মীখা 2:7 - Chakma Bible

⁷ ও যাকোবর বংশ, তমার্ এ কধাগান কনা উজিত্ নয়, “লগেপ্রভুর আত্মাগান অধৈয্য ন-অয়; তে এ কামানি ন-গরে।” লগেপ্রভু কত্তে, “যিগুনে ন্যায় পধেদি চলন্ বানা তারা উগুরে মঅ কধানিয়ে ভালেদি আনে।

মীখা 2:7 Iomraidhean Croise

গীতসংহিতা 119:65

ও লগেপ্রভু, তর্ উগুম মজিম্ তর্ এ চাগরুনোরে তুই ভালেদি গর্।

গীতসংহিতা 119:68

তুই গম্ আর ভালেদি গুরি থাচ্; তর্ সুদোমানি মরে শিগেই দে।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 18:26

গম্ মানুচ্চুনো সমারে গম্ বেবহার গর্, আর কুজুরোমিগুনোরে দেগা তর্ বুদ্ধির্ খেলা।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গম্ উপদেজ্ 10:29

লগেপ্রভুর পথ্‌তান গম্ মানুচ্চুনোর ঘর ধোক্ক্যেন্, মাত্তর্ যিগুনে বজং কাম গরন্ তারাত্তে সিয়েন দজা।

গম্ উপদেজ্ 10:9

যে গমেডালে চলে তে নিচিদে গুরি আঢাউদো গরে, মাত্তর্ যে ভান্ন্যেই পধেদি আঢে তে ধরা পুরিবো।

গম্ উপদেজ্ 14:2

যে গমেডালে চলে তে লগেপ্রভুরে ভোক্তিগুরিনে দরায়, মাত্তর্ যে বেঙা পধেদি আঢে তে তারে ঈচ্ গরে।

গম্ উপদেজ্ 2:7

গম্ মনর্ মানুচ্চুনোত্তে তে তরিত্ বুদ্ধি থুবেই রাগায়; যিগুনে গমেডালে চলন্ তে তারার ঢাল অয়,

গম্ উপদেজ্ 28:18

যিবের চলাফিরেত্ নিদ্দুষি তে গমেডালে থায়, মাত্তর্ যে মানুচ্চো বেঙা পধেদি যায় তে আদিক্ক্যেন্‌গুরি পুরিবো।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

যিরমিয় 2:4

ও যাকোবর্ বংশ, ইস্রায়েলর বেক্ গুট্টিগুন, তুমি বেক্কুনে লগেপ্রভুর কধানি শুনো।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

মীখা 3:9

ও যাকোবর বংশর নেতাগুন, ইস্রায়েলর বংশর শাজন্‌গুরিয়্যেগুন, শুনো। তুমি দঅ ন্যায়বিচের্ তুচ্ছো গোজ্য আর যিয়েন উজু সিয়েন বেক্কানি বেঙা গুরি তুল্য।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

গণাণা 11:23

জোবত্‌ লগেপ্রভু মোশিরে কলঅ, “লগেপ্রভুর খেমতাগান কি এদক্‌ কম? মর্‌ কধাগান্‌ তইদু হামাক্কায়্‌ লাগিবো না-কি সিয়েন্‌ তুই এবারত্‌ দেগিবে।”

মথি লেখ্যে গম্ হবর্ 3:8

গম্ ওইয়্যে, তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ।

যোহন 8:39

ইয়েন্দোই সেই যিহূদী নেতাগুনে যীশুরে কলাক্, “অব্রাহামে আমা বাপ্।” যীশু তারারে কলঅ, “যুনি তুমি অব্রাহামর্ পুয়ো অদা সালে অব্রাহাম ধোক্ক্যেন্ কাম্ গুরিদা।

রোমীয় 7:13

সালে যিয়েন উপকারি সিয়েন্দোই কি মর্ মরণ অলঅ? কনদিন্‌অ নয়, বরং যিয়েন উপকারি সিয়েন্দোই পাপ্পানে মর্ মরণ্ ঘোদেল, যেন পাপ যে সত্যই পাপ সিয়েন বুঝো যায়। পাপ যে কত্তমান্ জঘন্য সিয়েন উগুম্বোই ধরা পড়ে।

২ করিন্হীয় 6:12

আমি আমার মনানি তমাত্যে মেলি থোইয়্যেই, মাত্তর্ তুমি তমার্ মনানি আমা বিরুদ্ধে বন্ধ গুরি থোইয়ো।

২ তীমথিয় 3:5

বারেদি চেঙারাগান দেগিনে মনে অবঅ যেন গোজেনরে তারা কত্তমান ভোক্তি গরন, মাত্তর্ আজলে গোজেন ভোক্তির্ খেমতাগানরে তারা অস্বিগের্ গরন্। এবাবোত্যে মানুচ্চুনোত্তুন্ দূরোত্ থেইস্।