মালাখি 4:3 - Chakma Bible

³ সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

মালাখি 4:3 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

২ শমূয়েল 22:39

মুই তারারে শেজ্‌ গোজ্যং, তারারে নিগুজ্ গোজ্যং, যেনে তারা আর উদি ন-পারন্‌; তারা মঅ টেঙত্‌ তলে পোজ্যন্‌।

২ শমূয়েল 22:43

পিত্তিমীর্ ধূল্যে ধোক্ক্যেন্ তারারে গুড়ি গোজ্যং; পধর্ মাদি-ফুদো ধোক্ক্যেন্‌ টেঙগোই মাড়িনে মুই তারারে নিগুজ্ গোজ্যং।

ইয়োব 40:12

বেক্ বাড়্‌‌বো মানুচ্চুনোরে তর্ চোগো ইজিরেলোই তলেদি লামা; শদানুনে যিয়েনত্ আগন্ সিয়েনদই তারারে গুড়ি গর্।

গীতসংহিতা 147:6

লগেপ্রভু নম্র মানুচ্চুনোরে ধুরি রাগায়, মাত্তর্ পাজি মানুচ্চুনোরে মাদিত্ ফেলেই দে।

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

গীতসংহিতা 91:13

তুই সিংহ আর আজাব সাব উগুরেন্দি আঢি যেবে, দামারা সিংহ আর সাপ্‌পোরে টেঙোই দুলি পারিবে।

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 26:6

অত্যেচার্ ওইয়্যে আর নাঢা মানুচ্চুনে সিয়েনি টেঙোই মাড়ন্।

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

যিহিষ্কেল 28:18

তর্ বোউত্ পাপ আর ভান্ন্যেই বেবসালোই তুই নিজোর্ উবোসনার জাগায়ানি অসিজি গোজ্যস্। ইয়েনত্তে মুই তঅ ভিদিরে আগুন বাজেই দিলুং আর সিয়েনে তরে পুড়ি ফেলেল; যিগুনে দেখ্যন তারার্ বেক্কুনো চোগো মুজুঙোত্ মুই তরে মাদি উগুরে ছেই গুরি দিলুং।

দানিয়েল 7:18

মাত্তর্ শেজদি দাঙর্ গোজেনর মানুচ্চুনে শাজন্‌ পেইনে উমরত্যে, অয়, উমরত্যে রাজাগিরি গুরিবাক্।

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

মালাখি 3:17

তারা পৌইদ্যেনে বেগত্তুন্ খেমতাবলা লগেপ্রভু কত্তে, “মর্ ঠিগ্ গোজ্যে দিনোত্ তারা মর্ নিজোর্ বিশেজ্ সোম্বোত্তি অবাক্; তারা মরই অবাক্। এক্কো মানুচ্ যেবাবোত্যেগুরি তার্ সেবাগুরিয়্যে পুয়োবোরে মেয়্যে গুরিনে সাজাত্তুন্ রেহাই দে সেবাবোত্যেগুরি মুই তারারে রেহাই দিম্।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 14:20

শঅরর্ বারেদি আঙ্গুর মাড়িবার গাঢত্ সেই আঙ্গুরুন মাড়ানা অলে পরেদি সিগুনোত্তুন্ লো নিগিলি এলঅ আর ঘোড়াগুনোর জিম্ সোরেয়্যে সং উদিলো। সেক্কে প্রায় তিনশ কিলোমিটার সং বেক্‌ জাগানি লো-লোই ভুরি গেলঅ।