মীখা 2:8 - Chakma Bible

⁸ এচ্চ্যে মঅ মানুচ্চুনে শত্রু ধোক্ক্যেন ওই উঠ্যন্। যুদ্ধোত্তুন্ ফিরি এচ্চ্যে মানুচ্চুনো ধোক্ক্যেন যিগুনে নিচিদে গুরি পধেদি আঢন্ তারা কিয়্যেনিত্তুন্ তুমি কাবড়ানি খুলি নেযর্।

মীখা 2:8 Iomraidhean Croise

২ শমূয়েল 20:19

আমি ইস্রায়েল ভিদিরে শান্তিপ্রিয় আর বিশ্বেজী। তুই ইস্রায়েলর ভিদিরে মা ধোক্ক্যেন্‌ এ শঅরানরে ভস্ত গুরি দিবাত্তে চর্‌। লগেপ্রভুর সোম্বোত্তি এ ইস্রায়েলীয়গুনোরে কিত্তে তুই গিলিবার চেট্ট্যা গরর্‌?”

গীতসংহিতা 55:20

মর্ সেই সমাজ্যেবো সমারে যিগুনে সুগে-শান্দিয়্যে এলাক্ তারার উগুরেয়ো সেই সমাজ্যেবো আত্ তুল্যে আর তার চুক্তিবো ভাঙ্যে।

যিশাইয় 9:21

মনঃশি ইফ্রয়িমর আর ইফ্রয়িম মনঃশির য়েরা হেবাক্, আর তারা এক সমারে যিহূদা বিরুদ্ধে উদিবাক্। এজঅ সং তা আঢ্‌‌‌‌তান তুল্যে আঘে।

যিরমিয় 12:8

মঅ সোম্বোত্তিগান মইধু ঝার সিংহ ধোক্ক্যেন ওইয়্যে। তে মরে দেগিনে গুজুরি উঠ্যে, সেনত্তে মুই তারে ঈচ্ গরং।

মীখা 3:2

তুমি দঅ গম্ কামানিরে ঈচ্ গুরিনে ভান্ন্যেই কামানিরে গম্‌‌‌‌‌পঅ; তুমি মঅ মানুচ্চুনোর কিয়্যেনিত্তুন্ চামাড়া আর আড়ত্তুন্ য়েরানি সোরেই নেযর্;

মীখা 3:3

তুমি মঅ মানুচ্চুনোর য়েরানি খর্, তারার্ চামাড়াগানি তুলি ফেলেইনে আড়ুন্ কট্টা কট্টা গুরি ভাঙর্; তুমি আড়ি ভিদিরে য়েরা ধোক্ক্যেন গুরি তারারে কট্টা কট্টা গুরি কাবর্।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।