মীখা 1:4 - Chakma Bible

⁴ মুম্ যেবাবোত্যেগুরি আগুনোত্ গুলি যায়, খামা জাগানদি যেবাবোত্যেগুরি পানি গোজ্যে যায় সেবাবোত্যেগুরি তা টেঙ তলাত্ মুড়ো-মুড়িগুন ফাদি যেবঅ, কলগ্‌কানি ফাদি যেবঅ।

মীখা 1:4 Iomraidhean Croise

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

গীতসংহিতা 68:2

ধূমো ধোক্ক্যেন গুরি তুই তারারে উড়েই দে; আগুনো মুজুঙোত্ গলেদে মুম ধোক্ক্যেন পাজিগুনে গোজেনর মুজুঙোত্ ভস্ত ওই যাদোক্।

গীতসংহিতা 97:5

লগেপ্রভুর মুজুঙোত্, বেক দুনিয়েগান প্রভুর মুজুঙোত্ মুড়ো-মুড়ি মুম ধোক্ক্যেন গুলি যেইয়্যে।

আমোষ 9:5

বেগত্তুন্ খেমতাবলা প্রভু লগেপ্রভু দেজ্‌চানরে ধুরিলে গুলি যায় আর সিয়েন ভিদিরে বজত্তি গুরিয়্যে বেক্কুনে আবিলেচ্ হান। তা ধরানাগান্দোই পুরো দেজ্‌‌‌‌‌চান মিসর য়্যেল্ গাঙ ধোক্ক্যেন ফুলি উদে, সে পরেদি লামি যায়।‌‌

নহূম 1:5

দাঙর্ দাঙর্ মুড়োগুন তা মুজুঙোত্ গির্‌‌‌‌গিরান আর চিগোন চিগোন মুড়োগুন গলি যান। তে আজিল্ অলে পিত্‌‌‌‌থিমীগান আর সিয়েন ভিদিরে বজত্তিগুরিয়্যেগুন বেক্কুনে গির্‌‌‌‌গিরান।

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

বিচের গুরিয়্যেগুন 5:4

ও লগেপ্রভু, তুই যেক্কে সেয়ীরত্তুন্‌ যাহ্ ধুরিলে, ইদোম দেজত্তুন্‌ নিগিলি গেলে, সেক্কে পিত্‌থিমীগান গির্‌গিরে উদিলো আর আগাজত্তুন্‌ মেঘ্‌কানে পানি ঢালি দিলো।