মীখা 2:6 - Chakma Bible

⁶ তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”

মীখা 2:6 Iomraidhean Croise

গীতসংহিতা 74:9

আমাত্যে কনঅ আমক্ অবার কাম গরা অর্ এবাবোত্যে দঅ আর মুই ন-দেগং; কনঅ ভাববাদিয়ো আর নেই; এবাবোত্যে যে আর কয়দিন্ চলিবো সিয়েন আমাত্তুন কনজনে হবর্ ন-পান্।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 30:10

তারা রিনি চেইয়্যেগুনোরে কন্দে, “তুমি আর দর্শন ন-চেয়ো,” আর ভাববাদীগুনোরে কন্দে, “যিয়েন সত্য সিয়েন আমারে আর্ ন-কোয়ো। আমা ইদু গম্ হবরর্ কধা কঅ; যিয়েন সত্য নয় এবাবোত্যে বেক্ বেপারানির আগাম্ কধা কঅ।

যিহিষ্কেল 20:46

“ও মান্‌‌‌‌‌‌জ্যর পুয়োবো, তঅ মুয়োন তুই দোগিণেদি রাগেইনে সেই দেজ বিরুদ্ধে কধা কঅ আর সিদুগোর্ ঝারান বিরুদ্ধে আগাম্ কধা কঅ।

যিহিষ্কেল 21:2

ও মান্‌‌‌‌জ্যর পুয়োবো, তর্ মুয়োন তুই যিরূশালেম ইন্দি থোইনে উবোসনা-ঘর বিরুদ্ধে কধা কঅ আর ইস্রায়েল দেজর্ বিরুদ্ধে আগাম্ কধা কঅ।

যিহিষ্কেল 3:26

তুই যেনে জুরো গুরি থাচ্ আর তারারে গেইল্ দি ন-পারচ্ সেনত্তে মুই তঅ জিলান্ তঅ মুয়ো তাল্লোত্ আক্‌সো দিম। ইস্রায়েলীয়গুনে দঅ এক্কো উল্লোমী জাদ্।

আমোষ 2:12

মাত্তর্ তুমি সেই নাসরীয়গুনোরে আংগুর-রস হাবেইয়ো আর ভাববাদী ইজেবে কধা ন-কবাত্তে ভাববাদিগুনোরে উগুম দুয়ো।

আমোষ 7:13

বৈথেলত্ আর ভাববাদী ইজেবে কধা ন-কোচ্, কিত্যেই ইয়েন রাজার উবোসনার্ জাগা আর রাজঘর।”

আমোষ 7:16

সালে ইক্কিনে তুই লগেপ্রভুর কধা শুন্। তুই কত্তে, ‘ইস্রায়েল বিরুদ্ধে ভাববাদী ইজেবে কধা ন-কোচ্ আর ইস্‌হাকর বংশর বিরুদ্ধে ফগদাং ন-গুরিচ্।’

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

প্রেরিত্‌ 4:17

মাত্তর্ মানুচ্চুনো ইধু যেন কধাগান আরঅ ছিদি ন-পরে সেনত্তে এ মানুচ্চুনোরে দর্ দেগা পুরিবো, যেন তারা কাররেয়ো যীশু পৌইদ্যেনে আর কনঅ কধা ন-কন্।”

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।