মীখা 3:1 - Chakma Bible

¹ মুই মীখা কঙর্, ও যাকোবর নেতাগুন, অত্তাৎ ইস্রায়েল বংশর শাজন্‌গুরিয়্যেগুন, তুমি শুনো। তমার্ কি ন্যায়বিচের পৌইদ্যেনে হবর্ পানা উজিত্ নয়?

মীখা 3:1 Iomraidhean Croise

নহিমিয় 13:17

মুই সেক্কে যিহূদার মুরুব্বীগুনোরে গেইল্‌ দিইনে কলুঙ্‌, “তুমি ইয়েন্‌ কি গরর্‌? তুমি দঅ এ অন্যেই কামানি গুরিনে জিরেবার্‌ দিন্নোর্‌ সুদ্ধো-সাংগগান্‌ বর্‌বাত্‌ গোজ্য।

গীতসংহিতা 14:4

যিগুনে ভান্ন্যেই কাম গুরি বেড়ান্ তারা কি এত্তমান্ অবুঝ্? মানুচ্চুনে যেধোক্ক্যেন্ গুরি হানা খান্ সেধোক্ক্যেন্ গুরিনে তারা আমা মানুচ্চুনোরে হেই পেলান্; তারা লগেপ্রভুরে ন-ডাগন্।

যিশাইয় 1:10

ও সদোমর শাজন্‌গুরিয়্যেগুন্, লগেপ্রভুর কধানি শুনো। ও ঘমোরার মানুচ্চুন্, আমা গোজেনর উগুমানি কান্ পাদঅ।

যিহিষ্কেল 22:6

চঅ, তঅ ভিদিরে ইস্রায়েলর্ পত্তি শাজন্‌গুরিয়্যে লো ঝোরেবাত্তে কিবাবোত্যেগুরি তার্ খেমতাগান বেবহার গরের্।

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

যিহিষ্কেল 34:3

তুমি দঅ তেল্ খঅ, ভেড়া কেশ্‌‌চোই কাবড় বানেইনে উরো আর বেঈ লোইয়্যে ভেড়া কাবঅ, মাত্তর্ তুমি মেষচুনোর্ যত্তন্ ন-গরঅ।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

হোশেয় 5:1

লগেপ্রভু কত্তে, ও ধর্মগুরুগুন, তুমি এ কধানি শুনো। ও ইস্রায়েল মানুচ্চুন, মনযোগ দুয়ো। ও রাজবংশ, কান্ পাদঅ। এ রায়য়ান্ তমা বিরুদ্ধে দিয়্যে অর্, কিত্যে তুমি মিসপাত্ ফাল ধোক্ক্যেন আর তাবোরত্ মিলি দিয়্যে জাল ধোক্ক্যেন ওইয়ো।

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 6:1

অভিশাব্ পোড়োক তমার্! তুমি দঅ সিয়োনত্ আরামে বজত্তি গরর্ আর শমরিয়ার মুড়োবোত্ নিজোরে নিরাপদ মনে গরর্। তুমি বেগত্তুন্ আজল্ জাদ্ ইস্রায়েলর নাঙ্-গোজ্যে মানুচ্ আর তমা ইধু ইস্রায়েলর্ মানুচ্চুনে এজন্।

মীখা 2:13

বন্দীদজাত্তুন্ ফিরি এবাত্তে যিবে পথ খুলি দিবো তে তারার্ আগে আগে যেবঅ; তারা গেইট্ ভাঙিনে নিগিলি এবাক্। লগেপ্রভু, যিবে তারার্ রাজা, তে তারার্ আগে আগে যেবঅ।

১ করিন্হীয় 6:5

তমারে লাজ্ দিবাত্তে মুই এ কধাগান কঙর্। তমা ভিদিরে ঘেইচ্চ্যেক্ গুরিনে কি এমন্‌ কনঅ জ্ঞানী মানুচ্‌ নেই, যে ভেইউনো ভিদিরে কোল্-কোজ্জ্যের্ মিট্‌মাট গুরি দি পারে?

দ্বি’লম্বর বিররণ 16:18

তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।