মীখা 3:9 - Chakma Bible

⁹ ও যাকোবর বংশর নেতাগুন, ইস্রায়েলর বংশর শাজন্‌গুরিয়্যেগুন, শুনো। তুমি দঅ ন্যায়বিচের্ তুচ্ছো গোজ্য আর যিয়েন উজু সিয়েন বেক্কানি বেঙা গুরি তুল্য।

মীখা 3:9 Iomraidhean Croise

নহিমিয় 13:17

মুই সেক্কে যিহূদার মুরুব্বীগুনোরে গেইল্‌ দিইনে কলুঙ্‌, “তুমি ইয়েন্‌ কি গরর্‌? তুমি দঅ এ অন্যেই কামানি গুরিনে জিরেবার্‌ দিন্নোর্‌ সুদ্ধো-সাংগগান্‌ বর্‌বাত্‌ গোজ্য।

যাত্রা 3:16

তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

গম্ উপদেজ্ 17:15

যিগুনে দুষি মান্‌জ্যরে নিদ্দুষি বিলিনে ধরন আর যিগুনে নিদ্দুষিরে দুষি বানান্, তারারে দ্বিয়জনরে লগেপ্রভু ঘিনেই।

গম্ উপদেজ্ 17:23

বিচের রায়ান ঘুরেই দিবাত্তে পাজি মান্‌জ্যে লুগেই রাগেয়্যে ঘুষ্ লয়।

গম্ উপদেজ্ 18:5

দুষি মান্‌জ্যর তপ্পে লনা ঠিগ্ নয়, সেক্কে নিদ্দুযিবো উগুরে অবিচের্ গরা অয়।

গম্ উপদেজ্ 21:7

পাজিগুনোর অমকদ অত্যেচার তারারে ভস্ত ইন্দি টানি নেযায়, কিত্তে তারা গমেডালে চলিবাত্তে অস্বিগের্ গরন্।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিহিষ্কেল 44:23

মঅ নাঙে যিয়েনি যুদো গরা ওইয়্যে আর যিয়েনি যুদো গরা ন-অয় সিয়েনি ভিদিরে ফারগ্‌‌কান কি সিয়েনি তারা মঅ মানুচ্চুনোরে শিক্ষ্যে দিবাক্ আর কুবোন্ সিজি আর কুবোন্ অসিজি সিয়েনি তারারে দেগেই দিবে।

হোশেয় 5:1

লগেপ্রভু কত্তে, ও ধর্মগুরুগুন, তুমি এ কধানি শুনো। ও ইস্রায়েল মানুচ্চুন, মনযোগ দুয়ো। ও রাজবংশ, কান্ পাদঅ। এ রায়য়ান্ তমা বিরুদ্ধে দিয়্যে অর্, কিত্যে তুমি মিসপাত্ ফাল ধোক্ক্যেন আর তাবোরত্ মিলি দিয়্যে জাল ধোক্ক্যেন ওইয়ো।

লেবীয় 26:15

যুনি তুমি মর্‌ সুদোমানি অগ্রাজ্য গরঅ আর মর্‌ রীদি-সুদোমানি তুচ্ছো গরঅ, যুনি তুমি মর্‌ উগুমানি ন-পালেইনে মর্‌ সুদোমান ভাঙঅ,

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

মীখা 1:1

যিহূদার রাজা যোথম, আহস আর হিষ্কিয়র রাজাগিরির সময়োত্ মোরেষৎ আদামর মীখা ইধু শমরিয়া আর যিরূশালেম পৌইদ্যেনে লগেপ্রভুর কধানি দর্শনর মাধ্যমে ফগদাং অলঅ।

মীখা 3:1

মুই মীখা কঙর্, ও যাকোবর নেতাগুন, অত্তাৎ ইস্রায়েল বংশর শাজন্‌গুরিয়্যেগুন, তুমি শুনো। তমার্ কি ন্যায়বিচের পৌইদ্যেনে হবর্ পানা উজিত্ নয়?

দ্বি’লম্বর বিররণ 27:19

সে মানুচ্চো অভিশাব খেইয়্যে, যে বিদেশী বাসিন্দা, মা-বাপ নেইয়্যে আর রানিমিলেগুনো উগুরে অন্যেয় বিচের অবাত্তে দে। সেক্কে বেক্কুনে কবাক, আমেন।