লূকে লেখ্যে গম্ হবর্ 8:34 - Chakma Bible

³⁴ যিগুনে শূগোর্ চড়াদন্ তারা এ ঘটনাগান্ দেগিনে ধাবা যেইনে সেই আদামত্ আর তা কায়কুরে বেক্ জাগানিত্ এ হবরান্ দিলাক্।

লূকে লেখ্যে গম্ হবর্ 8:34 Iomraidhean Croise

মথি লেখ্যে গম্ হবর্ 28:11

সেই মিলেগুনে যেক্কে যাদন্ সেক্কে সেই চুগিদারুনোত্তুন্ কয়েকজনে শঅরত্ গেলাক্ আর যিয়েনি যিয়েনি ঘোট্যে সিয়েনি আজল্ ধর্মগুরুগুনোরে জানেলাক্।

মথি লেখ্যে গম্ হবর্ 8:33

যিগুনে সেই পাল্লো চরাদন্ তারা সেক্কে ধাবা দিইনে আদামত্ যেইনে বেক্ হবরানি জানেলাক্। বিশেজ্ গুরিনে সেই ভুদে পেইয়্যে মানুচ্চুনো পৌইদ্যেনে তারা বেক্কুনোরে কলাক্।

মার্ক 5:14

যিগুনে শূগোর্ চরাদন্ তারা সেক্কে ধেই যেইনে আদামত্ আর সিয়েনর্ কায়কুরে বেক্ জাগানিত্ এ হবরান্ দিলাক্। সেক্কে মানুচ্চুনে কি ওইয়্যে চেবাত্তে এলাক্।

লূকে লেখ্যে গম্ হবর্ 8:35

কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।