লূকে লেখ্যে গম্ হবর্ 9:2 - Chakma Bible

² সে পরেদি তে তারারে গোজেন রেজ্য পৌইদ্যেনে ফগদাং গুরিবাত্তে আর পীড়েল্যেগুনোরে গম্ গুরিবাত্তে পাধেই দিলো।

লূকে লেখ্যে গম্ হবর্ 9:2 Iomraidhean Croise

মথি লেখ্যে গম্ হবর্ 10:5

যীশু সেই বারজনরে এই বেক্ উগুমানি দিইনে পাধেল, তুমি অযিহূদীগুনো ইধু বা শমরীয়গুনোর্ কনঅ আদামত্ ন-যেয়ো,

মথি লেখ্যে গম্ হবর্ 24:14

বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মার্ক 16:15

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

মার্ক 6:12

সেক্কে শিচ্চ্যগুনে যেইনে প্রচার গরা ধুরিলাক্ যেন মানুচ্চুনে পাপত্তুন্ মনানি ফিরান্।

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

লূকে লেখ্যে গম্ হবর্ 10:11

তমা আদামর্ যে ধূল্যেগানি আমা টেঙত্ বাস্যে সিয়েনিয়ো আমি তমা বিরুদ্ধে ঝাড়ি ফেলেলং। তো তুমি জানি রাগেয়ো, গোজেন রেজ্যগান্ কায়-কুরে লুম্মেগি।

লূকে লেখ্যে গম্ হবর্ 10:9

সে আদামর্ পীড়েল্যেগুনোরে গম্ গরঅ আর তারারে কঅ, গোজেন রেজ্যগান্ তমা কায়-কুরে লুম্মেগি।

লূকে লেখ্যে গম্ হবর্ 16:16

মোশির আইন-কানুন্ আর ভাববাদীগুনোর্ লেখ্যে কধানি বাপ্তিষ্মদিয়্যে যোহন সং চুলিদো। সে পরেত্তুন্ ধুরি গোজেন রেজ্যর্ গম্ হবর্ ফগদাং গরা অর্ আর বেক্কুনে আয়োজি ওইনে জুরেসুরে সেই রেজ্যত্ সমদন্।

লূকে লেখ্যে গম্ হবর্ 9:11

সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।