মালাখি 2:4 - Chakma Bible

⁴ বেগত্তুন্ খেমতাবলা লগেপ্রভু আরঅ কত্তে, “তুমি হবর্ পেয়ো, মুই তমা ইধু এই উজিয়ার কধাগান পাদেয়োং যেনে লেবির বংশত্তে থিদেবর্ গোজ্যে মর্ সুদোমান চালু থায়।

মালাখি 2:4 Iomraidhean Croise

১ রাজাবলী 22:25

জোবত্‌ মীখায় কলঅ, “তুই সেদিন্যে সিয়েন্‌ হবর্ পেবে যেদিন্যে তুই নিজোরে লুগেবাত্তে ভিদিরে ঘরত্‌ যেইনে সুমিবে।”

নহিমিয় 13:29

ও মর্‌ গোজেন, ইগুনোর্‌ কধানি মনত্‌ রাগেচ্‌, কিত্যে ইগুনে ধর্মগুরুগুনোর্‌ পোজিশনানি অপবিত্র গোজ্যন্‌ আর ধর্মগুরু আর লেবীয়গুনোর্‌ কামর্‌ চুক্তিবো ভাঙোন্‌।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 27:9

ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিরমিয় 28:9

মাত্তর্ যে ভাববাদীবো শান্তির আগাম্‌‍কধা কোইয়্যে তা কধানি যেক্কে পুরোণ অবঅ বানা সেক্কে জানা যেবদে, তারে ঘেচ্চেকগুরি লগেপ্রভু পাদেয়্যে।”

যিহিষ্কেল 33:33

“যেক্কে ইয়েনি বেক্কানি ঘেচ্চেকগুরি ঘুদিবো, আর সিয়েনি ঘেচ্চেকগুরি ঘুদিবো, সেক্কে তারা হবর্ পেবাক যে, তারা ভিদিরে এক্কো ভাববাদী এলঅ।”

যিহিষ্কেল 38:23

এবাবোত্যেগুরি ভালোক্ জাদ চোগো মুজুঙোত্ মুই নিজোরে ফগদাং গুরিম; মুই যে মহৎ আর পবিত্র সিয়েন দেগেম; সেক্কে তারা হবর্ পেবাক্, মুয়ই লগেপ্রভু।

যিহিষ্কেল 44:7

তমা অন্য জঘন্য আচার-বেবহার লগে তুমি মইধু হানা, তেল্ আর লো উৎসর্ব গুরিবার অক্তত্ মনেদি আর কিয়্যেদি সুন্নত-ন-গোজ্যে বিদেশীগুনোরে মঅ ঘরত্ আনিনে মঅ ঘরান্ অসিজি গোজ্য আর তারার কাম ভিদিরেদি তুমি মর্ সুদোমান বাতিল গোজ্য।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

গণাণা 18:2

তুই তর্‌ পুরোণি মানুচ্চুনোর্ গুট্টিত্তুন্‌ অন্য বেক্‌ লেবীয়গুনোরে লোই আন্‌, যেনে তমা সমারে মিজেইনে তারা সাক্ষ্য-তাম্বুলো মুজুঙোত্‌ সেবা কামত্‌ তরে আর তর্‌ পূঅগুনোরে সাহায্য গুরি পারন।

গণাণা 18:21

“ইস্রায়েলীয়গুনে তারার্‌ আয়র্‌ যে দশ ভাগর এক ভাগ মরে দিবাক সিগুন্‌ মুই পাওনা ইজেবে লেবীয়গুনোরে দিলুং। মিলন-তাম্বুলোর সেবা কামর্‌ বদলে তারা সিয়েনি পেবাক।

গণাণা 25:12

সেনত্তে তুই তারে কোইদে, মুই তাত্তে এক্কান্‌ গম্‌ সুদোম্‌ থিদেবর্ গোজ্যং।

গণাণা 3:11

লগেপ্রভু মোশিরে আরঅ‌ কলঅ,

গণাণা 3:12

“ইস্রায়েলীয় মিলেমানুচ্চুনোর্‌ পত্তম পূঅবোর জাগানত্‌ মুই ইস্রায়েলীয়গুনো ভিদিরেত্তুন্‌ লেবীয়গুনোরে নেযেয়োং। লেবীয়োগুন মর্‌,

গণাণা 3:45

“তুই ইস্রায়েলীয়গুনোর্‌ বেক্‌ পত্তম মরদ্‌ পূঅগুনো জাগানত্‌ লেবীয়গুনোর্‌ আর ইস্রায়েলীয়গুনোর্‌ য়েমানর পত্তম ছঅবো জাগানত্‌ লেবীয়গুনোর্‌ য়েমানর ছঅবো ধুরি নেযেবে। লেবীয়োগুনে ‌অবাক্‌ মর্‌; মুই লগেপ্রভু।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

লূকে লেখ্যে গম্ হবর্ 10:11

তমা আদামর্ যে ধূল্যেগানি আমা টেঙত্ বাস্যে সিয়েনিয়ো আমি তমা বিরুদ্ধে ঝাড়ি ফেলেলং। তো তুমি জানি রাগেয়ো, গোজেন রেজ্যগান্ কায়-কুরে লুম্মেগি।

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।