মালাখি 2:8 - Chakma Bible

⁸ মাত্তর্ তুমি ঠিগ্ পধত্তুন্ সুরি যেইয়ো আর তমা শিক্ষ্যেলোই বোউত্ মান্‌‌‌‌‌জ্যরে উজোত্ হাবেয়ো। এবাবোত্যেগুরি লেবির বংশত্তে থিদেবর্ গোজ্যে সুদোমান্ তুমি বাদ দুয়ো। মুই বেগত্তুন্ খেমতাবলা লগেপ্রভু কঙর্।

মালাখি 2:8 Iomraidhean Croise

২ রাজাবলী 16:11

দামেস্কত্তুন্‌ রাজা আহসর পাদেয়্যে বেক্‌ সল্লাগানি ধোক্ক্যেন ধর্মগুরু ঊরিয় এক্কো ডালিপূজো বানেল আর রাজা আহসে ফিরি এজানার্‌ আগেন্দি সিয়েন্‌ থুম্‌ গুরিলো।

নহিমিয় 13:29

ও মর্‌ গোজেন, ইগুনোর্‌ কধানি মনত্‌ রাগেচ্‌, কিত্যে ইগুনে ধর্মগুরুগুনোর্‌ পোজিশনানি অপবিত্র গোজ্যন্‌ আর ধর্মগুরু আর লেবীয়গুনোর্‌ কামর্‌ চুক্তিবো ভাঙোন্‌।

গীতসংহিতা 119:102

তর্ সুদোমর পথ্‌তানত্তুন্ মুই সোরেই ন-যাং, কিত্তে তুই নিজেই মরে শিগেই দুয়োচ্।

গীতসংহিতা 18:21

কিয়া লগেপ্রভুর পধেদি মুই আঢাউদো গোজ্যং; ভান্ন্যেই কাম গুরিনে মঅ গোজেনর্ কায়-কুরেত্তুন সুরি ন-যাং।

গম্ উপদেজ্ 12:8

মান্‌জ্যে যেবাবোত্যেগুরি বুদ্ধি খাদান্ সেই মজিম্ নাঙ্ গিনেনাগান্ পান, মাত্তর্ কুজুরো মন মানুচ্চুনোরে ঈচ্ গরা অয়।

যিশাইয় 30:11

পথ্‌তান ছাড়, পথ্‌‌‌তানত্তুন্ সুরি যঅ। আমি আর্ ইস্রায়েলর সেই পবিত্র মানুচ্চোর কধা শুনিবাত্তে ন-চেই।”

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

যিহিষ্কেল 44:10

ইস্রায়েলীয়গুনে যেক্কে ভান্ন্যেই পধেদি যেইয়োন সেক্কে তারা লগে যে লেবীয়গুনে মরে ছাড়িনে তারার্ মূত্তিগুনো পিজেদি ঘুরি বেড়েইনে মত্তুন্ দূরোত্ সুরি যেইয়োন তারার্ পাপর্ ফল তারাত্তুন্ ভুগো পড়িবো। ‌

যিহিষ্কেল 44:12

মাত্তর্ তারা মূত্তিগুনো মুজুঙোত্ মানুচ্চুনোরে সেবা গোজ্যন্ আর ইস্রায়েল জাদরে পাপত্ ফেল্যন, সেনত্তে মুই প্রভু লগেপ্রভু শমক্ গোজ্যং, তারার্ পাপর্ ফল তারাত্তুন ভুগো পড়িবো।

যিহিষ্কেল 44:7

তমা অন্য জঘন্য আচার-বেবহার লগে তুমি মইধু হানা, তেল্ আর লো উৎসর্ব গুরিবার অক্তত্ মনেদি আর কিয়্যেদি সুন্নত-ন-গোজ্যে বিদেশীগুনোরে মঅ ঘরত্ আনিনে মঅ ঘরান্ অসিজি গোজ্য আর তারার কাম ভিদিরেদি তুমি মর্ সুদোমান বাতিল গোজ্য।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

লেবীয় 21:15

যেনে তে পুরো বংশর্‌ ভিদিরে তার্‌ নিজোর্‌ ঝি-পূঅগুনোরে যুদো গোজ্যে অবস্থাত্তুন্‌ সাধারন অবস্থাত্‌ লামেই ন-আনে। মুই লগেপ্রভু, মুয়ই দাঙর্‌ ধর্মগুরুগুনোরে মর্‌ নাঙে যুদো গুরি রাগেয়োং।”

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

মালাখি 2:5

তারাত্তে মুই যে সুদোমান থিদেবর্ গোজ্যং সিয়েন অলঅ জিংকানি আর ভালেদির্ সুদোম। এ সুদোমান মুই তারারে দুয়োং। এনেবাদে ইয়েন দর্‌গরেপারা সুদোম ধোক্ক্যেন, যেন তারা মরে ভোক্তিগুরিনে দরান্; ঘেচ্চেকগুরি তারা আমারে ভোক্তিগুরিনে দোরেদাক্।

গণাণা 25:12

সেনত্তে তুই তারে কোইদে, মুই তাত্তে এক্কান্‌ গম্‌ সুদোম্‌ থিদেবর্ গোজ্যং।

গণাণা 25:13

তে তার্‌ গোজেনর্ পাওনা ভোক্তিগান পৌইদ্যেনে আওজী ওইনে ইস্রায়েলীয়গুনোর পাপ্পানি নাঢি দিবার্‌ কামান গোজ্যে বিলি মুই তাত্তে এধোক্ক্যেন সুদোম থিদেবর্ গোজ্যং যেনে ধর্মগুরুবোর্ পদ্‌তান্‌ তার্‌ আর তার্‌ বংশধরুনো ভিদিরে উমরত্যে ধুরি থায়।”

রোমীয় 14:21

য়েরা হানা, আঙ্গুর রচ্‌ হানা বা এমন্‌ কিজু গরানা উজিত্ নয় যেনে তর্ কনঅ ভেই মনত্ সিয়োংচমা ন-অয়।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

১ শমূয়েল 2:17

লগেপ্রভুর চোগোত্‌ সেই গাবুজ্যে ধর্মগুরুগুনোর্ পাপ্পানি অমহদ ওইনে দেগা দিলো, কিত্যে তারা লগেপ্রভুর নাঙে এই বেক্‌ উৎসর্বর জিনিসছানি ঈচ্ গুরিদাক্।

১ শমূয়েল 2:24

নাদে, নাদে, মর্‌ পূঅগুন, লগেপ্রভুর মানুচ্চুনোর যেদক্কানি কধা কুয়ো কি গত্‌‌তে শূন্যং সিয়েনি গম্‌ নয়।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।