মীখা 2:1 - Chakma Bible

¹ অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মীখা 2:1 Iomraidhean Croise

পত্থম 31:29

তমার ক্ষোতি গুরিবার্‌ খেমতা যে মঅ আঢত্‌ নেই, সিয়েন্‌ নয়। মাত্তর্‌ তমা আগ বংশগুনোর গোজেনে কেল্যে রেদোত্‌ মরে কোইয়্যেদে, “উজিয়ার্‌! যাকোবরে গম্‌-ভান্ন্যেই কিচ্ছু ন-কবে।”

১ রাজাবলী 21:7

সেক্কে তা মোক্কো ঈষেবলে তারে কলঅ, “তুই ইস্রায়েলর রাজা নয়? উঠ্‌, হানা-দানা গর্‌, হুজী অ। যিষ্রিয়েলীয় নাবোতর আংগুর ক্ষেদ্‌তান্‌ মুই তরে দিম্‌।”

ইষ্টের 3:8

হামনে সেক্কে রাজা অহশ্বেরশরে কলঅ, “তর্‌ রেজ্যর্‌ পুরো জাগানর্ নানান্‌ জাদ ভিদিরে এক্কো জাদ ছিদি পোজ্যে। অন্য জাদ্‌তুনোত্তুন্‌ তারার্‌ সুদোমানি যুদো আর তারা রাজার সুদোমানি ন-মানন্‌। সেনত্তে তারারে বাঁজিবাত্তে দেনাগান্ রাজার পক্ষে গম্‌ ন-অবঅ।

ইষ্টের 5:14

সেক্কে তা মোক্কো সেরশে আর তা সমাজ্যেগুনে তারে কলাক্‌, “তুই পঞ্চাশ আত্‌ অজল্‌ এক্কান্‌ ফাসি দিবার্‌ গাজ্‌ বানা আর বেন্যেমাদান্ রাজার অনুমতি লোইনে মর্দখয়রে সিয়েন উগুরে ফাসি দিবার বেবস্থা গর্‌। সে পরেন্দি হুজিয়ে রাজিয়ে রাজার লগে হানাত্‌ যাহ্।” এ কধাগান হামনর গম্‌ লাগিলো আর তে সেই ফাসি দিবার্‌ গাজ্‌চুয়ো বানেল।

ইষ্টের 9:25

মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

ইয়োব 15:35

তারার্‌ পেদত্‌ থেবদে শদান্‌ আর তারা জর্ম দিবাক্‌ ভান্ন্যেইয়ুনোরে; তারার্‌ পেদত্‌ জোর্মেবদে ছলনা।”

ইয়োব 24:14

খুন্‌গুরিয়্যেগুনে বেন্যেপোত্যে উদিনে নাঢা আর অভাবীগুনোরে মারে ফেলান্, আর রেদোত্ তে চুর্ ওইনে চুর্ গরে।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 36:5

ও লগেপ্রভু, তর্ অমকদ কোচ্‌পানা আগাজত্ লুমেগোই; তর্ বিশ্বেজ্‌ছান্ যেনে আগাজত্ লুমেগোই।

গীতসংহিতা 58:3

জর্মত্তুন ধুরি পাজিগুনে ভান্ন্যেই পধেন্দি যান; যিগুনে মিজে কধা কন্, জর্মত্তুন ধুরি তারা বজং পধেদি থান্।

গম্ উপদেজ্ 12:2

গম্ মান্‌জ্যে লগেপ্রভু ইত্তুন্ দোয়্যে পায়, মাত্তর্ যে কুজুরোমি গরে লগেপ্রভু তারে দুষি বিলিনে ঠিগ্ গরে।

গম্ উপদেজ্ 14:22

যিগুনে বজং কাম গুরিবাত্তে ফন্দি গরন্ তারা কি ভান্ন্যেই পধেদি ন-যান? মাত্তর্ যিগুনে বজং কাম গুরিবাত্তে সল্লা গরন তারার বিশ্বেজ্ আর সততাগান্ আঘে।

গম্ উপদেজ্ 3:27

যিগুনে উপকার পেবার যগাজ্যে তারারে উপকার গুরিবার খেমতা যেক্কে তঅ আঢত্ থেবঅ সেক্কে সিয়েন গত্তে তুই অস্বিগের ন-গুরিচ্।

গম্ উপদেজ্ 4:16

কিত্তে ভান্ন্যেই কাম ন-গুরিলে পাজিগুনোর ঘুম্ ন-অয়; কাররে উজোত্ হাবেই ন-পারিলে তারার ঘুম্ ন-এজে।

যিশাইয় 29:20

চিৎনপুজ্যেগুনে আর্ ন-থেবাক্; ঠাট্টা-মশ্‌কারী গুরিয়্যেগুনে শেজ্ ওই যেবাক্, আর যিগুনে ভান্ন্যেই কাম্ গুরিবার্ চান্ তারারে ভস্ত গুরি ফেলা অবঅ।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 32:7

বদ্‌মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।

যিশাইয় 5:8

অভিশাব্ পোরোক্ তমার্, যিগুনে ঘর লগে ঘর আর খেদ লগে খেত্ এগত্তর্ গরর্; যেরেদি অন্যগুনোত্তে কনঅ জাগা ন-থেবঅ, আর তুমি গায় গায় দেজত্ বজত্তি গুরিবা।

যিশাইয় 59:3

তমা আঢ্‌‍‌‌‌তানি লো-লোই আর আঙুলুন্ পাপে অসিজি ওইয়্যে। তমা মুয়োনিয়ে মিজে কধা কোইয়্যে আর তমা জিলানিয়ে পাজি কধা কয়।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিহিষ্কেল 11:2

লগেপ্রভু মরে কলঅ, “ও মান্‌‌জ্যর পুয়োবো, ইগুন সেই মানুচ্ যিগুনে শঅর ভিদিরে কুজুরোমি গত্তন্ আর ভান্ন্যেই সল্লা দেদন্।

যিহিষ্কেল 33:26

তুমি দঅ তমা লাম্বা ছুরিগানি উগুরে বিশ্বেজ্ গরর্, জঘন্য কাম্ গরর্ আর পত্তিজনে আদাম্মেগুনোর মোগ্‌‌‌‌‌‌‌‌‌‌‌কুনোরে অসিজি গরর্; সালে কি তুমি দেজর্ অধিকারী অবা?

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

যিহিষ্কেল 46:18

মানুচ্চুনোরে ধাবেই দিইনে শাজন্‌গুরিয়্যেবো তারার্ কনঅ সোম্বোত্তি গজক্ গুরি ন-পারিবো। তে বানা তার্ নিজো সোম্বোত্তিত্তুন্ তা পুয়োগুনোরে দি পারিবো যেনে মঅ মানুচ্চুনো ভিদিরেত্তুন্ কনজনে তার সোম্বোত্তির্ গিরোজ্ অনাগান্ ন-আরান্।’”

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

নহূম 1:11

তমা ভিদিরেত্তুন্ এমন এক্কো নিগিলি এজের্ যে লগেপ্রভু বিরুদ্ধে কুজুরোমি গরের্ আর ভান্ন্যেই সল্লা দের্।

সখরিয় 7:10

তুমি রানিমিলে, মা-বাপ নেইয়্যে, বিদেশী আর নাঢা মানুচ্চুনো উগুরে অত্যেচার ন-গোজ্য; মনে মনে এক আর একজন বিরুদ্ধে কুজুরোমি ন-গোজ্য।

মার্ক 15:1

আজল্ ধর্মগুরুগুনে বেন্যেপোত্যে বুড়ো নেতাগুনো লগে, ধর্ম-মাষ্টরুনো লগে আর দাঙর্ তেম্মাঙত্ বেক মানুচ্চুনো সমারে এক্কান্ সল্লা গুরিলাক্। সে পরেদি তারা যীশুরে বানি নেযেইনে তারে রোমীয় আজল্ শাসনগুরিয়্যে পীলাত আঢত্ দিলাক্।

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

প্রেরিত্‌ 23:12

তার্ কেল্যে বেন্যেমাদান্ যিহূদীগুনে এক্কান্ কুজুরোমি গুরিলাক্ আর পৌলরে মারেই ন-ফেলানা সং কিচ্চু ন-হেবাক্ বিলিনে সমত্ খেলাক্।

প্রেরিত্‌ 23:15

ইক্কিনে তুমি আর দাঙর্ তেম্মাঙর্ মানুচ্চুনে এ পৌইদ্যেনে আরঅ গমেদালে বিজিরে-চেবার্ নাঙে পৌলরে তমা মুজুঙোত্ আনিবাত্যে আজল্ সেনাপতিবো ইধু হবর্ পাধ। তে ইধু লুমিবার আগে আমি তারে শেজ্ গুরি ফেলেবাত্যে যুক্কোল্ ওই আঘিই।”

রোমীয় 1:30

অন্যরে নিন্দে গরন্ আর গোজেনরে ঘিনান্। তারা রগ্‌‌‌চদা, বার্‌বো আর দেমাগ্। অন্যেয় কাম্ গুরিবাত্তে তারা নুয়ো নুয়ো ফন্দি বার্ গরন্। তারা মা-বাবর্ উল্লো,

দ্বি’লম্বর বিররণ 28:32

তমার ঝি-পূঅগুনে অন্য জাদর্‌ আদত্‌ পড়িবাক। দিনকে দিন তারার এবার্‌ পথতান্‌ চেইনে তমার চোক্কুন কান্‌ ওই যেবাক, মাত্তর্‌ কিজু গুরিবার বল্‌ তমা আদত্‌ ন-থেবঅ।