মীখা 1:3 - Chakma Bible

³ চঅ, লগেপ্রভু তা থেবার ঘরানত্তুন্ এজের্; তে লামি এইনে পিত্‌‌থিমীর অজল্ জাগায়ানি উগুরেদি যেবঅ।

মীখা 1:3 Iomraidhean Croise

ইয়োব 40:12

বেক্ বাড়্‌‌বো মানুচ্চুনোরে তর্ চোগো ইজিরেলোই তলেদি লামা; শদানুনে যিয়েনত্ আগন্ সিয়েনদই তারারে গুড়ি গর্।

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিহিষ্কেল 3:12

সে পরেদি গোজেনর আত্মাগানে মরে তুলি নিলো, আর মুই মঅ পিজেদি জোরে কোইয়্যে এ কধাগান শুনিলুং, “লগেপ্রভুর থেবার্ জাগানত্ তার্ মহিমার বাঈনী ওক্।”

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 9:5

বেগত্তুন্ খেমতাবলা প্রভু লগেপ্রভু দেজ্‌চানরে ধুরিলে গুলি যায় আর সিয়েন ভিদিরে বজত্তি গুরিয়্যে বেক্কুনে আবিলেচ্ হান। তা ধরানাগান্দোই পুরো দেজ্‌‌‌‌‌চান মিসর য়্যেল্ গাঙ ধোক্ক্যেন ফুলি উদে, সে পরেদি লামি যায়।‌‌

হবক্‌‌‌‌কূক 3:19

প্রভু লগেপ্রভুই মর্ বলান্; তে মঅ টেঙানি উরিঙি টেঙানি ধোক্ক্যেন গুরি দে আর মরে অজল্ অজল্ জাগাত্ যেবার খেমতা দে। গান পরিচালগত্তে। মঅ উগুম্ মজিম্ তারর্ বাজানা সমারে গাহ্ পুরিবো।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

দ্বি’লম্বর বিররণ 32:13

জিত্যে ইজেবে তারে তে চালেইনে নেযেল দেজর্ এক মুড়োত্তুন অন্য মুড়োত্‌; তারে খেদর্‌ ফসল হেবাত্তে দিলো। তে তারে হাবেল সেই মধু যিয়েন মুড়োবোর ফাদানত্‌ পাহ্ যায়, আর তারে দরঅ পাত্তরর্‌ ভুইয়োত্‌ জলপাইয়র তেল হাবেল।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”