লূকে লেখ্যে গম্ হবর্ 9:51 - Chakma Bible

⁵¹ যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

লূকে লেখ্যে গম্ হবর্ 9:51 Iomraidhean Croise

২ রাজাবলী 2:11

তারা কধা কদে কদে আদদন্‌ এন্‌ সময়োত্‌ অদাদৎ এক্কান্‌ আগুনো রথ আর আগুনোর কয়েক্কো ঘোড়া এইনে তারার্‌ দ্বিজনরে ফারগ্ গুরি দিলো আর এলিয় এক্কান্‌ থুট্ট্যেবোইয়্যেরলোই স্বর্গত্‌ গেলগোই।

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

লূকে লেখ্যে গম্ হবর্ 12:50

মত্তুন্ এক্কো বাপ্তিস্ম লুয়ো পুরিবো, আর যেদক্ দিন সং সিয়েন ন-অয় সেদক্ দিন সং মর্ দুঘোর্ শেজ্ নেই।

লূকে লেখ্যে গম্ হবর্ 13:22

আদামে আদামে আর শঅরে শঅরে শিক্ষ্যে দেদে দেদে যীশু যিরূশালেম ইন্দি যাহ্ ধুরিলো।

লূকে লেখ্যে গম্ হবর্ 17:11

যিরূশালেমত্ যেবার্ পধত্ যীশু শমরিয়া আর গালীল ভিদিরেদি যার্।

লূকে লেখ্যে গম্ হবর্ 18:31

যীশু তার্ বারজন শিচ্চ্যরে এক কিত্তেদি ডাগিনে কলঅ, “শুনো! আমি যিরূশালেমত্ যের্‌। মান্‌জ্যপুয়োবো পৌইদ্যেনে ভাববাদীগুনে যিয়েনি যিয়েনি লিগি যেইয়োন্ সিয়েনি সত্য ঘুদিবো।

লূকে লেখ্যে গম্ হবর্ 19:11

যীশু সেক্কে যিয়েনত্ এলঅ সিয়েনত্তুন্ যিরূশালেমান বেশ্ দূরোত্ নয়, আর যিগুনে তা কধা শুনোদন্ সিগুনে ভাবদন্, গোজেন রেজ্যগান্ সবরে ফগদাং পেবঅ। সেনত্তে যীশু তারারে শিক্ষ্যে দিবাত্যে এ কধাগান্ কলঅ:

লূকে লেখ্যে গম্ হবর্ 19:28

এ বেক্ কধানি কনার্ পরেদি যীশু তারা আগে আগে যিরূশালেম ইন্দি যাহ্ ধুরিলো।

লূকে লেখ্যে গম্ হবর্ 24:51

বর্ দেদে দেদে তে তারারে ফেলেই গেলঅ আর তারে স্বর্গত্ তুলি নেযা অলঅ।

লূকে লেখ্যে গম্ হবর্ 9:57

তারা পধেদি যাদন্ এমন সময় এক্কো মানুচ্ যীশুরে কলঅ, “তুই যিধু যেবে মুইয়ো তঅ লগে সিধু যেইম্।”

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 16:28

ঘেচ্চ্যেক্‌গুরি মুই স্বর্গর্ বাবা ইত্তুন্ এ জগদত্ এচ্চ্যং, আরঅ মুই এ জগদ্‌তান্ ফেলেইনে বাবা ইধু যাঙর্।”

যোহন 16:5

যে মরে দিপাধেয়্যে মুই ইক্কিনে তা ইধু যাঙর্, আর তমাত্তুন্ কেঅ মরে পুযোর্ অ ন-গরন্, তুই কুধু যর্?

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 6:62

সালে মান্‌জ্যপুয়োবো আগেদি যিধু এলঅ তারে সিধু উদি যাদে দেগিলে তুমি কি কবা?

প্রেরিত্‌ 1:2

যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

প্রেরিত্‌ 1:9

এ কধানি কনার্ পরেদি শিচ্চ্যগুনো চোগো মুজুঙোত্ যীশুরে তুলি নেযা অলঅ আর তে এক্কান্ মেঘঅ আন্দলে গেলগোই।

ইফিষীয় 1:20

যিয়েনর মাধ্যমে তে মরণত্তুন্ খ্রীষ্টরে জেদা গুরি তুল্ল্যে আর র্স্বগত্ তার ডেনেদি বোজেয়্যে।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।