মথি লেখ্যে গম্ হবর্ 26:3 - Chakma Bible

^3-4 সেই সময়োত্ দাঙর্ ধর্মগুরু কাইয়াফার ঘরত্ আজল্ ধর্মগুরুগুনে আর যিহূদীগুনোর্ বুড়ো নেতাগুনে এগত্তর্ অলাক্ আর যীশুরে গোপনে ধুরি আনিনে মারে ফেলেবার্ কুজুরোমি গুরিলাক্।

মথি লেখ্যে গম্ হবর্ 26:3 Iomraidhean Croise

গীতসংহিতা 56:6

তারা এক সমারে এগত্তর্ অন্, মত্তে উত্ পাদি থান্; মরে মারে ফেলেবার সুযোগত্তে তারা মর্ আঢা-উদো গরানাত্ খিয়েল গরন্।

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

মথি লেখ্যে গম্ হবর্ 26:69

সেই অক্তত্ পিতরে বারেদি উদোনত্ বুয়োই এলঅ। এক্কো চাগরানী তাইধু এইনে কলঅ, “গালীল যীশু সমারে দঅ তুইয়ো এলে।”

মথি লেখ্যে গম্ হবর্ 27:27

সে পরেদি পীলাতর্ সৈন্যগুনে যীশুরে তা রাজঘর জাগান ইধু নেযেলাক্ আর বেক্ সৈন্যগুনোরে যীশুর্ চেরোকিত্তে থুবেলাক্।

মার্ক 14:54

পিতরে দূরোত্তুন্ যীশুর পিজে পিজে যাদে যাদে দাঙর্ ধর্মগুরুগুনো ঘর উদোনত্ সং গেলঅ। সিধু তে চুগিদারুনো লগে বজিনে আগুন পুয়ো ধুরিলো।

মার্ক 14:66

পিতরে যেক্কে তলেদি উদোনত্ এলঅ সেক্কে দাঙর্ ধর্মগুরুবোর এক্কো চাগরানী সিধু এলঅ।

মার্ক 15:16

সে পরেদি সৈন্যগুনে যীশুরে তা রাজঘর জাগান ইধু ভিদিরে নেযেলাক্ আর বেক্ সৈন্যগুনোরে ডাগিনে এগত্তর্ গুরিলাক্।

লূকে লেখ্যে গম্ হবর্ 22:55

উদোনান সংমধ্যে যিগুনে চেরোকিত্যে গুল্ গুরি বজিনে আগুন পুয়োদন্ পিতরে এইনে তারা লগে বজিলো।

লূকে লেখ্যে গম্ হবর্ 3:2

হানন আহ্ কাইয়াফা এলাক্ যিহূদীগুনোর দাঙর্ ধর্মগুরু। ঠিগ্ এ সময়োত্ গোজেনে ধূল্যেচর-চাগালাত্ সখরিয়র পুয়ো যোহন ইধু তা কধাগান্ ফগদাং গুরিলো ।

যোহন 11:57

আজল্ ধর্মগুরু আর ফরীশীগুনে উগুম্ দুয়োন্দে যে, যীশু কুধু আঘে সিয়েন্ যুনি কেঅ কোই পারে সালে তে যেন হবরান্ তারারে জানায় যাতে তারা যীশুরে ধুরি পারন্।

যোহন 18:24

সেক্কে হাননে যীশুরে বান্ন্যে অবস্থায় দাঙর্ ধর্মগুরু কাইয়াফা ইধু পাধেই দিলো।

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।