মীখা 3:6 - Chakma Bible

⁶ “তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

মীখা 3:6 Iomraidhean Croise

গীতসংহিতা 74:9

আমাত্যে কনঅ আমক্ অবার কাম গরা অর্ এবাবোত্যে দঅ আর মুই ন-দেগং; কনঅ ভাববাদিয়ো আর নেই; এবাবোত্যে যে আর কয়দিন্ চলিবো সিয়েন আমাত্তুন কনজনে হবর্ ন-পান্।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 59:10

আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 15:9

সাত্‌‍তো পুয়ো-ছার্ মা বল্‌পোজ্যে ওইনে লাজে আর অগমান অবস্থায় শেজ্ নিজেস্ ফেলেবাক। সময় থাগদে তা জিংকানির বেলান ডুবি যেবঅ। যিগুনে বাঁজি থেবাক্ তারারেয়ো মুই শত্রুগুনোরে তলোয়ার মুজুঙোত্ দিম।‍‍‍ মুই লগেপ্রভু এ কধাগান কঙর্।”

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিহিষ্কেল 13:9

মঅ আঢ্‌তানি সেবাবোত্যে ভাববাদীগুনো বিরুদ্ধে উদিবো যিগুনে মিজে দর্শন দেগন্ আর মিজে গোণা-পড়া গরন্। মঅ মানুচ্চুনো সমাজত্ তারা ন-থেবাক্ বা ইস্রায়েলর বংশ লিস্টি ভিদিরে তারা নাঙানি ন-থেবঅ, আর ইস্রায়েল দেজত্‌অ তারা ফিরি এই ন-পারিবাক্। সেক্কে তুমি হবর্ পেবা যে, মুয়ই প্রভু লগেপ্রভু।

যিহিষ্কেল 7:26

দযা উগুরে দযা এবঅ, আর গুজব উগুরে গুজব শুনো যেবঅ। তারা ভাববাদীগুনোত্তুন্ দর্শনর কধা শুনিবার চেরেস্‌‌টা গুরিবাক্; ধর্মগুরুগুনোর দিয়্যে সুদোমর্ শিক্ষ্যে আর বুড়ো নেতাগুনোর সল্লানি আর ন-থেবঅ।

আমোষ 8:11

প্রভু লগেপ্রভু কত্তে, “এবাবোত্যে বেক্ দিনুন্ এজের্ যেক্কে মুই দেজ ভিদিরে ভাদরাদ্ পাদেম। সিবে হানার্ ভাদরাদ্ বা পানি তিরেজ নয় মাত্তর্ লগেপ্রভুর কধা শুনিবার রাদ্।

মীখা 2:6

তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”