মালাখি 2:6 - Chakma Bible

⁶ তারা মুজুঙোত্ সত্যর্ শিক্ষ্যে এলঅ আর সিয়েনত্ কনঅ মিজে ন-থেদঅ। সুগে শান্দিয়্যে আর গমেডালে তারা মঅ সমারে আদাউদো গুরিদাক্ আর ভালোক্ জনরে পাপত্তুন্ ফিরেদাক্।

মালাখি 2:6 Iomraidhean Croise

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

গীতসংহিতা 119:142

তর্ ধার্মিকতাগান্ উমরত্তে থিদেবর্ গোজ্যে, আর তর্ বেক উগুমানি সত্য।

গীতসংহিতা 119:151

মাত্তর্ ও লগেপ্রভু, তুই দঅ কায়কুরে আগচ্, আর তর্ বেক উগুমানি সত্য।

গীতসংহিতা 37:30

গোজেন ভক্তগুনোর্ মুয়োনিয়ে জ্ঞানর কধা ফগদাং গরে; তারার্ জিলানিয়ে ন্যায়বিচেরর্ কধা কয়।

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

গম্ উপদেজ্ 5:2

সেক্কে তুই গম্-ভান্ন্যেই বুঝিবার খেমতাগান রোক্ষ্যে গুরি পারিবে, আর তঅ মুয়োনত্তুন্ জ্ঞানর কধা বার্ অবঅ।

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

দানিয়েল 12:3

যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্‌‌‌‌‌র আর জ্বোল্‌‌‌‌‌জোল্যে তারা ধোক্ক্যেন উমরত্যে জ্বোল্‌‌‌‌‌জোল্যে থেবাক্।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

মার্ক 12:14

তারা যীশু ইধু এইনে কলাক্, “গুরু, আমি হবর্ পেই তুই এক্কো গম্ মানুচ্। মান্‌‌জ্যে কি মনে গুরিবাক্ ন-গুরিবাক্, সিয়েনিলোই তর্ কি অয়, কিয়া তুই কারঅ মুয়োন্ চেইনে কিচ্চু ন-গরচ্। তুই সত্যগুরিনে গোজেনর পথ্‌তান পৌইদ্যেনে শিক্ষ্যে দি থাচ্। ইক্কিনে তুই কঅ, মোশির সুদোম মজিম্ রোম-সম্রাটরে কি খাজানা দেনা উচিত?

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 20:21

সেনত্তে তারা তারে কলাক্, “মাষ্টরবাবু, আমি হবর্ পেই, তুই যিয়েনি কচ্ আর শিক্ষ্যে দুয়োচ্ সিয়েনি ঠিগ্। তুই বেক্কুনোরে সং চোগেদি দেগচ্ আর সত্য গুরিনে গোজেনর্ পধ পৌইদ্যেনে শিক্ষ্যে দি থাচ্।

দ্বি’লম্বর বিররণ 33:10

তর্‌ উগুমানি তে যাকোবরে শিগায়, আর রীদি-সুদোমানি শিগায় ইস্রায়েলরে। তে তমা মুজুঙোত্‌ আগর্‌বাট্টি জ্বালায়, তর্‌ ডালি ঘর উগুরে পুজ্যে-উৎসর্ব গরে।

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

ফগদাং পেইয়্যে 14:5

তারা কনদিনঅ মিজে কধা ন-কন্; আর তারা ভিদিরে কনঅ দুষ্ পাহ্ ন-যায়।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।