লূকে লেখ্যে গম্ হবর্ 9:1 - Chakma Bible

¹ ইয়েনর্ পরেদি যীশু সেই বারজন শিচ্চ্যরে ডাগিনে এগত্তর্ গুরিলো আর বেক্ ভান্ন্যেই আত্মা উগুরে খেমতা আর অধিকার্ দান গুরিলো। তে তারারে পীড়ে গম্ গুরিবার্ খেমতায়ো দিলো।

লূকে লেখ্যে গম্ হবর্ 9:1 Iomraidhean Croise

মথি লেখ্যে গম্ হবর্ 16:19

মুই তরে স্বর্গ-রেজ্যর্ চাবিগানি দিম্, আর তুই এ পিত্‌থিমীত্ যিয়েনি থুবেবা সিয়েনি স্বর্গত্অ বানি থুয়ো অবঅ আর যিয়েনি খুলিবে সিয়েনি স্বর্গত্অ খুলি দিয়্যে অবঅ।”

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 8:9

মুই এ কধাগান হবর্ পাং কিয়া মত্তুন্অ অন্যগুনোর্ কধামজিম্ চলা পড়ে আর সৈন্যগুনে মঅ কধামজিম্ চলন্। মুই একজনরে ‘যাহ্’ কলে তে যায়, অন্যজনরে ‘আয়’ কলে তে এজে। মঅ চাগর্‌বোরে ‘ইয়েন গর্’ কলে তে সিয়েন্ গরে।”

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।

যোহন 14:12

মুই তমারে ঘেচ্চ্যেক্‌গুরি কঙর্, কেঅ যুনি মঅ উগুরে বিশ্বেজ্ গরে সালে মুই যেদক্কানি কাম্ গোজ্যং তেয়ো সিয়েনি গুরিবো। আর মুই বাবা ইধু যাঙর্ বিলি তে ইয়েনিত্তুন্ আরঅ দাঙর্ দাঙর্ কাম্ গুরিবো।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 3:16

এই যে মানুচ্চোরে তুমি দেগর্ আর যিবেরে তুমি চিনো, যীশু উগুরে বিশ্বেজর্ কারনে, যীশু নাঙর্ গুণে সে খেমতাগান পেইয়্যে। যীশুর মাধ্যমে যে বিশ্বেজ্‌চান এজে সেই বিশ্বেজ্‌চানই তমা বেক্কুনো মুজুঙোত্ তারে পুরোপুরি গুরি গম্ গুরি তুল্ল্যে।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।