মীখা 1:13 - Chakma Bible

¹³ ও লাখীশোত্ বজত্তি গুরিয়্যে মানুচ্চুন, তুমি রথ সমারে ঘোড়াগুনোরে লাগেই দুয়ো। ইস্রায়েলর অন্যেয়ান পত্তমে তমা ভিদিরে পাহ্ যেইয়্যে বিলি সিয়োন-ঝিবোরে তুমি পাপর্ পধেদি নেযেয়ো।

মীখা 1:13 Iomraidhean Croise

পত্থম 19:17

বেক্কুনোরে নিগিলে আনানার্‌ পরেদি সে দ্বিজনত্তুন্‌ একজনে কলঅ, “বাঁজিবার্‌ চেলে ধেই যঅ। পিজেন্দি ন-চেবা আর এ সংজাগানর্‌ কনঅ জাগাত্‌ ন থামেবা। মুড়ো উগুরে ধেই যঅ; সিয়েন্‌ ন-গুরিলে তমাত্তুনো মরা পুড়িবো।”

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

১ রাজাবলী 16:31

নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।

১ রাজাবলী 4:28

রথর ঘোড়া আর অন্য ঘোড়াগুনোত্তে তারার পত্তিজনর কামর্‌ ভারান্ অনুসারে তারা জেদেনা আর ঘাস ঠিগ্ গোজ্যে জাগানত্‌ আনিদাক্।

২ রাজাবলী 14:19

যিরূশালেমত্‌ অমৎসিয়োর্‌ বিরুদ্ধে কুজুরোমি গরানার্‌ পরেন্দি তে লাখীশোত্‌ ধেই গেলঅ, মাত্তর্‌ মানুচ্চুনে লাখীশোত্‌ মানুচ্‌ পাদেইনে তারে সিদু মারে ফেলেলাক্‌।

২ রাজাবলী 18:17

আসিরিয়ার রাজা লাখীশত্তুন্‌ তর্তনরে, রব্‌সারীসরে আর রব্‌শাকিরে বিরাট একদল সৈন্যলোই যিরূশালেমত্‌ রাজা হিষ্কিয়ো ইদু পাধেই দিলো। তারা যিরূশালেমত্‌ এইনে কাবড় কাজেইয়্যে মাদ পধ পারত্‌ অজল্‌ জাগাত্‌ পুয়োরবো লগে বাস্যে পানি নাল ইদু থামেলাক্‌।

২ রাজাবলী 8:18

আহাবর বংশর মানুচ্চুনো ধোক্ক্যেন্‌ তে ইস্রায়েলর রাজাগুনোর্‌ পধেন্দি আদিদো, কিত্তে তে আহাবর এক্কো ঝি রে লোইয়্যে। লগেপ্রভুর চোগেন্দি যিয়েনি ভান্ন্যেই তে সিয়েনিই গুরিদো।

২ বংশধর 11:9

অদোরয়িম, লাখীশ, অসেকা,

২ বংশধর 32:9

যেরেন্দি আসিরিয়ার রাজা সন্‌হেরীব আর তার্‌ বেক্‌ সৈন্যদলুনে লাখীশ জাগায়ান্‌ ঘিরিলাক্‌ আর তার্‌ কয়েক্কো মান্‌জ্যরে তে যিরূশালেমত্‌ পাধেই দিলাক্। তে যিহূদার রাজা হিষ্কিয়ো ইদু আর সিয়েনত্‌ আঝিল্ ওইয়্যে যিহূদার বেক্‌ মানুচ্চুনো ইদু এ কধাগান্‌ কোই পাদেল,

ইয়োব 39:10

চাষ্ গরেদে ভূইয়োত্ কি তুই তারে জুঙলর্ দুড়িলোই বানি পারিবে? তে কি তত্তেই কিজিঙোত্ চাষ্ গুরিবো?

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

যিশাইয় 10:31

মদ্‌মেনার মানুচ্চুনে ধেই যাদন্; গেবীমোর মানুচ্চুনে পল্লাদন্।

যিশাইয় 36:2

সে পরেদি আসিরিয়ার রাজা রব্‌শাকিরে দাঙর্ একদল সৈন্যলোই লাখীশত্তুন্ যিরূশালেমত্ রাজা হিষ্কিয়র্ ইদু পাদেল। রব্‌শাকি যেইনে কাবড়্ ধোয়্যেবোর মাদর্ পধ পারত্ অজল্ পুয়োর্‌বো লগে বাস্যে পানি গাদ্‌‌তো ইদু থামেল।

যিশাইয় 37:8

পরে রব্‌শাকি শুনিলোদে, আসিরিয়ার্ রাজা লাখীশ জাগায়ান ছাড়ি যেইনে লিব্‌নার বিরুদ্ধে যুদ্ধো গোজ্যে। সেনত্তে রব্‌শাকি সিয়েনত্ গেলঅ।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিরমিয় 34:7

সে অক্তত্ বাবিল রাজার সৈন্যগুনে যিরূশালেমত্, লাখীশোত আর অসেকার বিরুদ্ধে যুদ্ধো গোজ্যন্, কিত্তে যিহূদা দেজ ভিদিরে বানা এ দেবাল্-ঘিজ্যে শঅরানি গজক্ গুরি নিবাত্তে তারার বাগি এলঅ।

যিরমিয় 4:29

ঘোড়া বাহিনী আর ধনুবলাগুনোর রঅলোই বেক্ শঅরর্ মানুচ্চুনে ধেই যেবাক্। কিজু মানুচ্ যেবাক্ ঘন ঝুবো ভিদিরে আর কিজু মানুচ্ উদিবাক্ দাঙর্ দাঙর্ পাত্তর উগুরে। পত্তি শঅর্ খালি ওইনে পড়ি থেবঅ; সিয়েনত্ কনঅ মানুচ্ বজত্তি ন-গুরিবাক্।

যিহিষ্কেল 23:11

তা বোন্নো অহলীবায়ো ইয়েনি বেক্কানি দেগিলো, তো তে তার্ পেরেত্যে আর বেশ্যেগিরিত্ তা বোন্নোত্তুন্ আরঅ বেশ্ ভান্ন্যেই অলঅ।

মীখা 1:5

যাকোব পাপত্তে, ইস্রায়েল বংশর অন্যেয়ত্তে ইয়েনি অবঅ। যাকোবর পাপত্তে দায়ী কন্না? শমরিয়া কি নয়? যিহূদার পূজোর্ অজল্ জাগানিত্তে দায়ী কন্না? যিরূশালেমানে কি নয়?

যিহোশূয় 10:3

সেনত্যে হিব্রোণর রাজা হোহম, যর্মূতর রাজা পিরাম, লাখীশর রাজা যাফিয় আর ইগ্লোনর রাজা দবীরর কায়কুরে যিরূশালেমর রাজা অদোনী-ষেদকে এ কোজোলীগান্‌ গুরিনে পাদেল,

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।