মীখা 2:4 - Chakma Bible

⁴ সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

মীখা 2:4 Iomraidhean Croise

২ শমূয়েল 1:17

শৌলে আর তা পূঅ যোনাথনত্তে দায়ূদে সেক্কে এ আবিলেচর্‌ গান্নো গাহ্ ধুরিলো।

২ বংশধর 35:25

যোশিয়োত্তে যিরমিয় আবিলেজর্‌ গান রোজেল আর এজঅ সং বেক্‌ গানগেইয়্যেগুনে যোশিয়ো পৌইদ্যেনে আবিলেজর্‌-গান গরন্‌। ইস্রায়েলত্‌ ইয়েন্‌ এক্কান্‌ চলেদে সুদোম্‌ ওই গেলঅ আর আবিলেজ্‌-গানর্‌ বোইবোত্‌ সিয়েন্‌ লেগা অলঅ।

ইয়োব 27:1

ইয়োবে তা কধানি কুও ধুরিলো। তে কলঅ,

যিশাইয় 24:3

পিত্‌থিমীগান এক্কুবারে খালি ওই পড়ি থেবঅ, সিয়েন এক্কুবারে লুদো অবঅ। লগেপ্রভু এ কধাগান কোইয়্যেদে।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 6:12

যিগুনে দেজত্ বজত্তি গরন তারা বিরুদ্ধে যেক্কে মুই সাজা দিবার আঢ্‌তান বাবেই দিম্ সেক্কে অন্যগুনো আঢত্ তারার ঘরানি, ভূইয়ানি আর মোগ্‌‍‍কুনোরে তুলি দিয়্যে অবঅ।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

যিহিষ্কেল 16:44

মান্‌জ্যে তঅ পৌইদ্যেনে এই দাগ কধানি কবাক্, যেধোক্ক্যেন মা সেধোক্ক্যেন ঝি।

যিহিষ্কেল 2:10

মঅ মুজুঙোত্ তে সিবে খুলিনে ধুরিলো। সিবের্ দ্বিকিত্তেদি লেগা রোইয়্যেদে আবিলেচ্, চিৎপুরোনা আর দুঘো কধানি।

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

যোয়েল 1:8

ও মঅ মানুচ্চুন, যে গাবুজ্যে মিলেবো তা গাবুরো অক্তত্ ঠিগ গোজ্যে নেক্কোর্ মরণত্তে বস্তা পাদা পিনিনে আবিলেচ্ গোজ্যে তুমি সিবে ধোক্ক্যেন আবিলেচ্ গরঅ।

আমোষ 5:1

ও ইস্রায়েলর মানুচ্চুন, তমা বিষয়ানিলোই মুই ইয়েনি যে আবিলেচ্ গরঙর্ সিয়েনি শুনো।

আমোষ 5:17

বেক্ আংগুর খেত্‌‌তানিত্ আবিলেচ্ গুরিবাক, কিত্যে মুই তমা ভিদিরেদি যেইম। মুই লগেপ্রভু এ কধাগান কঙর্।”

মীখা 1:15

ও মারেশায় বজত্তি গুরিয়্যে মানুচ্চুন, লগেপ্রভু তমা বিরুদ্ধে এক্কো গজক্ গুরিয়্যে পাদেব। ইস্রায়েলর বেক্ বাঈনীগান অদুল্লমত্ যেবগোই।

মীখা 1:8

ইয়েনত্তে মুই কানাকুদি আর আবিলেচ্ গুরিম; মুই খালি টেঙে লাংটা ওইনে ঘুরি বেড়েম। মুই শিয়েলর আর পেজা ডগরেদে ধোক্ক্যেন গুরি আবিলেচ্ গুরিম।

মীখা 2:10

তুমি উদো, যগোই, ইয়েন দঅ তমার জিরেবার জাগা নয়; কিয়া তুমি দেজ্‌‌‌চানরে অসিজি গোজ্য, সেনত্তে সিয়েন জদবদে ভস্ত ওই যেবঅ।

হবক্‌‌‌‌কূক 2:6

তারা বেক্কুনে তারে ঠাট্টা-মশ্‌কারী গুরিবাক্‌‌‌‌ আর কবাক্, অভিশাব্ পোড়োক্ তার্, যে অন্যগুনো পযাপিরানি নিজোত্তে থুবোয় আর জামিনো পযাপিরালোই তাগোয়্যে অয়। আর কয়দিন এবাবোত্যে চলিবো?

সফনিয় 1:2

লগেপ্রভু কোইয়্যেদে, মুই পিত্‌থিমীর বুগোত্তুন্ বেক্কানি শেজ্ গুরি দিম‌‌‌।

গণাণা 23:18

বিলিয়মে সেক্কে গোজেনর্ দিয়্যে এই কধানি কুয়া ধুরিলো; “বালাক রাজা উঠ্‌, শুনিচ্‌; ও সিপ্পোরর পুয়ো, মঅ কধানি শুনিচ্‌।

গণাণা 23:7

সেক্কে বিলিয়মে গোজেনর্‌ দিয়্যে এই কধানি কুয়ো ধুরিলো: “বালাকে মরে অরাম দেজত্তুন্ লোই আনিলো, পূগেদি মুড়োগুনোর্‌ কায়-কুরেত্তুন্‌ মোয়াব-রাজা মরে লোই আনিলো। তে কলঅ, ‘মর্‌ পক্কে তুই যাকোবরে অভিশাব্ দিচ্‌, ইস্রায়েলর্ বিপক্ষে ভান্ন্যেয়ানিত্যে কধা কঅ।’

গণাণা 24:15

বিলিয়মে সেক্কে গোজেনর্‌ দিয়্যে এই কধাগান্‌ কুয়া দোজ্যে: “বিয়োরর পূঅ বিলিয়িমে এ কধাগান্‌ কত্তে, যিবের্‌ চোক্কুন্‌ মেল্যে আগন্‌ তে এ কধাগান কত্তে,

গণাণা 24:3

আর তে গোজেনর্‌ দিয়্যে এই কধাগান্‌ কুয়া ধুরিলো: “বিয়োরর পূঅ বিলিয়মে এ কধাগান্‌ কত্তে, যিবের্‌ চোখ মেল্যে আঘে তে এ কধাগান্‌ কত্তে,

মার্ক 12:12

সেক্কে সেই ইহুদি নেতাগুনে যীশুরে ধুরিবাত্তে চেলাক্, কিয়া তারা বুঝিলাক্, হিত্ত্যবো যীশু তারা বিরুদ্ধে কোইয়্যে। মাত্তর্ তারা মানুচ্চুনো দরে যীশুরে ফেলেই গেলাক্।

দ্বি’লম্বর বিররণ 28:29

কান্‌ মান্‌জ্যে যেধোক্ক্যেনগুরি আন্ধারত্‌ বিজিরে বিজিরে বেড়ায় সেধোক্ক্যেন গুরিনে তুমি দিনোত্ বিজিরে বিজিরে বেড়েবা; তমার্‌ কনঅ কামত্‌ গম্‌ ন-অবঅ। তমা উগুরে আমিঝে অত্যেচার আর লুট চলিবো; সিয়েনত্তুন তমারে উদ্ধোর গুরিবাত্তে কনজনে উজেই ন-এবাক্।