মালাখি 3:3 - Chakma Bible

³ যে মানুচ্চো রূবো গোলেইনে খাটি গরে তে তা ধোক্ক্যেন ওইনে বুঝিবো। তে লেবীয়গুনোরে সিজি গুরিবো আর সোনা আহ্ রূবো ধোক্ক্যেন গুরি তারারে খাটি গুরিবো। সে পরেদি তারা গম্ মনোভাব্‌পোই লগেপ্রভুর নাঙে উৎসর্বর অনুষ্ঠান গুরিবাক্।

মালাখি 3:3 Iomraidhean Croise

গীতসংহিতা 116:17

মুই তর্ নাঙে ভালেদি জানেবার-উৎসর্গর্ অনুষ্ঠান গুরিম আর তর্ বাঈনী গরানা ফগদাং গুরিম।

গীতসংহিতা 4:5

যগাজ্যে মনভাব্‌পোই তুমি উৎসর্বর অনুষ্ঠানানি গরঅ, আর লগেপ্রভু উগুরে নির্ভর গরঅ।

গীতসংহিতা 4:6

ভালোক্জনে কন্, “কন্না আমারে ভালেদি গুরি পারে?” ও লগেপ্রভু, তর্ দোয়্যের্ চোগেদি রিনি চানাগান পহ্‌র ধোক্ক্যেন্ গুরি আমা উগুরে পোড়োক্।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গীতসংহিতা 51:19

সালে যগাজ্যে মনভাব্‌পোই গোজ্যে উৎসর্বর অনুষ্ঠানত্, পুজ্যে-উৎসর্ব আর শেজন্দি পুজ্যে-উৎসর্বত্ তুই হুজি অবে, আর তর্ পুজোবো উগুরে মান্‌জ্যে বলদ্ গোরু উৎসর্ব গুরিবাক্।

গীতসংহিতা 66:10

ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

গম্ উপদেজ্ 25:4

রূবোত্তুন্ আজলান্ নিগিলেই ফেল, সালে বান্যেবো সিয়েনিলোই দোল্ জিনিস বানেই পারিবো।

যিশাইয় 1:25

মুই তঅ বিরুদ্ধে মঅ আঢ্‌তানি তুলিম্। ধাতু ধোক্ক্যেন গুরি মুই ক্ষার্‌লোই তঅ খাদ্‌তান নিগিলেম আর তর্ বেক ভেজালানি দূর্ গুরি দিম্।

যিশাইয় 48:10

চঅ, মুই তমারে আগুনোত্ ফেলেয়োং, মাত্তর্ তুমি রূবো ধোক্ক্যেন আজল্ ওইনে ন-নিগিলো; দুঘোর্ চুলোত্ মুই তমারে যগা চেইয়োং।

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যিরমিয় 9:7

সেনত্তে বেগত্তুন খেমতাবলা লগেপ্রভু কোইয়্যেদে, “চঅ, মুই তারার তুদোগান নিগিলেনে পোরোক্কে গুরিম, কিত্তে মঅ মানুচ্চুনোরে নিইনে মুই আর কি গুরি পারিম?

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

দানিয়েল 11:35

যিগুনোর বুঝিবার খেমতা আঘে তারা ভিদিরে কারর্ কারর্ পতন অবঅ। ইয়েনর কারনে শেজ্ সময় ন-এযানা সং গোজেনর মানুচ্চুনোরে খাটি, শুদ্ধো আর থুদো নেইয়্যে গরা অবঅ; আর সেই শেজ্ সময়ান ঠিগ্ গরা আঘে।

দানিয়েল 12:10

ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

গণাণা 8:6

তুই অন্য ইস্রায়েলীয়গুনো ভিদিরেত্তুন্‌ লেবীয়গুনোরে নিগিলেই নেযেইনে তারারে শুদ্ধো-সাংগ গর্‌।

লূকে লেখ্যে গম্ হবর্ 3:16

এমন্ সময়োত্ যোহনে তারারে বেক্কুনোরে কলঅ, “মুই তমারে পানিত্ বাপ্তিষ্ম দুয়োঙর্, মাত্তর্ যিবে মত্তুন্ বেশ্ খেমতাবলা তে এজের্। মুই তার্ জদার্ ফিতেগানি খুলিবার্‌অ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

২ তীমথিয় 4:6

মরে ইক্কিনে উৎসর্ব ইজেবে ঢালি দিয়্যে অর্; মর্ মরণর্ সময় এচ্চ্যে।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 12:10

আমা জগদ বাব্‌পুনে যিয়েন গম্ মনে গুরিদাক্ সেধোক্ক্যেনগুরি আমারে শাসন গোজ্জ্যন্, আর সিয়েন কয়েক্ দিনোত্যে; মাত্তর্ আমা ভালেদিত্যে গোজেনে আমারে শাসন গরে যেন আমি তার্ পবিত্রতাগান পেই।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”