লূকে লেখ্যে গম্ হবর্ 9:11 - Chakma Bible

¹¹ সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।

লূকে লেখ্যে গম্ হবর্ 9:11 Iomraidhean Croise

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

মথি লেখ্যে গম্ হবর্ 12:15

সেই সল্লাগান পৌইদ্যেনে হবর্ পেইনে যীশু সিয়েনত্তুন গেলগোই। সেক্কে বোউত্ মানুচ্ তা পিজে পিজে গেলাক্।

মথি লেখ্যে গম্ হবর্ 14:14

যীশু নৌকোত্তুন্ লামিনে সয়-সাগোজ্যে মানুচ্ দেগিলো আর মেয়্যে লাগিনে তারা ভিদিরে যিগুনে অসুগ্ এলাক্ তারারে গম্ গুরিলো।

মথি লেখ্যে গম্ হবর্ 21:31

এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

লূকে লেখ্যে গম্ হবর্ 1:53

যিগুনোর্ অভাব আঘে, গম্ গম্ জিনিচ্চোই তে তারার্ অভাব্‌পানি পূরোণ গোজ্যে, মাত্তর্ তাগোয়্যেগুনোরে সুদো আঢে বিদেয় গোজ্যে।

লূকে লেখ্যে গম্ হবর্ 5:31

যীশু তারারে কলঅ, “গম্ মানুচ্চুনোত্তে ডাক্তারর্ দরকার্ নেই বরং পীড়েল্যেগুনোত্তেই দরকার্ আগে।

লূকে লেখ্যে গম্ হবর্ 8:1

পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্‌দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্;

লূকে লেখ্যে গম্ হবর্ 8:10

সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।

লূকে লেখ্যে গম্ হবর্ 9:10

যীশু যে শিচ্চ্যগুনোরে পাধেয়্যে তারা ফিরি এলাক্ আর কি কি গোজ্যন্ বেক্কানি তারা যীশুরে কলাক্। সেক্কে যীশু তারারে লোইনে বৈৎসৈদা আদাম কায় এক্কান্ মানুচ্ নেইয়্যে জাগাত্ গেলঅ।

লূকে লেখ্যে গম্ হবর্ 9:12

যেক্কে বেলান্ ডুবেল্লোই সেক্কে সেই বারজন শিচ্চ্য এইনে যীশুরে কলাক্, যীশু তারারে কলঅ, “আমি যিয়েনত্ আগিই সিয়েন্ এক্কান্ নিরিবিলি জাগা। সেনত্তে এ মানুচ্চুনোরে পাধেই দে যেন তারা কায়কুরে অাদামত্ আর খামার ঘরত্ যেইনে হানা আর থেবার্ জাগা তোগেই নেযেই পারন্।”

লূকে লেখ্যে গম্ হবর্ 9:2

সে পরেদি তে তারারে গোজেন রেজ্য পৌইদ্যেনে ফগদাং গুরিবাত্তে আর পীড়েল্যেগুনোরে গম্ গুরিবাত্তে পাধেই দিলো।

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

প্রেরিত্‌ 28:31

তে সাহচ্‌ গুরিনে গমেডালে গোজেন রেজ্য পৌইদ্যেনে প্রচার গুরিদো আর প্রভু যীশু খ্রীষ্ট পৌইদ্যেনে শিক্ষ্যে দিদো।

রোমীয় 10:14

মাত্তর্ যিবে উগুরে তারা বিশ্বেজ্ ন-গরন্ তারে কেধোক্ক্যেন্ গুরি ডাগিবাক্? যিবে পৌইদ্যেনে তারা ন-শুনোন্ তা উগুরে কেধোক্ক্যেন গুরিনে বিশ্বেজ্ গুরিবাক্? প্রচারক ন-থেলে তারা কেধোক্ক্যেন্ গুরিনে শুনিবাক্?

রোমীয় 10:17

সালে দেগা যায়, গোজেনর্ কধানি শুনোনার্ পরেদি বিশ্বেজ্ এজে, আর যীশু খ্রীষ্ট পৌইদ্যেনে প্রচারর্ মাধ্যমে সেই কধানি শুনিবাত্তে পাহ্ যায়।

রোমীয় 15:3

খ্রীষ্টয়ো নিজোরে হুজি ন-গরে। পবিত্র বোইবোত্ লেগা আঘে, “যিগুনে তরে অগমান্ গরন্ সিগুনোর্ গোজ্জ্যে বেগ্ অগমানানি মঅ উগুরে পোজ্জ্যে।”

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।