লূকে লেখ্যে গম্ হবর্ 9:43 - Chakma Bible

⁴³ গোজেনে যে কত্তমান্ দাঙর্ সিয়েন দেগিনে বেক্কুনে আমক্ অলাক্। যীশু যিয়েনি গোজ্যে সে পৌইদ্যেনে বেক্কুনে যেক্কে আমক্ ওইনে ভাবদন্ সেক্কে তে তা শিচ্চ্যগুনোরে কলঅ,

লূকে লেখ্যে গম্ হবর্ 9:43 Iomraidhean Croise

গীতসংহিতা 139:14

মুই তরে বাঈনী গরং, কিত্তে মুই অমকদ আমক্ ওইদ্যে ধোক্ক্যেন ওইয়োং; আমক্ অবার্ তর্ বেক্ কামানি, মুই সিয়েন গমেডালে হবর্ পাং।

সখরিয় 8:6

ইয়েনি যে ঘুদিবো সিয়েনি এ জাদর্ বাঁজি থেইয়্যে মানুচ্চুনো ইধু অসম্ভব বিলি মনে ওই পারে, মাত্তর্ মইদু সিয়েনি অসম্ভব নয়। মুই বেগত্তুন্ খেমতাবলা লগেপ্রভু এ কধাগান কঙর্।

মথি লেখ্যে গম্ হবর্ 17:22

যেক্কে গালীলোত্ বেক শিচ্চ্যগুনে এগত্তর্ ওইয়োন, যীশু তারারে কলঅ, “মান্‌জ্য পুয়োবোরে মান্‌জ্য আঢত্ ধুরি দিয়্যে অবঅ।

মার্ক 6:51

যীশু শিচ্চ্যগুনোর নৌকোগানত্ উদোনার্ পরেদি বৌইয়্যেরান্ থামেল। ইয়েন্দোই শিচ্চ্যগুনে অমকদ আমক্ ওই গেলাক্,

লূকে লেখ্যে গম্ হবর্ 18:43

মানুচ্চো সেক্কে লগে লগে চোগেদি দেগিলো আর গোজেনরে বাঈনী গত্তে গত্তে যীশুর্ পিজে পিজে গেলঅ। ইয়েন দেগিনে বেক্ মানুচ্চুনে গোজেনরে নাঙ্ গিনিলাক্ ।

লূকে লেখ্যে গম্ হবর্ 4:36

ইয়েনত্ বেক্কুনে আমক্ ওইনে নিজো ভিদিরে কুয়ো কি গরা ধুরিলাক্, “ইয়েন কিবাবোত্যে কধা! অধিকার আর খেমতালোই তে ভান্ন্যেই আত্মাগুনোরে উগুম্ দে আর তারা নিগিলি যান্!”

লূকে লেখ্যে গম্ হবর্ 5:26

সেক্কে বেক্কুনে অমকদ আমক্ অলাক্ আর ভোক্তিবলা দরে গোজেনরে বাঈনী গুরিনে কলাক্, “এইচ্চ্চ্যে আমি কি আমক্ অইদ্যে বেপার দেগিলোং!”

লূকে লেখ্যে গম্ হবর্ 5:9

এদক্ মাছ ধরা পোজ্যন্ দেগিনে শিমোন-পিতরে আর তা সমাজ্যেগুন্ বেক্কুনে আমক্ অলাক্।

লূকে লেখ্যে গম্ হবর্ 8:25

তে শিচ্চ্যগুনোরে কলঅ, তমা বিশ্বেজ্‌চান কুদু? শিচ্চ্যগুনে ভোক্তিবলা দরে আমক্ ওইনে নিজো ভিদিরে কুয়ো কি গরা ধুরিলাক্, “ইবে কন্না, যিবে বোইয়্যের্ আর পানিগানরে উগুম্ দিলে পর তারায়ো তা কধা শুনোন্?”

লূকে লেখ্যে গম্ হবর্ 9:42

পুয়োবো যেক্কে এজের্ সেক্কে সেই ভান্ন্যেই আত্মাবো তারে আছাড়্ মারিনে মুযুরি ধুরিলো। সেক্কে যীশু সেই ভান্ন্যেই আত্মাবোরে ধমক্ দিলো আর পুয়োবোরে গম্ গুরিনে তা বাব ইধু ফিরেই দিলো।

২ পিতর 1:16

আমা প্রভু যীশু খ্রীষ্টর খেমতা আর তার্ এযানা পৌইদ্যেনে তমারে জানেবাত্যে যেইনে আমি কনঅ বানেইয়্যে কিত্ত্যে ন-কোই; আমি তার মহিমাগান নিজো চোগেদি দেক্ক্যেই।