মালাখি 4:6 - Chakma Bible

⁶ তে বাব্‌‌পুনোর মনানি তারার্ ঝি-পুয়োগুনো ইন্দি আর ঝি-পুয়োগুনোর মনানি তারার্ বাব্‌‌পুনো ইন্দি ফিরেব, যেন মুই এইনে অভিশাব্ দিইনে দেজ্‌‌চানরে ভস্ত ন-গরং।”

মালাখি 4:6 Iomraidhean Croise

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 24:6

সেনত্তে এক্কান অভিশাবে পিত্‌‌‌থিমীগানরে গিলিবো; তা মানুচ্চুনে দুষি অবাক্। সেনত্তে পিত্‌থিমীর আদাম্মেগুনোরে পুড়ি ফেলা অবঅ আর খুব কম মানুচ্ বাঁজি থেবাক্।‌

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিশাইয় 65:15

মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

দানিয়েল 9:11

ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

সখরিয় 11:6

দেজ মানুচ্চুনো উগুরে মুই আর দোয়্যে ন-গুরিম; মুই পত্তিজনরে তার পাড়াল্যে আর রাজা আঢত্ তুলি দিম। তারা দেজ্‌‌চানরে ভস্ত গুরিবাক্ আর তারা আঢত্তুন্ মুই কাররে উদ্ধোর্ ন-গুরিম।”

সখরিয় 13:8

গোদা দেজ্‌‌‌‌‌‌ছানর তিন ভাগর্ দ্বিভাগ মান্‌‌‌‌‌‌জ্যরে মারে ফেলা অবঅ, মাত্তর্ মুই লগেপ্রভু কঙর্, তিন লম্বর্ ভাগ্‌‌‌‌‌‌কো সে ভিদিরে বাঁজি থেবঅ।

সখরিয় 14:12

যিদুক্কুন জাদে যিরূশালেম বিরুদ্ধে যুদ্ধো গুরিবাক্ লগেপ্রভু ভানা দিইনে তারারে আঘাত্ গুরিবো। তারা থিয়্যেই থাগদে থাগদে তারার্ কিয়্যের্ য়েরানি পুযি যেবঅ আর তারার্ চোগো গাঢ ভিদিরে চোগ্‌কুন পুযি যেবাক্ আর মুয়ো ভিদিরে জিলান্ পুযি যেবঅ।

সখরিয় 14:2

যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।

সখরিয় 5:3

তে মরে কলঅ, “ইয়েন অলঅ সেই অভিশাব্‌পান্ যিয়েন বেক্ দেজ্‌‌‌‌‌চানিত্ ফগদাং অবঅ। তার এক কিত্তেদি লেগা মজিম্ বেক্ চুরুনোরে দূর্ গুরি দিয়্যে অবঅ আর অন্য কিত্তেদি কধা মজিম মিজে শমক্ হেইয়্যেগুনোরেয়ো দূর্ গুরি দিয়্যে অবঅ।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

মার্ক 11:21

যীশুর্ কধাগান ইদোত্ তুলিনে পিতরে যীশুরে কলঅ, “মাষ্টরবাবু, চাহ্, যে ডোমোর্ গাজ্‌চোরে তুই অভিশাব্ দুয়োচ্ সিবে শুগেই যেইয়্যে।”

লূকে লেখ্যে গম্ হবর্ 1:76

পুয়োবো মর্, তরে দাঙর্ গোজেনর্ ভাববাদী কুয়ো অবঅ, কিয়া তুই তা পথ্‌তান্ ঠিগ্ গুরিবাত্তে তা আগে আগে আঢিবে।

ইব্রীয় 6:8

মাত্তর্ যে মাদিগানে কাদা-ঝুপ্ আর কাদা লেঙেরা জর্মায় সেই মাদিগান য়েলাফেলা ওই যায় আর সিয়েনত্ অভিশাব্ পড়িবার্ দর্ থায়। যেরেদি মান্‌জ্যে সিয়েন পুড়ি ফেলান্।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।

ফগদাং পেইয়্যে 22:3

গোজেনর্ আর ভেড়া-ছবোর্ সিংহাসন সেই শঅরত্ থেবঅ আর তার্ চাগরুনে তারে সেবা গুরিবাক্।