজ-ঘরত্তুন্ নিগিলি যেবার সময়োত্ মানুচ্চুনে তারারে কোজোলি গুরিলাক্ যেন তারা এজেত্তে জিরেবার দিনোত্ এ পৌইদ্যেনে আরঅ কিজু কন্।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।