মথি লেখ্যে গম্ হবর্ 8:3 - Chakma Bible

³ যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” সেক্কেনে মানুচ্চোর্ ফারাঙি পীড়েগান গম্ ওই গেলঅ।

মথি লেখ্যে গম্ হবর্ 8:3 Iomraidhean Croise

পত্থম 1:3

গোজেনে কলঅ, “পহ্‌র ওক্‌।” আর সেক্কে পহ্‌র অলঅ। তে দেগিলোদে সিয়েন জদবদে দোল্‌ ওইয়্যে। তে আন্ধারত্তুন্‌ পহ্‌রানরে ফারক্‌ গুরিনে পহ্‌রান নাঙান্‌ দিলো দিন আর আন্ধারান নাঙান্‌ দিলো রেত্‌। এধোক্কেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ পত্তম দিনোত্‌।

২ রাজাবলী 5:11

মাত্তর্‌ নামানে অমকদ রাগ গুরিনে সিয়োত্তুন্‌ আঢি গেলগোই আর কলঅ, “মুই মনে গোজ্যংগে তে হামাক্কাই নিগিলি এইনে মইদু এবঅ আর থিয়্যেইনে তার্‌ গোজেন লগেপ্রভুরে ডাগিবো আর ফারাঙিগানর্‌ উগুরে তা আঢ্‌তান্‌ বাজেইনে মর্‌ ফারাঙিগান্‌ গম্‌ গুরি দিবো।

২ রাজাবলী 5:14

সেক্কে নামানে গোজেন মানুচ্চোর্‌ কধামজিম্‌ যেইনে যর্দনত্‌ সাতপল্লা বুর্‌ দিলো। সেক্কে তা কিয়্যেগান গম্‌ অলঅ আর চিগোন্‌ গুরো কিয়্যের্‌ চামঅ ধোক্ক্যেন তা চামান্‌ দোল্‌ অলঅ।

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

যাত্রা 4:7

সেক্কে লগেপ্রভু কলঅ, “তঅ আত্‌থান আরঅ সিয়েনত্‌ রাগা।” তে সিয়েন গুরিলো। যেক্কে তে আত্‌থান নিগিলেই আনিলো সেক্কে দেগা গেলঅ তা আত্‌থান কিয়্যের্‌ অন্য চামানি ধোক্ক্যেন গম্‌ ওই যেইয়্যে।

মথি লেখ্যে গম্ হবর্ 12:13

সে পরেদি তে অবস্ আঢ্‌বলা মানুচ্চোরে কলঅ, “তঅ আঢ্‌তান বাবেই দে।” তে তার্ আঢ্‌তান্ বাবেই দিলো আর সিয়েন গম্ অলঅ, অন্য আঢ্‌তান ধোক্ক্যেন্।

মার্ক 1:41

মানুচ্চোরে যীশুর্ অমকদ চিত্ পুরিলো। তে আঢ্‌তান বাবেইনে তারে ধুরিনে কলঅ, “মুই সিয়েনই চাং, তুই গম্ অ।”

মার্ক 4:39

যীশু উদিনে বোইয়্যেরানরে ধমক্ দিলো আর সাগরানরে কলঅ, “থাম্, জুরঅ অ।” সেক্কে বৌইয়্যেরান্ থামেল আর বেক্কানি জদবদে জুরঅ ওই গেলঅ।

মার্ক 5:41

মিলেবোর্ বয়চ এলঅ বার বজর্। যীশু মিলেবো আঢ্‌তান ধুরিনে কলঅ, “টালিথা কুম্‌,” অত্তাৎ “চিজি, তরে কঙত্তে, উঠ্।” আর সেক্কেনে মিলেবো উদিনে আঢি বেড়া ধুরিলো। সেক্কে তারা অমকদ আমক্ ওই গেলাক্।

মার্ক 7:34

সে পরেদি তে আগাজ ইন্দি রিনি চেইনে ভঅ নিজেস্ ফেলেইনে মানুচ্চোরে কলঅ, “এপ্‌ফাথা,” অত্তাৎ “খুলি যাহ্।”

মার্ক 9:25

ভালোক্কুন্ মানুচ্ দাবা এত্তন্ দেগিনে যীশু সেই ভান্ন্যেই আত্মাবোরে ধমক্ দিইনে কলঅ, “ও কাল্ আর ববা আত্মাবো, মুই তরে উগুম্ দুয়োঙর্, ইবে ভিদিরেত্তুন নিগিল্; আর কনদিন্অ ইবে ভিদিরে ন-সোমেচ্।”

লূকে লেখ্যে গম্ হবর্ 4:27

ভাববাদী ইলীশায়র সময়োত্ ইস্রায়েল দেজত্ ভালোক্কুন্ ফারাঙি রুগি এলাক্, মাত্তর্ তারাত্তুন্ কনজনে গম্ ন-অন্, বানা সিরিয়া দেজর্ নামানরে গম্ গরা ওইয়্যে।”

লূকে লেখ্যে গম্ হবর্ 5:13

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” আর সেক্কেনে তে গম্ ওই গেলঅ।

লূকে লেখ্যে গম্ হবর্ 7:14

সে পরেদি যীশু কায়কুরে যেইনে পালঙান্ ধুরিলো। সেক্কে যিগুনে মরাবো বুয়োই নেযাদন্ তারা থিয়্যেলাক্। যীশু কলঅ, “ও গাবুজ্যে, মুই তরে কঙর্, উঠ্।”

যোহন 11:43

এ কধাগান্ কনার্ পরেদি যীশু জোরে ডাগিনে কলঅ, “লাসার, নিগিলি আয়।”

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 5:21

বাপ্পো যেবাবোত্যেগুরি মরাগুনোরে জিংকানি দিইনে তুলে ঠিগ্ সেবাবোত্যেগুরি পুয়োবোয়ো যিবেরে আয়োচ্ গরে তারে জিংকানি দে।