মালাখি 1:4 - Chakma Bible

⁴ ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

মালাখি 1:4 Iomraidhean Croise

ইয়োব 12:14

তে ভাঙিলে আর সিয়েন্‌ বানা ন-যায়; তে কাররে জেলোত্‌ আক্‌সোই রাগেলে ছড়ান্‌ দিয়্যে ন-যায়।

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

ইয়োব 9:4

তা জ্ঞানান্‌ গভীন্‌, তা বলান্‌ অমকদ; কন্না তা বিরুদ্ধে থিয়্যেইনে রোক্ষ্যে পেইয়্যে?

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

গীতসংহিতা 137:7

ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 10:4

তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 34:10

দিনে রেদে কনদিন্অ সিয়েন ন-মুড়িবো; জিংকানিবর্ সিয়েনত্তুন্ ধূমো উদিবো। বংশর পর বংশ ধুরিনে সিয়েন খালি ওই পড়ি থেবঅ; কনজনে সিয়েন ভিদিরেদি আর্ কনদিন্অ ন-যেবাক্।

যিশাইয় 34:5

মঅ তলোয়ারান্ স্বর্গত্ পুরোপুরি গুরি যুক্কোল্; চঅ; বিচেরত্তে সিয়েন ইদোম উগুরে, অত্তাৎ যে মানুচ্চুনোরে মুই ভস্তর্ অভিশাব তলেদি রাগেয়োং তারা উগুরে লামি এজের্।

যিরমিয় 31:17

সেনত্তে তর্ ভবিচ্চদত্তে আজা আঘে। তর্ ঝি-পুয়োগুনে নিজো দেজত্ ফিরি এবাক্। মুই লগেপ্রভু এ কধাগান কঙর্।

যিরমিয় 49:20

সেনত্তে ইদোম বিরুদ্ধে লগেপ্রভু কি পরিকল্পনা গোজ্যে, তৈমন আদাম্মেগুনো বিরুদ্ধে তে কি ঠিগ্ গোজ্যে সিয়েন শুনো-পালর ছঅগুনোরে টানি নেযা অবঅ; তারার কামানিত্তে তারার চোড়েয়্যে জাগায়ানি তে এক্কুবারে ভস্ত গুরি দিবো।

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিরমিয় 49:8

ও দদানর আদাম্মেগুন, তুমি পিজেদি ফিরিনে ধেই যঅ, গুমুরো জাগানত্ যেইনে পৌল্যেই থাগঅ, কিত্তে এষৌরে সাজা দিবার অক্তত্ মুই তা উগুরে দযা আনিম।

যিরমিয় 5:17

তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

যিহিষ্কেল 11:10

তুমি যুদ্ধোত্ মুরিবে; ইস্রায়েলর দুযিত্ মুই তমারে বেক্কুনোরে সাজা দিম্। সেক্কে তুমি হবর্ পেবাদে, মুয়ই লগেপ্রভু।

যিহিষ্কেল 25:13

সেনত্তে মুই প্রভু লগেপ্রভু কঙর্, ইদোম বিরুদ্ধে মুই মঅ আঢ্‌‌‌‌‌‌তানি বাড়েম আর সিদুগোর্ বেক মানুচ্চুন আর এ্যামানুন্ মারে ফেলেম। মুই সিয়েন ভস্তর্ জাগা গুরি রাগেম আর তৈমনত্তুন্ দদান সং মান্‌‌‌‌‌‌জ্যে যুদ্ধোত্ মুড়িবাক্।

যিহিষ্কেল 25:14

মুই মঅ মানুচ্ ইস্রায়েলর আঢ্‌‌‌‌‌‌তোই ইদোম উগুরে হেনা সুজিম্ আর তারা মর্ অমকদ বেজারে আহ্ রাগে ইদোম বিরুদ্ধে কাম গুরিবাক্। সেক্কে তারা হবর্ পেবাক্, মুই হেনা সুজ্‌‌‌‌‌‌চ্যং।”

যিহিষ্কেল 26:14

মুই তরে পাত্তর্ ধোক্ক্যেন গুরি রাগেম আর তুই অবে জাল্ শুগেবার জাগা। তরে আর বানা ন-অবঅ, কিত্যে মুই প্রভু লগেপ্রভু এ কধাগান কঙর্।

যিহিষ্কেল 35:4

তর্ শঅরানি মুই ভস্তর্ জাগা বানেম আর তুই মানুচ্ নেইয়্যে অবে। সেক্কে তুই হবর্ পেবে, মুয়ই লগেপ্রভু।

যিহিষ্কেল 35:9

উমরত্তে মুই তরে মানুচ্ নেইয়্যে গুরি রাগেম; তর্ শঅরানিত্ কনজনে বজত্তি ন-গুরিবাক্। সেক্কে তুই হবর্ পেবে, মুয়ই লগেপ্রভু।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

আমোষ 3:15

মুই যার্‌‌‌‌‌কাল কাদেবার ঘরানি আর গরমকাল কাদেবার্ ঘরানি ভাঙি ফেলেম; এ্যদো দাদর্ কাম গোজ্যে ঘরানি বর্‌‌‌‌‌বাত গরা অবঅ আর দাঙর্ দাঙর্ ঘরানি ভস্ত গরা অবঅ। মুই লগেপ্রভু এ কধাগান কঙর্।”

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

আমোষ 6:11

যেক্কে লগেপ্রভু উগুম দিবো সেক্কে দাঙর্ দাঙর্ ঘরানি আর চিগোন্ চিগোন ঘরানি কট্টা কট্টা গরা অবঅ।

আমোষ 6:2

তুমি কল্‌নীত যেইনে চঅ; সিয়েনত্তুন্ দাঙর্ হমাত যঅ, সে পরেদি পলেষ্টীয়গুনোর গাৎ শঅরত্ যঅ। সেই রেজ্যগানিত্তুন্ কি তমা রেজ্য দিয়্যেন গম্? তারা দেজ্‌চানিত্তুন কি তমা দেজ্‌চান দাঙর্?

ওবদিয় 1:1

ওবদিয়র দর্শন। ইদোম দেজর্ পৌইদ্যেনে প্রভু লগেপ্রভু এ বেক্ কধানি কোইয়্যে। আমি লগেপ্রভুত্তুন্ এক্কান হবর্ পেইয়্যেই। তে জাদ্‌‌‌‌‌তুনো ইধু এক্কো দূতোরে পাধেইনে এ কধাগান কবাত্তে কোইয়্যে, “উদো, আঢঅ আমি ইদোম বিরুদ্ধে যুদ্ধো গুরিবাত্তে যেই।”

ওবদিয় 1:10

তঅ ভেই যাকোব বিরুদ্ধে অত্যেচারত্তে তুই লাজে ঢাগি যেবে; তুই উমরত্তে ভস্ত অবে।

মথি লেখ্যে গম্ হবর্ 12:30

যুনি কনজনে মঅ পক্ষে ন-থায় সালে তে মঅ বিপক্ষে আঘে। যে মঅ সমারে ন-কুড়োই তে ছিদি দে।