লূকে লেখ্যে গম্ হবর্ 9:7 - Chakma Bible

⁷ যীশু যিয়েনি গোজ্যে সিয়েনি বেক্কানি শুনিনে গালীল শাসনগুরিয়্যে হেরোদে আমক্ অলঅ, কিত্যে কয়েকজন মান্‌জ্যে কদন্ বাপ্তিস্মদিয়্যে যোহনে মরণত্তুন্ জেই উঠ্যে;

লূকে লেখ্যে গম্ হবর্ 9:7 Iomraidhean Croise

গীতসংহিতা 73:19

কেজান্‌গুরি অদাঢত্ তারা ভস্ত ওই যান আর দর্‌বুক লাগেয়্যে দজাত্ এক্কুবারে শেজ্ ওই যান।

যিশাইয় 22:5

বেগত্তুন্ খেমতাবলা প্রভু লগেপ্রভুত্তুন্ দর্শন-কলগত্ অমকদ দর্‌গরেপারা, টেঙোই মাড়িবার আর যাগুলুগোর এক্কো দিন এচ্চ্যে। সিবে দেবালান্ ভাঙি ফেলেবার আর মুড়ো-মুড়ি ইদু কানিবার্ এক্কো দিন।‍‍

মীখা 7:4

তারা ভিদিরে বেগত্তুন গম্ মানুচ্চুনে কাদাঝুবো ধোক্ক্যেন, বেগত্তুন্ গম্ মানুচ্চুনে কাদা গাজর্ বেড়াত্তুন্‌অ বেশ্ বজং। তমা চুগিদারুনোর্ ফগদাং গুরিবার দিন, তমার্ সাজার দিন্নো লুম্মেগি। ইক্কিনে তমার্ বুদ্ধিনেইয়্যে অবার্ সময়।

মথি লেখ্যে গম্ হবর্ 11:2

বাপ্তিষ্মদিয়্যে যোহনে জেলোত্ থেইনে যেক্কে যীশু খ্রীষ্টর কামর্ কধা শুনিলো সেক্কে তা শিচ্চ্যগুনোরে দিইনে যীশুরে পুজোর্ গুরিবাত্তে পাধেল,

মার্ক 8:28

শিচ্চ্যগুনে কলাক্, “কেঅ কেঅ কন্দে তুই বাপ্তিস্মদিয়্যে যোহন; কেঅ কেঅ কন্ এলিয়; আরঅ কেঅ কেঅ কন্ তুই ভাববাদীগুনো ভিদিরে একজন।”

লূকে লেখ্যে গম্ হবর্ 13:31

সেক্কে কয়েক্কো ফরীশী যীশু ইধু এইনে কলাক্, “তুই ইত্তুন্ যাগোই, কিয়া হেরোদে তরে মারে ফেলেবাত্তে চার্।”

লূকে লেখ্যে গম্ হবর্ 21:25

“সেক্কে বেলান্, চানান্ আর তারাগুনো ইধু বোউত্ চিহ্নো দেগা যেবঅ। পিত্‌থীমিত্ বেক জাদ্‌তুনে দুঘ্ পেবাক্ আর দোজ্যে সাগরর্ গুজুরোনি আর তুবোলত্তে তারা অমকদ থির্ নেইয়্যে অবাক্।

লূকে লেখ্যে গম্ হবর্ 23:7

শাসনগুরিয়্যে হেরোদ শাসন অধীনোত্ যে রেজ্যগান্ আঘে, যীশু সে জাগার্ মানুচ্‌ কোই পারিনে পীলাতে তারে হেরোদ ইধু পাধেই দিলো। সে অক্তত্ হেরোদেয়ো যিরূশালেমত্ এলঅ।

লূকে লেখ্যে গম্ হবর্ 3:1

রোম-সম্রাট তিবিরিয় কৈসরর্ রাজাগিরির্ পনর বজরত্ যিহূদিয়া রেজ্যর্ আজল্ শাসনগুরিয়্যে এলদে পন্তীয় পীলাত। সেক্কে হেরোদে গালীল রেজ্যত্ আর তা ভেই ফিলিপে যিতূরিয়া রেজ্যত্ আর ত্রাখোনীতিয়াত্ শাসন গুরিদাক্। লুষানিয়া এলদে অবিলীনীর শাসনগুরিয়্যে,

লূকে লেখ্যে গম্ হবর্ 9:19

শিচ্চ্যগুনে কলাক্, “কেঅ কেঅ কন্ তুই বাপ্তিস্মদিয়্যে যোহন; কেঅ কেঅ কন্ এলিয়; আরঅ কেঅ কেঅ কন্ ভালোক্ দিন আগে এক্কো ভাববাদী জেই উঠ্যে।”