লূকে লেখ্যে গম্ হবর্ 8:3 - Chakma Bible

³ রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।

লূকে লেখ্যে গম্ হবর্ 8:3 Iomraidhean Croise

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

যিশাইয় 23:18

মাত্তর্ তার লাভ আর আয় লগেপ্রভুর নাঙে যুদো গুরি রাগা অবঅ; সিগুন জোমেই রাগানা বা থুবোনা ন-অবঅ। যিগুনে লগেপ্রভু মুজুঙোত্ আঢাউদো গরদন্ তারার্ হানা-দানাত্তে আর দোল্ দোল্ কাবড়-চুগোরত্তে তার সে লাভ্‌‍‍‍পুন খরচ্ গরা অবঅ।

মথি লেখ্যে গম্ হবর্ 14:1

সে সময়োত্ যীশু পৌইদ্যেনে শুনিনে গালীল রেজ্যর্ শাসনগুরিয়্যে হেরোদে তা কাম্ গুরিয়্যেগুনোরে কলঅ, “ইবেই বাপ্তিস্মদিয়্যে যোহন; যিবে মরণত্তুন্ জেই উঠ্যে। সেনত্তে তে এই বেক্ আমক্ কামানি গোজ্যে।”

মথি লেখ্যে গম্ হবর্ 14:3

হেরোদে নিজোর্ ভেই ফিলিপ মোক্কো হেরোদিয়ার কারনে যোহনরে বন্দী গুরিনে নেযেইনে জেল্‌খানাত্ রাগেল,

মথি লেখ্যে গম্ হবর্ 14:6

হেরোদ জর্মদিনোত্ হেরোদিয়ার ঝিবো তুবেয়্যে বেক্ মানুচ্চুনো মুজুঙোত্ নাজিনে হেরোদরে হুজি গুরিলো।

মথি লেখ্যে গম্ হবর্ 20:8

পরেদি সাজোন্যে অলে আংগুর খেদ গিরোজ্‌সো তা চাগর্‌বোরে কলঅ, কাম্ গুরিয়্যেগুনোরে ডাগিনে বেগ যেরেদি মানুচ্চোত্তুন ধুরি আরাম্ভ গুরিনে পৌইল্যাবো সং পত্তিজনরে বেতন দে।

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মথি লেখ্যে গম্ হবর্ 26:11

নাঢা মানুচ্চুনে দঅ নিত্য তমা ইধু আগন্, মাত্তর্ মরে তুমি নিত্য ন-পেবা।

মথি লেখ্যে গম্ হবর্ 27:55

বোউত্ মিলেয়ো সিয়েনত্ দূরোত্ থিয়্যেইনে বেক্কানি দেখ্যন্। যীশুরে সেবা গুরিবাত্তে তারা গালীলত্তুন্ ধুরি তা সমারে এচ্চ্যন্।

লূকে লেখ্যে গম্ হবর্ 24:10

সেই মিলেগুনো ভিদিরে এলাক্ মগ্‌দলীনী মরিয়মে, যোহানা আর যাকোবর্ মা মরিয়ম। তারা সমারে আর অন্য যে মিলেগুন এলাক্ তারায়ো এ বেক্‌ কধানি প্রচারগ্‌‍কুনো ইধু কলাক্।

যোহন 12:6

যিহূদা যে নাঢা মানুচ্চুনো পৌইদ্যেনে চিন্তে গুরিনে এ কধাগান্ কোইয়্যে সিয়েন্ নয়। আসলে তে এলদে চুর্। টেঙা বাক্সুবো তাইধু থেদঅ বিলি যিগুন্ থুয়ো অদঅ সিগুনোত্তুন্ চুর্ গুরিদো।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

ফিলিপীয় 4:22

গোজেনর্ বেক্‌ মানুচ্চুন যিগুনে ইধু আঘন, বিশেষ গুরিনে সম্রাট কৈসরর্ ঘর মানুচ্চুনে তমারে ভালেদি জানাদন্।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।