মালাখি 1:8 - Chakma Bible

⁸ য়েমান্-উৎসর্বর অনুষ্ঠানত্তে যেক্কে চোগ্ নেইয়্যে য়েমান্ আনঅ সেক্কে সিয়েন কি অন্যেয় নয়? যেক্কে তুমি লেং আদুড়্ আর পীড়ে ধোজ্যে য়েমান্দোই উৎসর্বর অনুষ্ঠান গরঅ, সেক্কে কি সিয়েন অন্যেয় নয়? তমা শাজন্‌গুরিয়্যেবো ইধু সিগুন উৎসর্ব গুরিলে তে কি তমা উগুরে হুজি অবঅ? তে কি তমারে গুজি লবঅ? মুই বেগত্তুন্ খেমতাবলা লগেপ্রভু তমারে পুযোর্ গরঙর্।”

মালাখি 1:8 Iomraidhean Croise

ইয়োব 42:8

সেনত্তে ইক্কিনে সাত্তো বলদ আর সাত্তো ভেড়া লোইনে মর্ চাগর্ ইয়োব ইদু যাহ্ আর নিজোত্তে পূজ্যে-উৎসর্বর অনুষ্ঠানান গর্। মর্ চাগর ইয়োবে তমাত্তে তবনা গুরিবো আর মুই সিয়েন মানি লোম, তমার্ বেদমা কাম মজিম্ ফল ন-দিম। মর্ চাগর ইয়োবে যেধোক্ক্যেন মঅ পৌইদ্যেনে ঠিগ্ কধা কোইয়্যে তুমি সেধোক্ক্যেন ন-কঅ।”

গীতসংহিতা 20:3

তর্ বেক্ উৎসর্বর কধানি তার্ মনত্ থোক্, তর্ পুজ্যে-উৎসর্বগুন তে গুজিই লোক্।

যিরমিয় 14:10

এ মানুচ্চুনে পৌইদ্যেনে লগেপ্রভু কোইয়্যেদে, “তারা ঘুরি বেড়াদে গম্‌‌‌‍‍পান; তারা তারার টেঙানি ন-থামান্। সেনত্তে মুই তারারে গুজি ন-লং; মুই এবেরা তারার পাজিগানির পৌইদ্যেনে ইদোত্ তুলিম আর পাপত্তে সাজা দিম্।”

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

মালাখি 1:7

মর্ ডালি পূজোবো উগুরে তুমি অসিজি হানা রাগেইনে মরে ঈচ্ গোজ্য। মাত্তর্ তুমি কত্তে, ‘সিয়েন্দোই কি তুই অসিজি ওইয়োচ্?’ তুমি যেক্কে কঅ, ‘লগেপ্রভুর টেবিলান ঈচ্ গরে পারা,’ সেক্কে দঅ তুমি মরে অসিজি কোইয়ো।

দ্বি’লম্বর বিররণ 15:21

মাত্তর্‌ সে য়েমানুনোর কনবোর্‌ যুনি কনঅ থুদো থায়, অত্তাৎ যুনি সিবে লেং বা কান্‌ অয় বা তার কিয়্যেত্‌ আর কনঅ দাঙর্‌ বাবোত্যে দুষ থায়, সালে সিবে তমা গোজেন লগেপ্রভুর নাঙে উৎসর্ব ন-গুরিবা।