মথি লেখ্যে গম্ হবর্ 4:4 - Chakma Bible

⁴ যীশু জোবত্ কলঅ, “পবিত্র বোইয়োত্ লেগা আঘে, মানুচ্ বানা রুটিলোই ন-বাজন্, মাত্তর্ গোজেনর্ পত্তি মুয়ো কধালোই বাজন্।”

মথি লেখ্যে গম্ হবর্ 4:4 Iomraidhean Croise

দ্বি’লম্বর বিররণ 8:3

পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।

লূকে লেখ্যে গম্ হবর্ 4:4

যীশু শদানরে কলঅ, “পবিত্র বোইয়োত্ লেগা আঘে, ‘মানুচ্ বানা রুটিলোই ন-বাজন্।’ ”

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

ইফিষীয় 6:17

মাঢাগুন্ রোক্ষ্যে গুরিবাত্যে গোজেনর্ দিয়্যে উদ্ধোর্ মাঢাত্ দিইনে পবিত্র আত্মার্ ছুরি, অত্তাৎ গোজেনর্ কধানি মানি লঅ।

যাত্রা 16:15

সিয়েনি দেগিনেই ইস্রায়েলীয়গুনে একজন আরেক্‌জনরে কলাক্‌, “ইগুন্‌ কি?” ইগুন্‌ যে কি, সিয়েন্‌ তারা ন-জানিদাক্। সেক্কে মোশি তারারে কলদে, “ইগুনোই‌ সেই রুটি যিগুন্‌ লগেপ্রভু তমারে হেবাত্তে দিয়্যে।

লূকে লেখ্যে গম্ হবর্ 4:8

যীশু তারে জোব্ দিলো, “পবিত্র বোইবোত্ লেগা আঘে, ‘তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।’ ”

যাত্রা 16:35

মান্‌জে বজত্তি গরন্‌ এধোক্ক্যেন এক্কান জাগাত্‌, অত্তাত্‌ কনান দেজর্‌ দুঝিত্‌ ন-এজানা সং ইস্রায়েলীয়গুনে চোল্লিশ্‌ বজর্‌ ধুরিনে এই মান্নাগান হেইয়োন।

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

মথি লেখ্যে গম্ হবর্ 4:7

যীশু শদান্নোরে কলঅ, “আরঅ এ কধাগান্অ লেগা আঘে, তর্ প্রভু গোজেনরে তুই জগা চেবাত্তে ন-যেচ্।”

লূকে লেখ্যে গম্ হবর্ 4:12

যীশু তারে কলঅ, “পবিত্র বোইবোত্ কুয়ো ওইয়্যেদে, ‘তর্ প্রভু গোজেনরে তুই যগা চেবাত্তে ন-যেচ্।’ ”

যাত্রা 23:15

তুমি সদাছাড়া পিদের্‌ পরব্‌ পালেবা। মুই তমারে যে উগুমানি দুয়োং সেধোক্ক্যেনগুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ ইবে পালেবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চ্য। কনজনে যেনে সেক্কে সুদো আত্তোই‌ মইদু ন-এজন্‌।

মথি লেখ্যে গম্ হবর্ 15:11

মুয়ো ভিদিরে যিয়েনি যায় সিয়েনি মান্‌জ্যরে অসিজি ন-গরে, মাত্তর্ মুয়ো ভিদিরেত্তুন্ যিয়েনি নিগিলি এজে সিয়েনি মান্‌জ্যরে অসিজি গরে।”

মার্ক 7:20

যীশু আরঅ কলঅ, “মান্‌জ্য ভিদিরেত্তুন্ যিয়েনি নিগিলি এজে সিয়েনিই মান্‌জ্যরে অসিজি গরে,

যোহন 15:26

যে এজাল্ দিয়্যেবোরে মুই বাবা ইত্তুন্ তমা ইধু পাধেই দিম্, তে যেক্কে এবঅ সেক্কে তেয়ই মঅ পৌইদেনে সাক্ষি দিবো। তে অলঅ সত্যর্ আত্মা যিবে বাবাত্তুন্ এবঅ।