মালাখি 2:11 - Chakma Bible

¹¹ যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।

মালাখি 2:11 Iomraidhean Croise

ইষ্রা 10:2

সেক্কে এলমর এক্কো বংশধর যিহীয়েলর পুয়ো শখনিয় ইষ্রারে কলঅ, “আমা দেজত্ বজত্তিগুরিয়্যে অন্য জাদর্ মিলেগুনোরে লোইনে আমি আমা গোজেন ইধু অবিশ্বেজি ওইয়্যেই; মাত্তর্ সিয়েন অলেয়ো ইস্রায়েলীয়গুনোর্ ইক্কিনিয়ো আশা আঘে।

ইষ্রা 9:12

সেনত্যেই তমা ঝিগুনোরে তারার্ পুয়োগুনো সমারে বৌ ন দুয়ো বা তমা পুয়োগুনোত্যে তারার্ ঝিগুনোরে ন নেযেয়ো আর কনদিন্অ তারার্ মংগল বা ভালেদির্ চেট্ট্যা ন-গোজ্য। ইয়েন্দোই তুমি বোলী অবা আর ভূইয়োর্ গম গম জিনিস হেই পারিবা আর উমরর্ অধিকার ইজেবে দেজ্‌‌চান্ তমার্ পুয়ো-ঝিগুনোত্যে থোই যেই পারিবে।

গীতসংহিতা 106:28

তারা পিয়োর মুড়োবোত্ বাল দেবেদা পুজোত্ যেইয়োন্ আর মরা মানুচ্চুনোর নাঙে উৎসর্ব গোজ্যে য়েরা হেলাক্।

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

যিরমিয় 3:10

ইয়েনি অলেয়ো ইস্রায়েলর অবিশ্বেজি বোন যিহূদা বেক্ মনান্দোই নয় মাত্তর্ বানা ভান্ গুরিনে মইধু ফিরি এচ্চ্যে। মুই লগেপ্রভু এ কধাগান কঙর্।”

যিরমিয় 7:10

সে পরেদি এইনে তুমি মঅ ঘরত্ মঅ মুজুঙোত্ এইনে থিয়্যেইনে কঅ, তুমি গমে আগঅ। তুমি সিয়েনি গরঅ যেনে তুমি সেই জঘন্য কামানি গুরি যেই পারঅ।

যিহিষ্কেল 18:13

তে সুদি টেঙা উদোর্ দে আর বেশ্ সুদ নেযায়। সেই পুয়োবো কি বাঁজিবো? তে ন-বাঁজিবো। এই বেক্ জঘন্য কামানি গোজ্যে বিলিনে তে মুরিবোদে মুরিবো। তে তার মরণত্তে নিজেই দায়ী অবঅ।

যিহিষ্কেল 22:11

পাড়াল্যে মিলে সমারে, পুদোবো সমারে আর নিজো সাদাঙা বোন সমারে বেভিচের্ গরন।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

লেবীয় 20:26

মুই লগেপ্রভু পবিত্র বিলি তমাত্তুনো পবিত্র ওয়া পুরিবো; আর মুয়ই তমারে মর্‌ নিজোর্‌ মানুচ্‌ অবাত্তে অন্য বেক্‌ জাদত্তুন্‌ ফারগ্ গুরি নেযেয়োং।

মালাখি 1:1

মালাখিরে দিইনে ইস্রায়েল ইধু লগেপ্রভুর কধানি।

দ্বি’লম্বর বিররণ 14:2

তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

বিচের গুরিয়্যেগুন 3:6

তারা তারার্‌ মিলেগুনোরে লদাক্‌ আর নিজো ঝিগুনোরে তারার্‌ পূঅগুনো সমারে বৌ-দিদাক্‌ আহ্‌ তারার্‌ দেব-দেবেদাগুনোরে পূজো গুরিদাক্‌।