মালাখি 3:12 - Chakma Bible

¹² সেক্কে বেক্ জাদ্‌‌‌‌‌তুনে তরে বর্ দিবাক্, কিত্যেই তমা দেজ্‌‌‌‌‌চান অবঅ হুজির্ দেশ। মুই বেগত্তুন্ খেমতাবলা লগেপ্রভু কঙর্।”

মালাখি 3:12 Iomraidhean Croise

২ বংশধর 32:23

ভালোক্‌জনে যিরূশালেমত্‌ লগেপ্রভুর নাঙে বক্‌শিজ্‌ আনিলাক্‌ আর যিহূদার রাজা হিষ্কিয়োত্তে মংগা বক্‌শিজ্‌ আনিলাক্‌। সেক্কেনে সে অক্তত্তুন্‌ ধুরিনে বেক্‌ জাদর্‌ মানুচ্চুনে তারে ভারী সর্মান গরা ধুরিলাক্‌।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 62:4

তারা আর্ তরে “ফেলেই যেইয়্যে” ন-কবাক্ বা তঅ দেজ নাঙান “মানুচ্ নেইয়্যে” ন-কবাক্, বরং তরে “মর্ কোচ্‌পেইয়্যে মিলেবো” কুয়ো অবঅ আর তঅ দেজ্‌চানরে “গাবুজ্যে নয়” বিলিনে কুয়ো অবঅ, কিত্তে লগেপ্রভু তরে নিইনে হুজি অবঅ আর তঅ দেজ্‌‌‌চানর মেলা অবঅ।‍‍

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

দানিয়েল 11:41

তে দোল্ দেজ্‌‌‌‌চান আক্রমণ গুরিবো। ভালোক্কানি দেজ্ উদি যেবঅ, মাত্তর্ পুরো ইদোম্ আর মোয়াব আহ্ অম্মোনর বেগত্তুন্ গম মানুচ্চুনে তা আঢত্তুন্ উদ্ধোর পেবাক্।

দানিয়েল 8:9

সেই শিঙুনোত্ এক্কোত্তুন্ আর এক্কো শিং উদিলাক্; সিগুন পৌইল্যাদি চিগোন এলাক্ মাত্তর্ পরেদি দোগিণ, পূগ আর দোল্ দেজ ইন্দি দাঙর্ উয়ো ধুরিলাক্।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

মালাখি 3:13

লগেপ্রভু আরঅ কত্তে, “তুমি মঅ বিরুদ্ধে দর দর কধা কোইয়ো, মাত্তর্ তুমি কত্তে, ‘তঅ বিরুদ্ধে আমি কি কোইয়্যেই?’

লূকে লেখ্যে গম্ হবর্ 1:48

কিয়া তার্ এ সামান্য চাগরানীবো ইন্দি তে মনযোগ্ দিয়্যে। ইক্কেত্তুন্ ধুরি বেক্ মানুচ্চুনে মরে বর্‌পেইয়্যে কবাক্,

দ্বি’লম্বর বিররণ 11:12

সে দেজছানর্‌ দেগাশুনো তমার গোজেন লগেপ্রভুই গরে। বজরর্‌ আরাম্ভত্তুন্‌ ধুরি যেরেন্দি সং আমিঝে তার্‌ চোখ্‌কুন্‌ সে দেজ উগুরে রোইয়্যে।